ܡܙܡܘܪ̈ܐ 65:4-9

⁴ܛܘܼܒ݂ܵܐ ܠܡ̇ܢ ܕܓܲܒܹܝܬ ܘܩܲܪܒܸܢܸܬ ܠܹܗ ܐܸܠܘܼܟ݂ ܕܫܵܪܹܐ ܒܕܵܪ̈ܵܬܘܼܟ݂. ܒܸܬ ܣܵܒ݂ܥܲܚ ܒܛܵܒ݂ܬܵ‌ܐ ܕܒܲܝܬܘܼܟ݂، ܒܩܲܕܝܼܫܘܼܬܵ‌ܐ ܕܗܲܝܟܠܘܼܟ݂.

⁵ܒܣܲܗܡܵܢܘܼܝܵܬܹ̈ܐ ܟܹܐ ܓ̰ܲܘܸܒܸܬ ܠܲܢ ܒܙܲܕܝܼܩܘܼܬܵ‌ܐ، ܝܵܐ ܐܲܠܵܗܵܐ ܕܦܘܼܪܩܵܢܲܢ، ܣܲܒ݂ܪܵܐ ܕܟܠܵܝܗ‌ܝ ܡܲܪ̈ܙܵܢܹܐ ܕܐܲܪܥܵܐ، ܘܝܵܡܵܬܹ̈‌ܐ ܪ̈ܲܚܝܼܩܹܐ،

⁶ܡܫܲܬܐܸܣܵܢܵܐ ܕܛܘܼܪܹ̈ܐ ܒܚܲܝܠܹܗ، ܚܠܝܼܨܵܐ ܒܓܲܒܵܪܘܼܬܵ‌ܐ،

⁷ܡܲܫܠܝܼܵܢܵܐ ܕܫܓ݂ܘܼܫܝܵܐ ܕܝܵܡܵܬܹ̈‌ܐ، ܫܓ݂ܘܼܫܝܵܐ ܕܠܲܦܵܝ̈ܗ‌ܝ، ܘܚܒ݂ܵܛܵܐ ܕܥܲܡܡܹ̈ܐ.

⁸ܘܟܹܐ ܙܵܕܥܝܼ ܥܵܡܪ̈ܵܢܹܐ ܕܡܲܪ̈ܙܵܢܹܐ ܕܐܲܪܥܵܐ ܡ̣ܢ ܢܝܼܫܲܢܩܘܼ̈ܟ݂، ܦܠܵܛܵܐ ܕܨܲܦܪܵܐ ܘܕܪܲܡܫܵܐ ܟܹܐ ܥܵܒ݂ܕܹܬ ܫܲܒܚܝܼ.

⁹ܣܘܼܚܒܸܪܘܼܟ݂ ܠܐܲܪܥܵܐ ܘܡܘܼܫܬܝܼܵܐ ܠܘܼܟ݂، ܟܹܐ ܥܵܒ݂ܕܹܬ ܠܵܗ̇ ܥܲܬܝܼܪܬܵ‌ܐ ܪܵܒܵܐ. ܫܵܩܝܼܬܵ‌ܐ ܕܐܲܠܵܗܵܐ ܡܠܝܼܬܵ‌ܐ ܝܠܵܗ̇ ܡ̈ܝܼܵܐ، ܟܹܐ ܬܲܪܨܸܬ ܕܲܚܠܵܝܗ‌ܝ ܣܵܒܵܒ ܗܵܕܟ݂ܵܐ ܗܘܼܕܪܘܼܗ̇ ܝܘܸܬ.