22मार, मरिम्शो मिम्शा पाइब हेंथे लां मगाक्नीमी, ङा? रिम्शो पचा मिम्शा पाइबमी गेना हना यो दाक्शा मप्रोंइचा पुंइसीनीम।
23गेय पतीक नेल्लेमी दारतीक बाक्ब। तन्न लोव़ पा ला बाक्ब मुर प्रुङग दुम्ब।
24जोक्ब मुर आन तुइक्तीके आन सिरपेच खोदेंशो बाक्ब। तन्न मूर्ख आन पशो आन माला खोदेंशो बाक्ब।
25थमा सांकछीमी मुर आन कली प्रोंइब। तन्न जोल पाइब सांकछीमी जोल ला पाइब।
26परमप्रभु यावे कली मान पा हिंचा, मेको मुर आ ख्रुइश्शा ब्रोंइशा बाक्तीक बाक्ब। मेको आ आलपुकीमी यो मेको ताइनीम। हितोपदेस १८:१०
27परमप्रभु यावे कली मान पा हिंचा ब्वाक्कु बुक्तीक खोदेंशो पा ब्रोंइतीक बाक्ब। मेको रे पा मुरपुकी बेक्पाइक्ब आ ब्वारद रे ब्रोंइनीम।
28पिप आ दारस आ रागी ङा शुश मुर बाक्नीम। तन्न मुर नुप्तेक्म हना, हुकुम पाइब जाम्शा लाइब।
हितोपदेस 14
हितोपदेस 14:22-28