24”ܡܗܘܼܡܢܘܼܬܝܼ ܘܛܲܝܒܘܼܬܝܼ ܥܲܡܹܗ ܒܸܬ ܗܵܘܝܼ، ܘܒܫܸܡܝܼ ܒܸܬ ܪܵܐܹܡ ܚܲܝܠܹܗ.
25”ܒܸܬ ܡܲܬܒܸܢ ܒܝܵܡܵܐ ܐܝܼܕܹܗ، ܘܒܢܲܗܪ̈ܵܘܵܬܹܐ ܝܲܡܝܼܢܹܗ.
26”ܗ̇ܘ ܒܸܬ ܩܵܪܹܐ ܠܝܼ: ’ܒܵܒܝܼ ܝܘܸܬ ܐܲܢ݇ܬ، ܐܲܠܵܗܝܼ ܘܐܝܼܨܵܪܵܐ ܕܦܘܼܪܩܵܢܝܼ.‘
27”ܐܘܼܦ ܐܵܢܵܐ ܒܘܼܟ݂ܪܵܐ ܒܸܬ ܥܵܒ݂ܕܹܢܹܗ، ܥܸܠܵܝܵܐ ܥܲܠܔ ܡܲܠܟܹ̈ܐ ܕܐܲܪܥܵܐ.
28”ܠܥܵܠܲܡ ܒܸܬ ܢܵܛܪܹܢ ܩܵܐ ܕܝܼܹܗ ܛܲܝܒܘܼܬܝܼ، ܘܘܲܥܕܝܼ ܒܸܬ ܦܵܐܹܫ ܡܘܼܩܘܝܼܵܐ ܐܸܠܹܗ.
29”ܒܸܬ ܡܲܬܒܸܢ ܠܥܵܠܲܡ ܙܲܪܥܹܗ، ܘܟܘܼܪܣܝܹܗ ܐܲܝܟ݂ ܝܵܘܡܵܢܹ̈ܐ ܕܫܡܲܝܵܐ.
30”ܐܸܢ ܫܵܒ݂ܩܝܼ ܒܢܘܿܢܘܼ̈ܗܝ ܢܵܡܘܿܣܝܼ، ܘܒܕܝܼܘܵܢܝܼ̈ ܠܵܐ ܚܵܕܪܝܼ،
31”ܐܸܢ ܩܵܢܘܿܢܝܼ ܟ̰ܲܦܠܸܢܝܼ، ܘܦܘܼܩܕܵܢܝܼ̈ ܠܵܐ ܢܵܛܪܝܼ،
32”ܒܸܬ ܣܲܚܒܸܪܸܢ ܒܩܵܛܝܼܵܐ ܓܢܵܗܵܝܗܝ، ܘܒܡܲܚܘܵܬܹ̈ܐ ܥܵܘܠܵܝܗܝ.
33”ܐܝܼܢܵܐ ܛܲܝܒܘܼܬܝܼ ܠܹܐ ܩܵܛܥܹܢ ܡܸܢܹܗ، ܘܠܹܐ ܕܲܓܠܸܢ ܥܲܠܔ ܡܗܘܼܡܢܘܼܬܝܼ،
34”ܠܹܐ ܟ̰ܲܦܠܸܢܸܢ ܘܲܥܕܝܼ، ܘܡܸܢܕܝܼ ܕܦܠܝܼܛ ܠܹܗ ܡ̣ܢ ܣܸܦܘܵܬܝܼ̈ ܠܹܐ ܫܲܚܠܸܦܸܢ.
35”ܚܕܵܐ ܓܵܗܵܐ ܝܡܹܐ ܠܝܼ ܒܩܘܼܕܫܝܼ، ܠܹܐ ܕܲܓܠܸܢ ܠܕܵܘܝܼܕ.
36”ܙܲܪܥܹܗ ܠܥܵܠܲܡ ܒܸܬ ܗܵܘܹܐ، ܘܟܘܼܪܣܝܹܗ ܐܲܝܟ݂ ܫܸܡܫܵܐ ܠܒܲܠܩܘܼܒ݂ܠܝܼ.
37”ܐܲܝܟ݂ ܣܲܗܪܵܐ ܒܸܬ ܩܵܘܹܐ ܠܥܵܠܲܡ، ܘܣܵܗܕܵܐ ܒܫܡܲܝܵܐ ܡܗܘܼܡܢܵܐ.“ ܣܹܠܵܗ
38ܐܝܼܢܵܐ ܐܲܢ݇ܬ، ܪܘܼܦܹܐ ܠܘܼܟ݂ ܘܡܘܼܣܠܹܐ ܠܘܼܟ݂، ܟܪܝܼܒ ܠܘܼܟ݂ ܥܲܠܔ ܡܫܝܼܚܘܼܟ݂.
ܡܙܡܘܪ̈ܐ 89
ܡܙܡܘܪ̈ܐ 89:24-38