ܡܙܡܘܪ̈ܐ 83:6-17

⁶ܡܲܫܟܢܹ̈ܐ ܕܐܲܕܘܿܡ ܘܕܐܝܼܫܡܲܥܠܵܝܹ̈ܐ، ܡܘܼܐܵܒ݂ ܘܗܵܓ݂ܵܪ̈ܵܝܹܐ،

⁷ܓܒܲܠܔ ܘܥܲܡܘܿܢ ܘܥܡܵܠܹܝܩ، ܦܠܸܫܬ ܥܲܡ ܥܵܡܪ̈ܵܢܹܐ ܕܨܘܿܪ.

⁸ܐܘܼܦ ܐܵܬܘܿܪ ܙܘܼܘܸܓ ܠܹܗ ܥܲܡܵܝܗ‌ܝ، ܗܘܹܐ ܠܗܘܿܢ ܕܪܲܥܢܵܐ ܠܒܢܘܿܢܹ̈ܐ ܕܠܘܿܛ. ܣܹܠܵܗ

⁹ܥܒ݂ܘܿܕ ܐܸܠܵܝܗ‌ܝ ܐܲܝܟ݂ ܠܡܸܕܝܲܢ، ܐܲܝܟ݂ ܠܣܝܼܣܪܵܐ ܘܝܵܒ݂ܝܼܢ ܒܢܲܗܪܵܐ ܕܩܝܼܫܘܿܢ،

¹⁰ܕܦܝܼܫ ܠܗܘܿܢ ܛܘܼܠܩܹܐ ܒܥܝܼܢܕܘܿܪ، ܘܗܘܹܐ ܠܗܘܿܢ ܙܸܒܠܵܐ ܠܐܲܪܥܵܐ.

¹¹ܥܒ݂ܘܿܕ ܠܗܘܿܢ ܢܲܨܝܼܚܵܝ̈ܗ‌ܝ ܐܲܝܟ݂ ܥܘܿܪܝܼܒ݂ ܘܐܲܝܟ݂ ܙܝܼܒ݂، ܘܟܠܵܝܗ‌ܝ ܫܲܠܝܼܛܵܝ̈ܗ‌ܝ ܐܲܝܟ݂ ܙܵܒ݂ܵܚ ܘܐܲܝܟ݂ ܨܲܠܡܢܲܥ.

¹²ܕܐܡܝܼܪܗܘܿܢ: ”ܝܵܪܬܲܚ ܠܗܘܿܢ ܠܓܵܢܲܢ ܡܲܪ̈ܥܝܹܐ ܕܐܲܠܵܗܵܐ.“

¹³ܝܵܐ ܐܲܠܵܗ‌ܝܼ، ܥܒ݂ܘܿܕ ܠܗܘܿܢ ܐܲܝܟ݂ ܓܵܪܕܵܒܘܼܠܹܐ، ܐܲܝܟ݂ ܟܘܼܠܵܫ ܩܲܕܡ ܦܵܘܚܵܐ،

¹⁴ܐܲܝܟ݂ ܢܘܼܪܵܐ ܕܡܲܩܸܕ ܥܵܒ݂ܵܐ، ܘܐܲܝܟ݂ ܠܵܗܵܐ ܕܡܲܠܗܸܒ݂ ܛܘܼܪ̈ܵܢܹܐ.

¹⁵ܗܵܕܟ݂ܵܐ ܢܵܦܠܹܬ ܒܵܬܪܵܝܗ‌ܝ ܒܥܲܠܥܵܠܘܼܟ݂، ܘܒܓܵܪܕܵܒܘܼܠܘܼܟ݂ ܡܲܪܓܸܕܸܬ ܠܗܘܿܢ.

¹⁶ܡܠܝܼ ܦܵܬܘܵܬܵܝ̈ܗ‌ܝ ܒܘܼܨܵܪܵܐ، ܕܛܵܥܝܼ ܠܫܸܡܘܼܟ݂، ܝܵܐ ܡܵܪܝܵܐ.

¹⁷ܢܵܟ݂ܦܝܼ ܘܦܵܝܫܝܼ ܫܓ݂ܝܼܫܹܐ ܗܲܠܔ ܥܵܠܲܡ، ܘܦܵܝܫܝܼ ܢܟ݂ܝܼܦܹܐ ܘܛܵܠܩܝܼ.