12मूर्ख मुरुमी मूर्ख पवा ना ग्रुम्चा क्येङा आ चाइक्ब रोंइसीशो वां कली ग्रुम्चा रिम्शो बाक्ब।
13सुमी रिम्शो पाइब आन कली मरिम्शो पाइबा, मेको आ खिं रे मरिम्शो गेनायो मलाइब।
14दोपा प्रोंइशो ब्वाक्कु बोल पा शाइक्बा, मोपा जिचा पोक्तीक बाक्ब। मोपतीके जिचा ठेयब दुम्चा क्येङा ङोंइती मेको कली तेक्कीन।
15सुमी परमप्रभु यावे आ अरेशो मटीब आ पर्बम “ठीक पाइब बाक्ब” देंबा, मिनु ठीक पाइब आ पर्बम “ठीक पाइब मबाक्ब” देंबा, मेको निम्फा आस कली परमप्रभु यावेमी ग्रांग्रा दीब। यसैया ५:२३
16मूर्ख आ गुइमी तुइक्तीक थुं ग्याप्चा कली क्येट मारदे माल्बा ङा?। मेको के शेंसीतीक थुं मबाक्ब।
17वारचमी गेना हना यो दाक्ब। लोक्बपुकी चहिं श्येत जशो ना वारच पचा कली जरमेशो बाक्नीम।
18सु आ नेक्था ङा मुर आ पर्बम जमानी बाक्चा कली सल्ला पाइबा, मेको मरुप्ब मुर बाक्ब। हितोपदेस ६:१-५
19जिचा दाक्बमी पाप कली यो दाक्ब। लाइश्शो लाप्चो सेल्बमी मुर आन रुश जिक्पाइक्ब।
हितोपदेस 17
हितोपदेस 17:12-19