ROMA 7:5-8

⁵Badina guna iseda tauanina ena dala ita badinaia noho neganai, Taravatu ese ura dikadia ia hatubua. Inai ura dikadia idia gaukara noho iseda tauanina lalonai, iseda mase havaraia totona.

⁶To ita mase vadaeni dainai, inai kara ese ita idia guia lou lasi. Bona harihari Taravatu dekena amo Dirava ese ita ia ruhaia vadaeni. Unai dainai harihari Dirava ena hesiai gaukara ita karaia Lauma Helaga ena dala matamata dekenai, Taravatu ia torea ena dala gunana bamona lasi.

⁷Unai dainai, dahaka do ita hereva? Taravatu be ia dika, a? Lasi momokani! Bema Taravatu ese lau ia hadibaia lasi, be edena bamona kara dika ena toana do lau diba? Bona Taravatu ese bema ia hereva lasi lau dekenai inai bamona, “Oi ura dika lasi,” lau be ura dika ena anina edena bamona do lau diba?

⁸To Taravatu ena hereva goada dainai, kara dika ese dala ta ia davaria, vadaeni ura dika lauegu lalona dekenai ia havaraia. Badina be bema Taravatu be lasi neganai, kara dika be siahu lasi.