12दोःसीनोन येशूसे म्हिगदेदा लोप्बान, “जम्बुलिङला य्हाल ङानोन हिन्ना। ङादेन छ्याम भ्रबा म्हि खाइमै धोपधोपरी भ्रआतोः। तिग्दा भिसम थेसे जुनी पिन्बा य्हाल याङ्ला” भिसी सुङ्जी।
13जमाहेन्से फरिसीगदेसे येशूदा “एसे ह्राङलान बारेरी पाङ्बान मुला, एसे पाङ्बा ताम सत्य आहिन” भिसी भिजी।
14येशूसे थेनीगदेदा चुह्रङ् भिसी सुङ्जी, “ङाइ ङालान बारेरी पाङ्सैनोन ङाइ पाङ्बा ताम सत्य हिन्ना। तिग्दा भिसम ङा खानङग्याम खबा हिन्ना, ओच्छे खानङ निबान मुला भिबा ताम ङादा था मुला। तर एनीगदेदा चु ताम था आरे।
15एनीगदेसे मी म्हिला ज्ञान बुद्धिग्याम निसाफ लमुला। तर ङाइ मी खालैला निसाफ आल।