ܡܙܡܘܪ̈ܐ 66:6-14

⁶ܡܘܼܚܕܸܪܹܗ ܝܵܡܵܐ ܠܒܸܪܙܵܐ، ܡܓܵܘ ܢܲܗܪܵܐ ܥܒ݂ܝܼܪܗܘܿܢ ܒܐܲܩܠܵܐ، ܫܒ݂ܘܿܩ ܚܵܕܲܚ ܒܝܼܹܗ ܬܵܡܵܐ.

⁷ܫܲܠܛܵܢܵܐ ܝܠܹܗ ܒܓܲܒܵܪܘܼܬܹܗ ܠܥܵܠܲܡ، ܥܲܝܢܘܼ̈ܗ‌ܝ ܠܐܸܡܘܵܬܹ̈‌ܐ ܟܹܐ ܩܲܙܸܕܝܼ، ܡܵܪ̈ܘܿܕܹܐ ܠܵܐ ܡܲܪܡܝܼ ܓܵܢܵܝܗ‌ܝ. ܣܹܠܵܗ

⁸ܒܲܪܟ݂ܘܼܢ، ܝܵܐ ܥܲܡܡܹ̈ܐ، ܠܐܲܠܵܗܲܢ، ܘܡܲܫܡܸܥܡܘܼܢ ܩܵܠܵܐ ܕܬܸܫܒܘܿܚܬܹܗ،

⁹ܗ̇ܘ ܕܚܘܼܡܹܐ ܠܹܗ ܓܵܢܲܢ ܒܚܲܝܹ̈ܐ، ܘܠܵܐ ܫܒ݂ܝܼܩ ܠܹܗ ܕܫܵܥܫܵܐ ܐܲܩܠܲܢ.

¹⁰ܒܗ̇ܝ ܕܩܵܡ ܒܵܚܪܹܬ ܠܲܢ، ܝܵܐ ܐܲܠܵܗܵܐ، ܩܵܡ ܨܲܪܸܦܸܬ ܠܲܢ ܐܲܝܟ݂ ܨܲܪܲܦܬܵ‌ܐ ܕܣܹܐܡܵܐ.

¹¹ܩܵܡ ܡܲܥܒܸܪܸܬ ܠܲܢ ܓܵܘ ܓܲܪܕܵܐ، ܡܘܼܬܸܒ݂ ܠܘܼܟ݂ ܟܵܪܬܵ‌ܐ ܥܲܠܔ ܚܵܨܲܢ.

¹²ܡܘܼܪܟܸܒ݂ ܠܘܼܟ݂ ܒܲܪܢܵܫܵܐ ܒܪܹܝܫܲܢ، ܥܒ݂ܝܼܪܲܢ ܒܢܘܼܪܵܐ ܘܒܡ̈ܝܼܵܐ، ܐܝܼܢܵܐ ܩܵܡ ܦܲܠܛܸܬ ܠܲܢ ܠܕܘܼܟܬܵ‌ܐ ܕܦܸܪܝܘܼܬܵ‌ܐ.

¹³ܒܸܬ ܥܵܒ݂ܪܹܢ ܠܒܲܝܬܘܼܟ݂ ܒܕܸܒ݂ܚܹ̈ܐ ܡܘܼܩܕܹ̈ܐ، ܒܸܬ ܬܲܡܸܡܸܢ ܐܸܠܘܼܟ݂ ܢܸܕܪ̈ܝܼ؛

¹⁴ܐܲܝܢܝܼ ܕܗܘܼܡܙܸܡ ܠܗܘܿܢ ܣܸܦܘܵܬ‌ܝܼ̈، ܘܦܠܝܼܛ ܠܗܘܿܢ ܡ̣ܢ ܦܘܼܡܝܼ ܟܲܕ ܒܥܵܘܩܵܢܵܐ ܝܘܸܢ ܗܘܵܐ.