7मिनु माइसीया आ नेक्था जाक्दीश्शा, मुल बिथीनीया रागी ओव़चा, दे थुं पामे बाक्त। तन्न येसु आ सोक्तीमी लचा मगेमी बाक्त।
8मोपतीके माइसीया लां रे पा ब्रुप्शा, त्रोआस सहरम जाक्दीम्मा बाक्त।
9मिनु त्रोआस सहरमी बाक्मानु, काबु नाक्दो प्रभुमी पावल कली कोंइतीक कोंइदा बाक्त। मार कोंइदा बाक्त देंशा हना, मासीडोनीया रागी ङा मुर का पावल आ ङोंइती राप्शा “आंइ मासीडोनीया रागी पिशा, आंइ कली वारच पाइक्चा नकी, हजुर” दे पुंइशो तवा बाक्त।
10मेको कोंइतीक तशा, पावल छुल बोक्शा “मासीडोनीया लय” देंत। मोपतीके गो यो सासाक्क। प्रभुमी मासीडोनीया ङा मुर आन कली ग्येरपाइक्तीक लोव़ शेंथ सोइक्ता बाक्त, दे नेल्लेमी रुप्तक।
11मिनु त्रोआस सहरमी जहाज ङोइश्शा तेइ महिरथु, सामोथ्रेस टापु लां पा आ दीसा नाक्ती निआपोलीस सहरमी जाक्दीत्तक।