7मिनु गोस्सुमी नेल्ल आन कली गिल्मी बाक्त। गोस्स आगा रे सेंदा का ग्रूशा “एको आं दाक्शो तौ बाक्ब। आ लोव़ नेनीने” देंशो नेन्मे बाक्त। मर्कूस १:११; २पत्रुस १:१७
8मिनु एर ओंथ कोव़ङमेनु, येसु ला तामे बाक्त।
9मिनु डांडा रे ब्रुम्मानु, येसुमी “रागीम जरमेशो बेक्शो रे सेंचा मपुंइसे सम्म इन तशो सुइ आन कली मशेंदीने” दे माइक्मी बाक्त। मर्कूस ८:३०
10मिनु मोदेंशो दुम्शो सुइ आन कली मशेंदमे बाक्त। “बेक्शो रे सेंचा पुंइसीचा देंशो मार बाक्म माइ” दे हिल्लो पमुमा बाक्त।
11मिनु आ शेंसीबपुकीमी येसु कली “ङोंइती एलीया जाक्चा माल्ब, दे सास्त्रीपुकीम शेंनीम। मारदे मोदें शेंनीमी?” दे हिल्लो पामेनु,
12येसुमी “एलीया ङोंइती जाक्शा, नेल्ल ठीक सेल्ब। मिनु रागीम जरमेशो श्येत जाइब नु महिक्सीशो दुम्ब, दे ब्रेक्शो बाक्बा, ममाइ ङा? मलाकी ३:१३; यसैया ५३:३-५