7तर सिपाहीगदेला हाकिम लुसियससे ङनी मुबा ग्लारी खसी जबरजस्ती थेदा ङनीग्याम ब्यन्सी भोर्जी।
8ओच्छे चुदा बिरोध लबागदेदा ह्राङला ङाच्छा निउ भिसी कुल्जी। दाहेन्से ङन्से चुदा बिरोध लसी पाङ्मा ठीक हिन्ना कि आहिन भिसी ह्राङसेनोन ङ्योइबा छार्बा लमाहेन्से था याङ्ला।”
9थेदेन छ्याम खबा यहूदीगदेसेनोन “चु जम्मान ताम ठीक हिन्ना” भिसी भिजी।
10अञ्चलाधीशसे पावलदा ताम पाङ्पुङ्माहेन्से पावलसे चुह्रङ् भिसी पाङ्जी, “ह्राङ ल्हानान दिङहेन्से यहूदी य्हुलला मुल हाकिमदेन न्यायाधीश हिन्ना भिबा ताम ङाइ था याङ्जी। थेतबासेलमा ह्राङला ङाच्छापट्टि ङादा बिरोध लबा तामला बारेरी पाङ्म्याङ्मा ङा ल्हानान ताङ्बा मुला।
11ङा परमेश्वरला मन्दिररी परमेश्वरदा तेन्बारी यरूशलेमरी निबा च्युक न्ही धिन भन्दा ल्हाना तबा आरे। चु ताम ह्राङसेनोन था याङ्खम्ला।
12ओच्छे चुगदेसे ङाइ खालै म्हिगदेदेन छ्याम छलफल लबाएनोन स्याप्बा आरे। ओच्छे परमेश्वरला मन्दिरदेन यहूदीगदे ह्रुप तबा दिमरी ओच्छे शहररी हुल दङगा लबाएनोन स्याप्बा आरे।
मुल चेला 24
मुल चेला 24:7-12