21मिनु डेरबे सहरमी शुश मुर आन कली येसु आ ग्येरपाइक्ब लोव़ शेंशा रुप्पदसेनु, शुश मुरुमी थमा सुदमे बाक्त। मिनु मेकेर रे लशा लेंशा लिस्त्रा, आइकोनीयम नु पिसीदीया ङा एन्टीओकमी जाक्दीस्सा बाक्त।
22मेको सांफा सहर ङा थमा सुइक्ब आन कली “मार दुम्त हना यो, थमा सुइक्चा मप्रोनीन। इन खोइल थेक्शा बाक्कीने। ख्रीस्त आ नेंमी शुश श्येत जचा पुंइसीशा ला परमप्रभु यावे आ राज्य ओव़चा ताइनय, दे रुपीने” दे आन थुं बारपदसे बाक्त। रोमी ५:३-५; १थिस्सलोनिकी ३:३
23मिनु ते ते थमा सुइक्बपुकी ग्रुम्शा बाक्मा, मेक मेक शेंब खाल्पापुकी वोइक्ना वोइक्न, माइजा बाक्शा, प्रार्थना पना पन, प्रभु कली थमा सुइश्शा, थमा सुइक्ब आन कली प्रभु आ गुइमी जिम्मा गेना गेन गाक्सा बाक्त। प्रेरित ६:६
24मिनु पिसीदीया रागी रे गाक्शा, पाम्फीलीया रागी जाक्दीस्सा बाक्त।