10मूर्ख मुर क्येट थीब मुर खोदेंशो पा बाक्चा मशिरब। मिनु वाइलमी ठेयब मुर आन कली हुकुम पचा यो मशिरब।
11निप्स पाइश्शो मुर ओंखां पा गाइक्नीम। मिनु अरुमी थुं खाइक्तीक लोव़ पाम्तेक्म हना यो, मेको सिक्सी पा बाक्चा आ मान बाक्ब। हितोपदेस १४:२९
12पिप आ गाइश्शो गुप्स आ ग्रीशो खोदेंशो बाक्ब। आ दाक्तीक चहिं घांस तार दोक्शो सुनी ङा सीत खोदेंशो बाक्ब। हितोपदेस १६:१४-१५
13निप्स मपाइश्शो तौ आ आफ कली श्येत बाक्ब। मिनु गेना हना यो जिचा पोक्ब मीश, तप तप पा याप्शो ब्वाक्कु खोदेंशो बाक्ब। हितोपदेस २७:१५-१६
14खिं नु शोंप आम आफ रे तांइसीब। तन्न होस पाइब मीश चहिं परमप्रभु यावे रे तांइसीब। हितोपदेस १८:२२
15अल्सी पतीकेमी निन्द्रा पपाइक्ब। अल्से शोव़लुन बाक्चा माल्नीम।
16सुमी परमप्रभु यावे आ शेंशो टीनीमी, मेको ब्रोंइचा ताइनीम। सुमी मटीनीमी मेको बेक्चा माल्नीम। हितोपदेस १६:१७