ܡܙܡܘܪ̈ܐ 72:5-18

⁵ܒܸܬ ܙܵܕܥܝܼ ܡܸܢܘܼܟ݂ ܟܡܵܐ ܕܐܝܼܬ ܫܸܡܫܵܐ، ܘܟܡܵܐ ܕܐܝܼܬ ܣܲܗܪܵܐ، ܠܕܵܪܵܐ ܕܕܵܪܹ̈ܐ.

⁶ܒܸܬ ܨܵܠܹܐ ܐܲܝܟ݂ ܡܸܛܪܵܐ ܥܲܠܔ ܥܸܩܪܵܐ ܕܓܸܠܵܐ ܚܨܝܼܕܵܐ، ܐܲܝܟ݂ ܩܲܫܩܲܫܝܵܬܹ̈‌ܐ ܒܸܫܦܵܟ݂ܵܐ ܥܲܠܔ ܐܲܪܥܵܐ.

⁷ܒܸܬ ܡܲܓ̰ܝܸܢܵܐ ܙܲܕܝܼܩܘܼܬܵ‌ܐ ܒܝܵܘܡܵܢܘܼ̈ܗ‌ܝ، ܘܒܘܼܫܵܝܘܼܬܵ‌ܐ ܕܫܠܵܡܵܐ ܗܲܠܔ ܕܠܵܐ ܗܵܘܹܐ ܣܲܗܪܵܐ.

⁸ܘܒܸܬ ܗܲܟܸܡ ܡ̣ܢ ܝܵܡܵܐ ܗܲܠܔ ܝܵܡܵܐ، ܘܡ̣ܢ ܢܲܗܪܵܐ ܕܦܪܵܬ ܗܲܠܔ ܡܲܪ̈ܙܵܢܹܐ ܕܐܲܪܥܵܐ.

⁹ܩܲܕܡܘܼܗ‌ܝ ܒܸܬ ܛܵܥܦܝܼ ܥܵܡܪ̈ܵܢܹܐ ܕܒܲܪܝܼܵܐ، ܘܕܸܫ̃ܡܸܢܘܼ̈ܗ‌ܝ ܥܲܦܪܵܐ ܒܸܬ ܠܵܟܚܝܼ.

¹⁰ܡܲܠܟܹ̈ܐ ܕܬܲܪܫܝܼܫ ܘܕܓܵܙܪ̈ܵܬܹ‌ܐ ܡܵܘܗܲܒ݂ܬܵ‌ܐ ܒܸܬ ܡܲܝܬ‌ܝܼ، ܡܲܠܟܹ̈ܐ ܕܫܒ݂ܵܐ ܘܕܣܵܒ݂ܵܐ ܕܲܫܢܵܐ ܒܸܬ ܡܲܩܪܸܒ݂ܝܼ.

¹¹ܘܒܸܬ ܟܵܝܦܝܼ ܩܲܕܡܘܼܗ‌ܝ ܟܠܵܝܗ‌ܝ ܡܲܠܟܹ̈ܐ، ܟܠܵܝܗ‌ܝ ܐܸܡܘܵܬܹ̈‌ܐ ܒܸܬ ܦܵܠܚܝܼ ܐܸܠܹܗ.

¹²ܣܵܒܵܒ ܒܸܬ ܦܲܨܹܐ ܠܣܢܝܼܩܵܐ ܕܩܲܘܸܚ، ܘܠܡܸܣܟܹܢܵܐ ܕܠܲܝܬ ܗܲܝܸܪܵܢܵܐ ܐܸܠܹܗ.

¹³ܒܸܬ ܥܵܒܹܕ ܪ̈ܲܚܡܹܐ ܥܲܠܔ ܡܸܣܟܹܢܵܐ ܘܣܢܝܼܩܵܐ، ܘܓܵܢܵܬܹ̈‌ܐ ܕܣܢܝܼܩܹ̈ܐ ܒܸܬ ܦܲܪܸܩ.

¹⁴ܡ̣ܢ ܛܠܘܼܡܝܵܐ ܘܡ̣ܢ ܚܸܡܬܵ‌ܐ ܒܸܬ ܦܲܪܸܩ ܓܵܢܵܝܗ‌ܝ، ܘܒܸܬ ܗܵܘܹܐ ܝܲܩܝܼܪܵܐ ܕܸܡܵܝܗ‌ܝ ܒܥܲܝܢܘܼ̈ܗ‌ܝ.

¹⁵ܘܒܸܬ ܚܵܝܹܐ، ܘܒܸܬ ܝܵܗܒ݂ܝܼ ܐܸܠܹܗ ܡ̣ܢ ܕܲܗܒ݂ܵܐ ܕܫܒ݂ܵܐ، ܘܒܸܬ ܨܲܠܝܼ ܒܘܼܬ ܕܝܼܹܗ ܐܲܡܝܼܢܵܐܝܼܬ، ܟܠܹܗ ܝܵܘܡܵܐ ܒܸܬ ܒܲܪܟ݂ܝܼ ܠܹܗ.

¹⁶ܒܸܬ ܗܵܘܝܵܐ ܦܸܪܝܘܼܬܵ‌ܐ ܕܕܲܚܠܵܐ ܒܐܲܪܥܵܐ ܒܪܹܝܫܵܐ ܕܛܘܼܪ̈ܵܢܹܐ، ܒܸܬ ܫܵܥܫܵܐ ܐܲܝܟ݂ ܠܸܒ݂ܢܵܢ ܛܥܘܼܢܬܹܗ، ܘܒܸܬ ܦܵܩܚܝܼ ܐܢܵܫܹ̈ܐ ܡ̣ܢ ܡܕܝܼܢ݇ܬܵ‌ܐ ܐܲܝܟ݂ ܓܸܠܵܐ ܕܐܲܪܥܵܐ.

¹⁷ܒܸܬ ܗܵܘܹܐ ܫܸܡܹܗ ܠܥܵܠܲܡ، ܘܒܸܬ ܦܵܐܹܫ ܫܸܡܹܗ ܟܡܵܐ ܕܐܝܼܬ ܫܸܡܫܵܐ، ܘܒܸܬ ܦܵܝܫܝܼ ܒܘܼܪܟܹܐ ܒܝܼܹܗ ܟܠܵܝܗ‌ܝ ܐܸܡܘܵܬܹ̈‌ܐ، ܘܒܸܬ ܝܵܗܒ݂ܝܼ ܠܹܗ ܛܘܼܒ݂ܵܐ.

¹⁸ܒܪܝܼܟ݂ܵܐ ܝܠܹܗ ܡܵܪܝܵܐ ܐܲܠܵܗܵܐ، ܐܲܠܵܗܵܐ ܕܐܝܼܣܪܵܐܹܝܠܔ، ܥܵܒ݂ܕܵܢܹ̈ܐ ܕܥܲܓ̰ܝܼܒܘܼܝܵܬܹ̈‌ܐ ܒܢܲܦ̮ܫܹܗ.