20तोइश्शा मेको आन कली ग्रुम्थ लावो। मिनु लचा, दे मलचा, दे थुं निक्शी मपथु, मेकोपुकी नु लावो। मारदे हना मेकोपुकी आं सोइश्शो नम” देंशो नेंना बाक्त।
21मिनु पत्रुस फ्रु तोइश्शा “इन माल्शो मुर गो नङ, आं कली मारदे माल्यीनी?” दे हिल्लो पवा बाक्त।
22मिनु मेकोपुकीमी “कोरनेलीयस आ सोइश्शो नकी। कोरनेलीयस कप्तान बाक्ब। परमप्रभु कली मान पा हिंब, रिम्शो मुर बाक्ब। यहूदीपुकीमी यो रिम्शो मुर बाक्ब, दे मिम्नीम। परमप्रभु आ स्वर्ग ङा गेय पाइब कामी कोरनेलीयस कली ‘योप्पा सहरमी सिमोन पत्रुस माइश्शो कली माल्शा चाक्शा आ लोव़ नेंचा’ देंतीके इन कली ब्रथ जाक्तक” देंमा बाक्त।
23मिनु पत्रुस नु खिं ङा मुरपुकीमी मेको आन कली खिं गा ओंइशा जचा तूचा गेशा, बास गेमे बाक्त। मिनु आ दीसा पत्रुस मेकोपुकी नु सिजरिया गे लमाक्त। योप्पा सहर ङा थमा सुइक्ब लोक्ब का निक्शी यो लमा बाक्त।