ܡܙܡܘܪ̈ܐ 78:13-64

¹³ܦܘܼܠܸܥ ܠܹܗ ܝܵܡܵܐ ܘܡܘܼܥܒܸܪܵܝ ܠܹܗ، ܘܡܘܼܟܠܹܐ ܠܹܗ ܡ̈ܝܼܵܐ ܐܲܝܟ݂ ܩܘܼܚܵܐ.

¹⁴ܘܡܕܘܼܒܪܵܝ ܠܹܗ ܒܥܢܵܢܵܐ ܒܐܝܼܡܵܡܵܐ، ܘܟܠܹܗ ܠܲܝܠܹܐ ܒܒܲܗܪܵܐ ܕܢܘܼܪܵܐ.

¹⁵ܟ̰ܠܝܼܦ ܠܹܗ ܐܝܼܨܵܪܹ̈ܐ ܓܵܘ ܒܲܪܝܼܵܐ، ܘܡܘܼܫܬܝܼܵܝ ܠܹܗ ܪܵܒܵܐ ܐܲܝܟ݂ ܕܡ̣ܢ ܬܗܘܿܡܹ̈ܐ.

¹⁶ܘܦܘܼܠܸܛ ܠܹܗ ܫܵܩ̈ܝܼܵܬܹ‌ܐ ܡ̣ܢ ܩܵܝܵܐ، ܘܡܘܼܓ̰ܪܹܐ ܠܹܗ ܐܲܝܟ݂ ܢܲܗܪ̈ܵܘܵܬܹ‌ܐ ܡ̈ܝܼܵܐ.

¹⁷ܐܝܼܢܵܐ ܡܘܼܙܝܸܕ ܠܗܘܿܢ ܡܸܢܕܪܸܫ ܠܸܚܛܵܝܵܐ ܥܲܠܘܼܗ‌ܝ، ܠܸܥܒ݂ܵܕܵܐ ܡܵܪܘܿܕܘܼܬܵ‌ܐ ܥܲܠܔ ܥܸܠܵܝܵܐ ܒܐܲܪܥܵܐ ܒܵܪܘܿܙܬܵ‌ܐ.

¹⁸ܘܓ̰ܘܼܪܸܒ ܠܗܘܿܢ ܠܐܲܠܵܗܵܐ ܒܠܸܒܵܝܗ‌ܝ، ܠܸܛܠܵܒܵܐ ܡܹܐܟ݂ܘܼܠܬܵ‌ܐ ܩܵܐ ܓܵܢܵܝܗ‌ܝ.

¹⁹ܘܗܘܼܡܙܸܡ ܠܗܘܿܢ ܥܲܠܔ ܐܲܠܵܗܵܐ، ܐܡܝܼܪܗܘܿܢ: ”ܗܵܐ، ܡܵܨܹܐ ܐܲܠܵܗܵܐ ܠܡܲܪܝܘܼܙܹܐ ܨܘܼܦܪܵܐ ܓܵܘ ܒܲܪܝܼܵܐ؟

²⁰”ܗܵܐ، ܡܚܹܐ ܠܹܗ ܠܐܝܼܨܵܪܵܐ ܘܓ̰ܪܹܐ ܠܗܘܿܢ ܡ̈ܝܼܵܐ، ܘܫܵܩ̈ܝܼܵܬܹ‌ܐ ܫܦܝܼܟ݂ ܠܗܘܿܢ، ܗܵܐ، ܐܘܼܦ ܠܲܚܡܵܐ ܡܵܨܹܐ ܠܝܼܵܗܒ݂ܵܐ؟ ܝܲܢ ܡܵܨܹܐ ܗܲܕܸܪ ܒܸܣܪܵܐ ܩܵܐ ܥܲܡܹܗ؟“

²¹ܒܘܼܬ ܐܵܗܵܐ، ܫܡܝܼܥ ܠܹܗ ܡܵܪܝܵܐ ܘܟܪܝܼܒ ܠܹܗ، ܘܢܘܼܪܵܐ ܬܦܹܐ ܠܹܗ ܒܝܲܥܩܘܿܒ݂، ܘܟܲܪܒܵܐ ܐܣܝܼܩ ܠܵܗ̇ ܥܲܠܔ ܐܝܼܣܪܵܐܹܝܠܔ،

²²ܣܵܒܵܒ ܠܵܐ ܗܘܼܡܸܢܗܘܿܢ ܒܐܲܠܵܗܵܐ، ܘܠܵܐ ܣܒܝܼܪܗܘܿܢ ܒܦܘܼܪܩܵܢܹܗ.

²³ܐܝܼܢܵܐ ܦܩܝܼܕ ܠܹܗ ܠܥܢܵܢܹ̈ܐ ܡ̣ܢ ܥܸܠܸܠܔ، ܘܦܬܝܼܚ ܠܹܗ ܬܲܪ̈ܥܵܢܹܐ ܕܫܡܲܝܵܐ.

²⁴ܘܡܘܼܪܥܹܐ ܠܹܗ ܥܲܠܵܝܗ‌ܝ ܡܲܢܢܵܐ ܠܹܐܟ݂ܵܠܵܐ، ܘܕܲܚܠܵܐ ܕܫܡܲܝܵܐ ܝܘܼܗܒܹܠܔ ܠܹܗ ܐܸܠܵܝܗ‌ܝ.

²⁵ܠܲܚܡܵܐ ܕܡܲܠܲܐܟܹ̈ܐ ܐܟ݂ܝܼܠܔ ܠܹܗ ܐܢܵܫܵܐ، ܙܘܵܕܹ̈ܐ ܫܘܼܕܸܪܹܗ ܐܸܠܵܝܗ‌ܝ ܠܸܣܒ݂ܵܥܵܐ.

²⁶ܡܘܼܡܚܹܐ ܠܹܗ ܦܵܘܚܵܐ ܕܡܲܕܢܚܵܐ ܒܫܡܲܝܵܐ، ܘܡܕܘܼܒܸܪܹܗ ܒܚܲܝܠܹܗ ܦܵܘܚܵܐ ܕܬܲܝܡܢܵܐ.

²⁷ܡܘܼܪܥܹܐ ܠܹܗ ܥܲܠܵܝܗ‌ܝ ܒܸܣܪܵܐ ܐܲܝܟ݂ ܥܲܦܪܵܐ، ܘܛܲܝܪܵܐ ܡܵܪܹܐ ܓܘܼܠܦܵܐ ܐܲܝܟ݂ ܣܹܠܵܐ ܕܝܵܡܵܬܹ̈‌ܐ.

²⁸ܕܪܹܐ ܠܹܗ ܒܓܵܘܵܐ ܕܡܲܫܪܝܼܬܵܝܗ‌ܝ، ܠܚܵܕܸܪ̈ܘܵܢܹܐ ܕܡܲܫܟܢܵܝ̈ܗ‌ܝ.

²⁹ܘܐܟ݂ܝܼܠܔ ܠܗܘܿܢ ܘܣܒ݂ܝܼܥ ܠܗܘܿܢ ܪܵܒܵܐ، ܘܝܘܼܗܒܹܠܔ ܠܹܗ ܐܸܠܵܝܗ‌ܝ ܫܲܗܘܲܬܬܵܝܗ‌ܝ.

³⁰ܘܟܲܕ ܠܵܐ ܦܪܝܼܩܹܐ ܡ̣ܢ ܫܲܗܘܲܬܬܵܝܗ‌ܝ، ܗܸܫ ܡܹܐܟ݂ܘܼܠܬܵܝܗ‌ܝ ܓܵܘ ܦܘܼܡܵܝܗ‌ܝ،

³¹ܟܲܪܒܵܐ ܕܐܲܠܵܗܵܐ ܐܣܝܼܩ ܠܵܗ̇ ܥܲܠܵܝܗ‌ܝ، ܘܩܛܝܼܠܔ ܠܹܗ ܡ̣ܢ ܓܲܒܵܪ̈ܵܝܗ‌ܝ، ܘܠܥܠܲܝܡܹ̈ܐ ܕܐܝܼܣܪܵܐܹܝܠܔ ܡܘܼܟܸܦ ܠܹܗ.

³²ܒܟܠܹܗ ܐܵܗܵܐ ܚܛܹܐ ܠܗܘܿܢ ܡܸܢܕܪܸܫ، ܘܠܵܐ ܗܘܼܡܸܢܗܘܿܢ ܒܥܲܓ̰ܝܼܒܘܼܝܵܬܘܼ̈ܗ‌ܝ.

³³ܘܬܝܼܡܵܝ ܠܹܗ ܝܵܘܡܵܢܵܝ̈ܗ‌ܝ ܒܣܪܝܼܩܘܼܬܵ‌ܐ، ܘܫܸܢܵܝ̈ܗ‌ܝ ܒܣܘܼܪܵܕܵܐ.

³⁴ܐܝܼܡܲܢ ܕܩܛܝܼܠܵܝ ܠܹܗ، ܛܥܹܐ ܠܗܘܿܢ ܐܸܠܹܗ، ܘܕܝܼܪܗܘܿܢ ܘܩܘܼܕܸܡ ܠܗܘܿܢ ܠܐܲܠܵܗܵܐ.

³⁵ܕܟ݂ܝܼܪܗܘܿܢ ܕܐܲܠܵܗܵܐ ܝܗܘܵܐ ܐܝܼܨܵܪܵܝܗ‌ܝ، ܘܐܲܠܵܗܵܐ ܥܸܠܵܝܵܐ ܝܗܘܵܐ ܦܵܪܘܿܩܵܝܗ‌ܝ.

³⁶ܐܝܼܢܵܐ ܫܘܼܕܸܠܔ ܠܗܘܿܢ ܐܸܠܹܗ ܒܦܘܼܡܵܝܗ‌ܝ، ܘܒܠܸܫܵܢܵܝܗ‌ܝ ܕܘܼܓܸܠܔ ܠܗܘܿܢ ܐܸܠܹܗ،

³⁷ܣܵܒܵܒ ܠܸܒܵܝܗ‌ܝ ܠܹܐ ܝܗܘܵܐ ܡܩܵܘܝܵܢܵܐ ܥܲܡܹܗ، ܐܘܼܦ ܠܹܐ ܝܗܘܵܘ ܡܗܘܼܡܢܹ̈ܐ ܒܘܲܥܕܹܗ.

³⁸ܐܝܼܢܵܐ ܗ̇ܘ ܡܪܲܚܡܵܢܵܐ ܦܘܼܚܸܠܔ ܠܹܗ ܥܵܘܠܵܝܗ‌ܝ ܘܠܵܐ ܡܘܼܚܪܸܒ݂ܵܝ ܠܹܗ، ܘܡܘܼܙܝܸܕ ܠܹܗ ܠܡܲܕܘܼܪܹܐ ܟܲܪܒܹܗ، ܘܠܵܐ ܡܘܼܪܥܸܫ ܠܹܗ ܟܠܵܗ̇ ܚܸܡܬܹܗ.

³⁹ܘܕܟ݂ܝܼܪܹܗ ܕܒܸܣܪܵܐ ܝܗܘܵܘ ܐܵܢܝܼ، ܦܵܘܚܵܐ ܕܐܵܙܹܠܔ ܘܠܹܐ ܕܵܐܹܪ.

⁴⁰ܟܡܵܐ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵ‌ܐ ܐܸܠܹܗ ܓܵܘ ܒܲܪܝܼܵܐ، ܩܵܡ ܡܲܟܪܸܒܝܼ ܠܹܗ ܓܵܘ ܒܲܝܵܒܵܢ.

⁴¹ܘܕܝܼܪܗܘܿܢ ܘܓ̰ܘܼܪܸܒ ܠܗܘܿܢ ܠܐܲܠܵܗܵܐ، ܘܠܩܲܕܝܼܫܵܐ ܕܐܝܼܣܪܵܐܹܝܠܔ ܡܘܼܦܫܸܡ ܠܗܘܿܢ.

⁴²ܠܵܐ ܕܟ݂ܝܼܪܗܘܿܢ ܐܝܼܕܹܗ، ܝܵܘܡܵܐ ܕܦܘܼܪܩܵܝ ܠܹܗ ܡ̣ܢ ܡܲܠܝܸܨܵܢܵܐ،

⁴³ܐܝܼܡܲܢ ܕܡܘܼܬܸܒ݂ ܠܹܗ ܒܡܸܨܪܹܝܢ ܢܝܼܫܲܢܩܘܼ̈ܗ‌ܝ، ܘܥܲܓ̰ܝܼܒܘܼܝܵܬܘܼ̈ܗ‌ܝ ܓܵܘ ܕܸܫܬܵ‌ܐ ܕܨܘܿܥܵܢ،

⁴⁴ܘܡܘܼܚܕܸܪܹܗ ܠܕܸܡܵܐ ܢܲܗܪ̈ܵܘܵܬܵܝܗ‌ܝ ܘܫܵܩܝܼܵܬܵܝ̈ܗ‌ܝ، ܕܠܵܐ ܡܵܨܝܼ ܫܵܬ‌ܝܼ.

⁴⁵ܫܘܼܕܸܪܹܗ ܥܲܠܵܝܗ‌ܝ ܕܸܒܘܼܪܬܵ‌ܐ ܘܩܵܡ ܐܵܟ݂ܠܵܐ ܠܗܘܿܢ، ܘܦܸܩܵܐ ܘܩܵܡ ܡܲܚܪܸܒ݂ܵܐ ܠܗܘܿܢ.

⁴⁶ܝܘܼܗܒܹܠܔ ܠܹܗ ܠܬܸܪܬܸܪܵܐ ܛܥܘܼܢܬܵܝܗ‌ܝ، ܘܓ̰ܵܦܵܝܗ‌ܝ ܠܩܲܡܨܵܐ.

⁴⁷ܩܛܝܼܠܔ ܠܹܗ ܒܒܲܪܕܵܐ ܓܸܦܝܵܬܵܝ̈ܗ‌ܝ، ܘܫܲܩܡܵܝ̈ܗ‌ܝ ܒܛܠܘܼܠܵܐ ܡܘܼܓܕܸܠܵܐ.

⁴⁸ܣܘܼܦܹܐ ܠܹܗ ܠܒܲܪܕܵܐ ܒܥܝܼܪܵܝܗ‌ܝ، ܘܩܸܢܝܵܢܵܝ̈ܗ‌ܝ ܠܒܸܪ̈ܩܹܐ.

⁴⁹ܫܘܼܕܸܪܹܗ ܥܲܠܵܝܗ‌ܝ ܚܸܡܬܵ‌ܐ ܕܟܲܪܒܹܗ، ܚܸܡܬܵ‌ܐ، ܟܲܪܒܵܐ، ܘܐܘܼܠܨܵܢܵܐ، ܡܫܲܕܪܹ̈ܐ ܕܡܲܠܲܐܟܹ̈ܐ ܕܣܸܪ̈ܝܵܬܹ̈‌ܐ.

⁵⁰ܡܘܼܫܘܹܐ ܠܹܗ ܫܒ݂ܝܼܠܵܐ ܠܟܲܪܒܹܗ، ܠܵܐ ܚܣܝܼܟ݂ ܠܹܗ ܡ̣ܢ ܡܵܘܬܵ‌ܐ ܓܵܢܵܝܗ‌ܝ، ܐܸܠܵܐ ܚܲܝܵܝ̈ܗ‌ܝ ܠܡܵܘܬܵܢܵܐ ܣܘܼܦܹܐ ܠܹܗ.

⁵¹ܡܚܹܐ ܠܹܗ ܟܠܔ ܒܘܼܟ݂ܪܵܐ ܓܵܘ ܡܸܨܪܹܝܢ، ܪܹܝܫܝܼܬܵ‌ܐ ܕܥܘܼܫܢܵܝ̈ܗ‌ܝ ܓܵܘ ܡܲܫܟܢܵܐ ܕܚܵܡ.

⁵²ܘܦܘܼܠܸܛ ܠܹܗ ܠܥܲܡܹܗ ܐܲܝܟ݂ ܥܸܪ̈ܒܹܐ، ܘܡܕܘܼܒܪܵܝ ܠܹܗ ܐܲܝܟ݂ ܦܸܣܩܵܐ ܓܵܘ ܒܲܪܝܼܵܐ.

⁵³ܘܡܗܘܼܕܝܵܝ ܠܹܗ ܒܫܲܝܢܵܐ ܗܵܕܵܐ ܕܠܵܐ ܙܕܝܼܥ ܠܗܘܿܢ، ܐܝܼܢܵܐ ܠܕܸܫ̃ܡܸܢܵܝ̈ܗ‌ܝ ܟܘܼܣܹܐ ܠܵܗ̇ ܝܵܡܵܐ.

⁵⁴ܘܡܘܼܝܬܵܝ ܠܹܗ ܠܬܚܘܼܡܵܐ ܕܩܘܼܕܫܹܗ، ܛܘܼܪܵܐ ܕܩܢܹܐ ܠܵܗ̇ ܝܲܡܝܼܢܹܗ.

⁵⁵ܘܛܪܝܼܕ ܠܹܗ ܡ̣ܢ ܩܲܕܡܵܝܗ‌ܝ ܐܸܡܘܵܬܹ̈‌ܐ، ܘܦܘܼܠܸܥ ܠܹܗ ܐܸܠܵܝܗ‌ܝ ܝܵܪܬܘܼܬܵ‌ܐ ܒܟܝܘܼܠܵܐ، ܘܡܘܼܫܪܹܐ ܠܹܗ ܒܡܲܫܟܢܵܝ̈ܗ‌ܝ ܫܲܒ݂ܛܹ̈ܐ ܕܐܝܼܣܪܵܐܹܝܠܔ.

⁵⁶ܐܝܼܢܵܐ ܓ̰ܘܼܪܸܒ ܠܗܘܿܢ ܘܥܒ݂ܝܼܕ ܠܗܘܿܢ ܡܵܪܘܿܕܘܼܬܵ‌ܐ ܥܲܠܔ ܐܲܠܵܗܵܐ ܥܸܠܵܝܵܐ، ܘܣܵܗܕܘܵܬܘܼ̈ܗ‌ܝ ܠܵܐ ܢܛܝܼܪܗܘܿܢ.

⁵⁷ܘܩܠܝܼܒ ܠܗܘܿܢ ܘܥܒ݂ܝܼܕ ܠܗܘܿܢ ܚܵܝܝܼܢܘܼܬܵ‌ܐ ܐܲܝܟ݂ ܐܲܒ݂ܵܗܵܬܵܝ̈ܗ‌ܝ، ܦܟ̰ܝܼܠܔ ܠܗܘܿܢ ܐܲܝܟ݂ ܩܸܫܬܵ‌ܐ ܦܠܝܼܡܬܵ‌ܐ.

⁵⁸ܘܡܘܼܟܪܸܒ ܠܗܘܿܢ ܐܸܠܹܗ ܒܘܼܬ ܕܘܼܟܵܢܵܝ̈ܗ‌ܝ ܪ̈ܵܡܹܐ، ܘܒܨܲܠܡܵܝ̈ܗ‌ܝ ܩܵܡ ܡܲܥܒܸܪܝܼ ܠܹܗ ܒܛܢܵܢܵܐ.

⁵⁹ܫܡܝܼܥ ܠܹܗ ܐܲܠܵܗܵܐ ܘܟܪܝܼܒ ܠܹܗ، ܘܡܘܼܣܠܹܐ ܠܹܗ ܪܵܒܵܐ ܠܐܝܼܣܪܵܐܹܝܠܔ.

⁶⁰ܘܫܒ݂ܝܼܩ ܠܹܗ ܡܲܫܟܢܵܐ ܕܫܝܼܠܘܿ، ܡܛܲܠܠܵܐ ܕܡܘܼܫܪܹܐ ܠܹܗ ܒܹܝܠܔ ܒܢܲܝ̈ܢܵܫܵܐ.

⁶¹ܘܣܘܼܦܹܐ ܠܹܗ ܠܓܵܠܘܼܬܵ‌ܐ ܚܲܝܠܹܗ، ܘܚܸܩܪܹܗ ܒܐܝܼܕܵܐ ܕܡܲܠܝܸܨܵܢܵܐ.

⁶²ܘܣܘܼܦܹܐ ܠܹܗ ܥܲܡܹܗ ܠܣܲܝܦܵܐ، ܘܠܝܵܪܬܘܼܬܹܗ ܟܪܝܼܒ ܠܹܗ.

⁶³ܥܠܲܝܡܵܝ̈ܗ‌ܝ ܩܵܡ ܐܵܟܹܠܔ ܠܗܘܿܢ ܢܘܼܪܵܐ، ܘܒܬܘܼܠܵܬܵܝ̈ܗ‌ܝ ܠܵܐ ܦܝܼܫ ܠܗܘܿܢ ܚܩܝܼܪܹܐ ܒܓܒ݂ܵܪܬܵ‌ܐ.

⁶⁴ܟܵܗܢܵܝ̈ܗ‌ܝ ܒܣܲܝܦܵܐ ܢܦܝܼܠܔ ܠܗܘܿܢ، ܘܐܲܪ̈ܡܸܠܝܵܬܵܝܗ‌ܝ ܠܵܐ ܒܟܹܐ ܠܗܘܿܢ.