5ܐܝܼܡܲܢ ܕܝܼܘܲܚ ܗܘܵܘ ܙܘܼܒܛܸܢܹܐ ܒܟܝܵܢܵܐ ܚܲܛܵܝܵܐ، ܫܲܗܘܲܬܝܵܬܹ̈ܐ ܕܚܛܝܼܬܵܐ ܦܝܼܫܹܐ ܝܗܘܵܘ ܡܘܼܪܥܸܫܹܐ ܓܵܘܲܢ ܒܝܲܕ ܢܵܡܘܿܣܵܐ، ܘܒܸܦܠܵܚܵܐ ܝܗܘܵܘ ܓܵܘ ܗܲܕܵܡܲܢ̈ ܕܡܲܒܪܝܼ ܗܘܵܘ ܡܵܘܬܵܐ.
6ܐܝܼܢܵܐ ܐܵܕܝܼܵܐ ܦܝܼܫ ܠܲܢ ܫܸܪܝܹܐ ܡ̣ܢ ܢܵܡܘܿܣܵܐ ܣܵܒܵܒ ܡܝܼܬ ܠܲܢ ܠܗ̇ܘ ܕܙܘܼܒܛܸܢܲܢ ܝܼܗܘܵܐ. ܐܵܕܝܼܵܐ ܒܸܥܒ݂ܵܕܵܐ ܝܘܲܚ ܚܸܠܡܲܬ ܒܚܲܕܬܘܼܬܵܐ ܕܪܘܼܚܵܐ، ܘܠܵܐ ܒܥܲܬܝܼܩܘܼܬܵܐ ܕܟܬܵܒ݂ܵܐ.
7ܡܘܼܕܝܼ ܐܵܡܪܲܚ؟ ܢܵܡܘܿܣܵܐ ܚܛܝܼܬܵܐ ܝܠܹܗ؟ ܚܵܣ ܠܝܼ. ܠܹܐ ܝܵܕܥܹܢ ܗܘܵܐ ܡܘܼܕܝܼ ܝܗܘܵܐ ܚܛܝܼܬܵܐ ܐܸܠܵܐ ܒܝܲܕ ܢܵܡܘܿܣܵܐ ܝܕܝܼܥ ܠܝܼ. ܠܹܐ ܝܵܕܥܹܢ ܗܘܵܐ ܡܘܼܕܝܼ ܝܗܘܵܐ ܫܲܗܘܲܬܬܵܐ ܐܸܢ ܢܵܡܘܿܣܵܐ ܠܵܐ ܐܵܡܹܪ ܗܘܵܐ: ”ܠܵܐ ܫܲܗܘܸܬܸܬ.“
8ܐܝܼܢܵܐ ܚܛܝܼܬܵܐ ܟܲܕ ܡܘܼܫ݇ܟ̰ܸܚ ܠܵܗ̇ ܥܸܠܬܵܐ ܒܝܲܕ ܦܘܼܩܕܵܢܵܐ، ܡܘܼܒܪܹܐ ܠܵܗ̇ ܓܵܘܝܼ ܫܲܗܘܲܬܬܵܐ، ܣܵܒܵܒ ܕܠܵܐ ܢܵܡܘܿܣܵܐ ܚܛܝܼܬܵܐ ܡܝܼܬܬܵܐ ܝܠܵܗ̇.