ܡܙܡܘܪ̈ܐ 84:2-10

²ܪܘܼܚܪܸܚ ܠܵܗ̇ ܘܐܘܼܦ ܬܝܼܡ ܠܵܗ̇ ܓܵܢܝܼ ܠܕܵܪ̈ܵܬܹ‌ܐ ܕܡܵܪܝܵܐ، ܠܸܒܝܼ ܘܦܲܓ݂ܪܝܼ ܟܹܐ ܫܲܒܚܝܼ ܠܐܲܠܵܗܵܐ ܚܵܝܵܐ.

³ܐܘܼܦ ܨܸܦܪܬܵ‌ܐ ܡܘܼܫ݇ܟ̰ܸܚ ܠܵܗ̇ ܒܲܝܬܵ‌ܐ، ܘܣܢܘܿܢܝܼܬܵ‌ܐ ܩܸܢܵܐ ܩܵܬܘܼܗ̇، ܕܡܲܬܒ݂ܵܐ ܙܲܥܝܘܼ̈ܗ̇، ܠܟܸܣ ܡܲܕܒܚܘܼ̈ܟ݂، ܝܵܐ ܡܵܪܝܵܐ ܚܲܝܠܬܵܢܵܐ، ܡܲܠܟܝܼ ܘܐܲܠܵܗ‌ܝܼ.

⁴ܛܘܼܒ݂ܵܐ ܠܥܵܡܪ̈ܵܢܹܐ ܕܒܲܝܬܘܼܟ݂، ܗܲܪ ܒܸܬ ܫܲܒܚܝܼ ܠܘܼܟ݂. ܣܹܠܵܗ

⁵ܛܘܼܒ݂ܵܐ ܠܐܢܵܫܹ̈ܐ ܕܚܲܝܠܵܝܗ‌ܝ ܒܝܼܘܼܟ݂ ܝܼܠܹܗ، ܫܒ݂ܝܼܠܹ̈ܐ ܕܠܨܸܗܝܘܿܢ ܒܠܸܒܵܝܗ‌ܝ.

⁶ܥܵܒ݂ܪ̈ܵܢܹܐ ܕܪܵܘܘܿܠܵܐ ܕܒܸܟ݂ܝܵܐ، ܟܹܐ ܥܵܒ݂ܕܝܼ ܠܹܗ ܥܲܝܢܵܬܹ̈‌ܐ، ܐܘܼܦ ܡܸܛܪܵܐ ܩܲܕܡܵܝܬܵ‌ܐ ܟܹܐ ܡܲܒܪܝܼܵܐ ܒܸܪ̈ܟܹܐ ܕܡ̈ܝܼܵܐ.

⁷ܟܹܐ ܐܵܙܠ݇ܝܼ ܡ̣ܢ ܚܲܝܠܵܐ ܠܚܲܝܠܵܐ، ܒܸܬ ܦܵܝܫܝܼ ܚܸܙܝܵܐ ܠܐܲܠܵܗܵܐ ܒܨܸܗܝܘܿܢ،

⁸ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ، ܫܡܹܥ ܨܠܘܿܬ‌ܝܼ، ܗܲܒ݂ܠܔ ܢܵܬܵ‌ܐ، ܝܵܐ ܐܲܠܵܗܵܐ ܕܝܲܥܩܘܿܒ݂. ܣܹܠܵܗ

⁹ܚܙܝܼ ܡܵܛܵܠܲܢ، ܝܵܐ ܐܲܠܵܗܵܐ، ܘܚܘܼܪ ܒܦܵܬܵ‌ܐ ܕܡܫܝܼܚܘܼܟ݂.

¹⁰ܣܵܒܵܒ ܒܘܼܫ ܨܦܵܝܝܼ ܝܠܹܗ ܚܲܕ ܝܵܘܡܵܐ ܒܕܵܪ̈ܵܬܘܼܟ݂ ܡ̣ܢ ܐܲܠܦܵܐ ܒܕܘܼܟܵܐ ܐܚܹܪܬܵ‌ܐ. ܓܘܼܒܹܐ ܠܝܼ ܠܹܗܘܵܝܵܐ ܒܣܩܘܼܦܬܵ‌ܐ ܕܒܲܝܬܵ‌ܐ ܕܐܲܠܵܗ‌ܝܼ، ܡ̣ܢ ܠܸܥܡܵܪܵܐ ܒܡܲܫܟܢܹ̈ܐ ܕܪ̈ܲܫܝܼܥܹܐ.