ܡܙܡܘܪ̈ܐ 62:3-11

³ܗܲܠܔ ܐܝܼܡܲܢ ܒܸܬ ܬܵܪܥܝܼܬܘܿܢ ܥܲܠܔ ܐܢܵܫܵܐ؟ ܟܠܵܘܟ݂ܘܿܢ ܒܵܥܹܝܬܘܿܢ ܠܸܩܛܵܠܵܐ ܐܸܠܹܗ، ܐܲܝܟ݂ ܓܘܼܕܵܐ ܓܸܢܝܵܐ، ܣܝܵܓ݂ܵܐ ܚܘܼܪܙܸܦܵܐ.

⁴ܐܲܚܟ̰ܝܼ ܥܒ݂ܝܼܕ ܠܗܘܿܢ ܡܸܠܟܵܐ ܠܸܛܪܵܕܹܗ ܡ̣ܢ ܪܵܡܘܼܬܹܗ، ܟܹܐ ܒܵܣܡܵܐ ܠܗܘܿܢ ܒܕܘܼܓܠܵܐ، ܒܦܘܼܡܵܝܗ‌ܝ ܟܹܐ ܒܲܪܟ݂ܝܼ، ܐܝܼܢܵܐ ܒܓܵܘܵܝܗ‌ܝ ܟܹܐ ܠܵܝܛܝܼ. ܣܹܠܵܗ

⁵ܐܲܚܟ̰ܝܼ ܠܐܲܠܵܗܵܐ ܒܫܸܬܩܵܐ ܣܦܘܿܪܝ، ܝܵܐ ܓܵܢܝܼ، ܣܵܒܵܒ ܡܸܢܹܗ ܝܠܹܗ ܣܲܒ݂ܪܝܼ.

⁶ܐܲܚܟ̰ܝܼ ܗ̇ܘ ܝܼܠܹܗ ܐܝܼܨܵܪܝܼ ܘܦܘܼܪܩܵܢܝܼ، ܩܲܠܥܝܼ ܝܠܹܗ، ܠܹܐ ܫܵܥܫܹܢ.

⁷ܥܲܠܔ ܐܲܠܵܗܵܐ ܝܠܹܗ ܦܘܼܪܩܵܢܝܼ ܘܐܝܼܩܵܪܝܼ، ܗ̇ܘ ܝܼܠܹܗ ܐܝܼܨܵܪܵܐ ܕܥܘܼܫܢܝܼ، ܒܹܝܬ ܓܵܘܣܝܼ ܒܐܲܠܵܗܵܐ.

⁸ܣܒܘܿܪܘܼܢ ܒܝܼܹܗ ܒܟܠܔ ܙܲܒ݂ܢܵܐ، ܝܵܐ ܥܲܡܵܐ، ܫܲܦܟ݂ܘܼܢ ܩܲܕܡܘܼܗ‌ܝ ܠܸܒܵܘܟ݂ܘܿܢ، ܐܲܠܵܗܵܐ ܒܹܝܬ ܓܵܘܣܵܐ ܝܠܹܗ ܩܵܬܲܢ. ܣܹܠܵܗ

⁹ܫܲܪܝܼܪܵܐܝܼܬ، ܣܪܝܼܩܘܼܬܵ‌ܐ ܝܢܵܐ ܒܢܲܝ̈ ܐܵܕܵܡ، ܕܘܼܓܠܵܐ ܝܢܵܐ ܒܢܲܝ̈ܢܵܫܵܐ، ܥܲܠܔ ܡܲܣܲܐܬܵ‌ܐ ܟܹܐ ܐܵܣܩܝܼ، ܐܵܢܝܼ ܥܲܠܔ ܚܕܵܕܹ̈ܐ ܒܘܼܫ ܩܲܠܘܼ̈ܠܹܐ ܝܢܵܐ ܡ̣ܢ ܢܫܲܡܬܵ‌ܐ.

¹⁰ܠܵܐ ܡܲܬܒ݂ܝܼܬܘܿܢ ܣܲܒ݂ܪܵܐ ܥܲܠܔ ܛܠܘܼܡܝܵܐ، ܘܒܚܛܘܼܦܝܵܐ ܠܵܐ ܗܵܘܝܼ ܠܵܘܟ݂ܘܿܢ ܬܘܼܟ݂ܠܵܢܵܐ ܣܪܝܼܩܵܐ، ܥܘܼܬܪܵܐ ܟܲܕ ܙܵܐܹܕ، ܠܵܐ ܡܲܬܒ݂ܝܼܬܘܿܢ ܠܸܒܵܐ ܥܲܠܘܼܗ‌ܝ.

¹¹ܚܕܵܐ ܓܵܗܵܐ ܗܘܼܡܙܸܡ ܠܹܗ ܐܲܠܵܗܵܐ، ܐܲܢܹܐ ܬܲܪܬܹܝ ܫܡܝܼܥ ܠܝܼ، ܕܚܲܝܠܵܐ ܝܼܠܹܗ ܕܐܲܠܵܗܵܐ،