50तर स्वर्गग्याम खबा गेङ चुनोन हिन्ना, जुन म्हिसे चु गेङ चला थे खाइमै आसि।
51स्वर्गग्याम खबा छोन्बो गेङ चा ङानोन हिन्ना, जुन म्हिसे चु गेङ चला थे खाइमै आसि। चु गेङ चा ङाइ जम्बुलिङला म्हिगदेसे जुकजुकधोनाला जुनी याङ्गै भिसी पिन्ना। थे गेङ चा ङालान ल्हुइ हिन्ना।”
52चु ताम थेःसी यहूदीगदेदा बोमो रेःसी ह्राङ ह्राङ न्हङरी चुह्रङ् भिसी ताम लबारी छ्याइजी, “चु म्हिसे खाह्रङ् लसी ह्राङला ल्हुइ य्हाङदा चबारी पिन्खम्ला?”
53जमाहेन्से येशूसे थेनीगदेदा चुह्रङ् भिसी सुङ्जी, “च्यागो, एनीगदेसे ङाला ताम ङ्यान्गो, चुदे एनीगदेसे परमेश्वरसे पुइखबा म्हिला ल्हुइ आचनी भिसम, का आथुङ्नी भिसम एनीगदेदेन छ्याम जुकजुकधोनाला जुनी आत।