5“इङ्गाॽ जोप्पा ये़क्यक्को तुवा चोःक्कि वयाङ्ङिल्ले़ सुफोधिक् निःसुङ्॥ ताङ्साक्पोलाम् यम्बा तेःत् हे़क्तङ्बान् लिसि कुसुक्पो खेःङ्मनाबा आबेसाङ् मक्थ्ये़बा इङ्गाॽ निःसुङ्॥
6खे़प्मो इक्साओबा काक् परिक्पा चामा मे़न्नुॽमनाबा के़सःन्छिङ्बा, ताम्भुङ् नु हिम्थक्साहाॽ हे़क्क्याङ् पुसाहाॽ मे़यागे़बा निःसुङ्सिङ्॥
7ताङ्साक्पोलाम् इक्लाधिक् खे़प्सुङ्, ‘पत्रुसे, पोगे़ॽ! से़रे़से़ॽआङ् चे़ॽओ॥’
8कर इङ्गाॽ नोगप् पिरुङ्, ‘से़क्खासाङ् अक्तङ्बाग इङ्गाॽ मे़जाआन्लो॥ आल्लो थारिक् निङ्वाॽफुमाङ्ङिल्ले़ मे़दाःक्तुम्बा चा थेआङ् मे़न्जाए वाॽआरो॥’
9याम्मो ताङ्साक्पोलाम् खे़न् इक्लाःन् खे़प्सुङ्, ‘निङ्वाॽफुमाङ्ङिल्ले़ ताःक्तुबा कुजाहाॽ आप्फाल्ले़आङ् याप्मि के़जिःम्बा मे़लेःत्ते़न्ने़ॽओ॥’
10हे़क्केलॽरिक् सुम्ले़ङ् अक्खे पोःक्खे़आङ् ताङ्साङ् थो खे़न् पक्खे़ तेॽरे़बा निःसुङ्लो॥
11बा खे़न् ये़म्मो सिजरियालाम् आलाःसे़ मे़बाङ्घुसिबा सुम्सि मनाहाॽ इङ्गाॽ याःक्ताङ्बा हिम्मो मे़गे़रे़॥