6आं कली इन थुंमी छाप थोक्शो खोदेंशो पा वोतीन। इन गुइमी यो छाप थोक्शो खोदेंशो पा वोतीन। मारदे हना दाक्तीके, बेक्पाइक्ब खोदेंशो पा सक्ति पाइश्शो बाक्ब। मेको आ दाक्शो तुरस खोदेंशो मटीब नु शुश ब्रशो मी क्येङा यो शुश ब्राइब बाक्ब। मत्ती २२:३०; रोमी ७:२; उत्पत्ती २:२४; मत्ती १९:५-६; एफिसी ५:२८-३३
7शुश ब्वाक्कुमी दाक्तीक कली क्याम्ने मचाप्ब। बारशो खोलामी यो मेको कली योल्ने मचाप्ब। सुइ मुरुमी आंम दाक्तीक आ पा ङा खिं नु आ शोंप नेल्ल गेप्तु हना, मुरुमी मेको कली शुक्शी पाइनीम।
8इं के आइक्च समी का बाक्ब। मेको आ दूध मुल सम्म मबाक्ब। मेको कली ग्युंबे पचा कली पुंइथ जाक्तेक्म हना, गो मार पय?
9मेको गारो खोदेंशो बाक्त हना, मेको तारी चांदी के दरवार सेल्य वा। मेको लाप्चो खोदेंशो बाक्शो हना, मेको कली लेबानोन ङा लाइश्शो रवा आ फलेकमी सुशा वोइ वा।
10गो गारो खोदेंशो नङ। मिनु आ दूध लाइश्शो खिं खोदेंशो बाक्ब। मोपतीके गो मेको कली आ थुं नाइक्पाइक्ब दुम्शो बाक्नुङ।
11सोलोमन के बाल-हामोनमी अङगुर रू का बाक्त। मिनु मेकोम आ रू खाल पाइब मुर आन कली गेवा बाक्त। मिनु मेको बुम्था पाइब नेल्लेमी फल फुल आ पा ङा हजार का चांदी के शेकेल थाप्चा माल्बाक्मा बाक्त। शेकेल का ११.५ ग्राम चांदी के क्येट बाक्ब।
ठेयब कुम्सो 8
ठेयब कुम्सो 8:6-11