Y Checho Y Apostoles Sija 24:7-12

⁷Lao y mas magas y inetnon as Lysias mato guiya jame, yan y dangculon linalaloña ya jacone gui canaemame;

⁸Ya jatago y fumaaela na ufanmato guiya jago ya jagoja siña unegsamina ya untungo todo este sija na güinaja ni y infaaela güe.

⁹Ya y Judios locue, jaconsienteja este na güinaja na utaegüine.

¹⁰Ayonae si Pablo, anae sineñas ni y magalaje na ucuentos; manope ilegña: Pot y jutungo na jago guinin jues megae na anos güine na nasion, juguesfanope pot guajoja;

¹¹Para untungo na taya trabia mas di dose años, desde qui cajuloyo Jerusalem para jufanadora.

¹²Ya taya nae masodayo gui templo juaguaguaguate ni jaye na taotao, ni junafangalamten y taotao sija; ni y sinagoga, ni mano na siuda;