18सु आ नेक्था ङा मुर आ पर्बम जमानी बाक्चा कली सल्ला पाइबा, मेको मरुप्ब मुर बाक्ब। हितोपदेस ६:१-५
19जिचा दाक्बमी पाप कली यो दाक्ब। लाइश्शो लाप्चो सेल्बमी मुर आन रुश जिक्पाइक्ब।
20मरिम्शो थुं पाइश्शो मुर आन कली मारेइम मगाप्ब। दूली पा जोल पाइब मुर हिंचा ङा श्येत जाइब।
21मूर्ख तौमी आ आम आफ आस कली सुर्ता पपाइक्ब। मूर्ख आ आफ गेनायो ग्येरचा मताइब।
22ग्येरसीशो थुंमी रां कली सापाइक्ब। तन्न लुक्च लशो थुंमी मुर कली सोव़पाइक्ब। हितोपदेस १५:१३-१५
23परमप्रभु यावे आ अरेशो मटीब मुरुमी निसाफ दूली सेल्चा कली ख्रुइश्शा घूस जाइब। प्रस्थान २३:८
24रुप्ब मुरुम आ तुइक्तीके माल्ब। तन्न मूर्खमी रागी आ सुर सम्म कोव़शो बाक्ब। हितोपदेस ४:२५
25मूर्ख तौमी आ आफ कली सुर्ता पपाइक्ब। आ आम कली गेना हना यो ङाक्पाइक्ब।
26दोस मताइब मुर कली सजाइ गेचा क्येङा ठेयब मुर आन कली रिम्शो पचा कली तुप्चा मरिम्शो बाक्ब।
27जोक्ब थुं पाइश्शो मुर शुश मब्वाक्नीम। रुप्ब मुर आन गेय पचा ङोंइती मिम्शा, बाक्नीम। हितोपदेस १०:१९; याकूब १:१९
हितोपदेस 17
हितोपदेस 17:18-27