ܡܙܡܘܪ̈ܐ 89:7-21

⁷ܐܲܠܵܗܵܐ ܣܲܗܡܵܢܵܐ ܝܠܹܗ ܪܵܒܵܐ ܓܵܘ ܡܵܘܬܒ݂ܵܐ ܕܩܲܕܝܼܫܹ̈ܐ، ܘܣܲܗܡܵܢܵܐ ܥܲܠܔ ܟܠܵܝܗ‌ܝ ܚܵܕܸܪ̈ܘܵܢܘܼܗ‌ܝ.

⁸ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ، ܡܵܢܝܼ ܝܠܹܗ ܐܲܝܟ݂ ܕܝܼܘܼܟ݂ ܥܲܫܝܼܢܵܐ، ܡܵܪܝܵܐ؟ ܡܗܘܼܡܢܘܼܬܘܼܟ݂ ܒܚܵܕܸܪ̈ܘܵܢܘܼܟ݂.

⁹ܐܲܢ݇ܬ ܟܹܐ ܥܵܒ݂ܕܹܬ ܫܘܼܠܛܵܢܵܐ ܥܲܠܔ ܪܵܡܘܼܬܵ‌ܐ ܕܝܵܡܵܐ، ܟܲܕ ܪܵܝܡܝܼ ܠܲܦܘܼ̈ܗ̇ ܐܲܢ݇ܬ ܟܹܐ ܡܲܫܠܹܝܬ ܠܗܘܿܢ.

¹⁰ܐܲܢ݇ܬ ܛܒ݂ܝܼܚ ܠܘܼܟ݂ ܠܪܵܚܵܒ݂ ܐܲܝܟ݂ ܩܛܝܼܠܵܐ، ܒܕܪܲܥܢܵܐ ܕܥܘܼܫܢܘܼܟ݂ ܒܙܝܼܩ ܠܘܼܟ݂ ܕܸܫ̃ܡܸܢܘܼ̈ܟ݂.

¹¹ܕܝܼܘܼܟ݂ ܝܼܠܵܗ̇ ܫܡܲܝܵܐ، ܐܘܼܦ ܕܝܼܘܼܟ݂ ܝܼܠܵܗ̇ ܐܲܪܥܵܐ، ܒܪܝܼܬܵ‌ܐ ܘܡܸܠܝܘܼܬܘܼܗ̇ ܐܲܢ݇ܬ ܫܘܼܬܐܸܣܵܝ ܠܘܼܟ݂.

¹²ܓܲܪܒܝܵܐ ܘܬܲܝܡܢܵܐ ܐܲܢ݇ܬ ܒܸܪܝܵܝ ܠܘܼܟ݂، ܬܵܒ݂ܘܿܪ ܘܚܸܪܡܘܿܢ ܒܫܸܡܘܼܟ݂ ܟܹܐ ܩܲܘܸܚܝܼ.

¹³ܕܝܼܘܼܟ݂ ܝܼܠܹܗ ܕܪܲܥܢܵܐ ܥܲܡ ܓܲܒܵܪܘܼܬܵ‌ܐ، ܚܲܝܠܵܢܬܵ‌ܐ ܝܠܵܗ̇ ܐܝܼܕܘܼܟ݂، ܪܵܡܬܵ‌ܐ ܝܠܵܗ̇ ܝܲܡܝܼܢܘܼܟ݂.

¹⁴ܙܲܕܝܼܩܘܼܬܵ‌ܐ ܘܕܝܼܘܵܢ ܫܲܬܐܸܣܬܵ‌ܐ ܕܟܘܼܪܣܝܘܼܟ݂، ܛܲܝܒܘܼܬܵ‌ܐ ܘܫܪܵܪܵܐ ܟܹܐ ܩܲܕܡܝܼ ܦܵܬܘܼܟ݂.

¹⁵ܛܘܼܒ݂ܵܐ ܠܥܲܡܵܐ ܕܝܵܕܥܝܼ ܩܲܘܲܚܬܵ‌ܐ ܕܚܲܕܘܼܬܵ‌ܐ، ܝܵܐ ܡܵܪܝܵܐ، ܒܒܲܗܪܵܐ ܕܦܵܬܘܼܟ݂ ܟܹܐ ܚܵܕܪܝܼ،

¹⁶ܒܫܸܡܘܼܟ݂ ܟܹܐ ܦܵܨܚܝܼ ܟܠܹܗ ܝܵܘܡܵܐ، ܘܒܙܲܕܝܼܩܘܼܬܘܼܟ݂ ܟܹܐ ܪܵܝܡܝܼ.

¹⁷ܣܵܒܵܒ ܚܸܩܪܵܐ ܕܥܘܼܫܢܵܝܗ‌ܝ ܐܲܢ݇ܬ ܝܼܘܸܬ، ܘܒܨܸܒ݂ܝܵܢܘܼܟ݂ ܟܹܐ ܪܵܐܹܡ ܚܲܝܠܲܢ.

¹⁸ܣܵܒܵܒ ܡܵܛܵܠܲܢ ܕܡܵܪܝܵܐ ܝܠܵܗ̇، ܘܡܲܠܟܲܢ ܕܩܲܕܝܼܫܵܐ ܕܐܝܼܣܪܵܐܹܝܠܔ.

¹⁹ܗ̇ܝܓܵܗ ܗܘܼܡܙܸܡ ܠܘܼܟ݂ ܒܚܸܙܘܵܐ ܥܲܡ ܙܲܕܝܼܩܘܼ̈ܟ݂، ܘܐܡܝܼܪܘܼܟ݂: ”ܝܘܼܗܒܹܠܔ ܠܝܼ ܗܲܝܲܪܬܵ‌ܐ ܠܓܲܒܵܪܵܐ، ܡܘܼܪܸܡ ܠܝܼ ܓܘܼܒܝܵܐ ܡ̣ܢ ܓܵܘ ܥܲܡܵܐ.

²⁰”ܡܘܼܫ݇ܟ̰ܸܚ ܠܝܼ ܠܕܵܘܝܼܕ ܪܹܓܝܼ، ܒܡܸܫܚܵܐ ܕܩܘܼܕܫܝܼ ܩܵܡ ܡܵܫܚܹܢܹܗ.

²¹”ܐܝܼܕܝܼ ܒܸܬ ܗܵܘܝܵܐ ܡܩܵܘܝܵܢܬܵ‌ܐ ܥܲܡܹܗ، ܐܘܼܦ ܕܪܲܥܢܝܼ ܒܸܬ ܚܲܠܸܢ ܐܸܠܹܗ.