ܡܙܡܘܪ̈ܐ 59:1-10

¹ܦܲܨܝܼ ܠܝܼ ܡ̣ܢ ܕܸܫ̃ܡܸܢܝܼ̈، ܝܵܐ ܐܲܠܵܗ‌ܝܼ، ܡܲܪܡܹܝܬ ܠܝܼ ܪܸܚܩܵܐ ܠܥܸܠܔ ܡ̣ܢ ܩܵܝܡܵܢܹ̈ܐ ܕܥܲܠܝܼ.

²ܦܲܨܝܼ ܠܝܼ ܡ̣ܢ ܦܵܠܚܵܢܹ̈ܐ ܕܥܵܘܠܵܐ، ܘܦܲܪܸܩ ܠܝܼ ܡ̣ܢ ܫܲܦܟ݂ܵܢܹ̈ܐ ܕܕܸܡܵܐ.

³ܣܵܒܵܒ ܗܵܐ، ܝܬܝܼܒ݂ ܠܗܘܿܢ ܒܟܡܹܐܢܵܐ ܠܓܵܢܝܼ، ܓ̰ܡܝܼܥ ܠܗܘܿܢ ܥܲܠܝܼ ܙܲܪ̈ܒܵܢܹܐ، ܐܵܦܸܢ ܕܠܹܐ ܝܘܸܢ ܥܒ݂ܝܼܕܵܐ ܓܢܵܗܵܐ ܐܵܦܠܵܐ ܚܛܝܼܬܵ‌ܐ، ܝܵܐ ܡܵܪܝܵܐ.

⁴ܟܲܕ ܠܵܐ ܥܒ݂ܝܼܕܵܐ ܥܵܘܠܵܐ، ܟܹܐ ܪܵܚܛܝܼ ܘܗܲܕܪܝܼ ܓܵܢܵܝܗ‌ܝ، ܬܥܘܿܪ ܠܸܬܦܵܩܵܐ ܒܝܼܝܼ، ܘܚܙܝܼ.

⁵ܘܐܲܢ݇ܬ، ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ، ܐܲܠܵܗܵܐ ܕܐܝܼܣܪܵܐܹܝܠܔ، ܪܥܘܿܫ ܠܸܦܪܵܥܵܐ ܠܟܠܵܝܗ‌ܝ ܐܸܡܘܵܬܹ̈‌ܐ، ܠܵܐ ܪܵܚܡܹܬ ܠܗܸܟ̃ ܥܵܘܵܠܵܐ ܠܵܐ ܡܗܘܼܡܢܵܐ. ܣܹܠܵܗ

⁶ܟܹܐ ܕܵܝܪܝܼ ܒܪܲܡܫܵܐ ܙܵܘܙܝܼ ܐܲܝܟ݂ ܟܲܠܒܹ̈ܐ، ܘܚܵܕܪܝܼ ܚܵܕܸܪ̈ܘܵܢܹܐ ܕܡܕܝܼܢ݇ܬܵ‌ܐ.

⁷ܗܵܐ، ܟܹܐ ܓܲܒܓܸܒܝܼ ܠܹܗ ܦܘܼܡܵܝܗ‌ܝ ܒܡܹܐܡܪܹ̈ܐ، ܕܝܼܢܵܐ ܣܲܝܦܹ̈ܐ ܒܣܸܦܘܵܬܵܝ̈ܗ‌ܝ، ܣܵܒܵܒ ܟܹܐ ܐܵܡܪܝܼ: ”ܡܵܢܝܼ ܝܠܹܗ ܒܸܫܡܵܥܵܐ؟“

⁸ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܒܸܬ ܓܵܚܟܹܬ ܒܝܼܵܝܗ‌ܝ، ܒܸܬ ܡܲܣܚܸܪܸܬ ܒܟܠܵܝܗ‌ܝ ܐܸܡܘܵܬܹ̈‌ܐ.

⁹ܝܵܐ ܚܲܝܠܝܼ، ܐܸܠܘܼܟ݂ ܒܸܬ ܣܵܦܪܹܢ، ܣܵܒܵܒ ܐܲܠܵܗܵܐ ܝܠܹܗ ܒܹܝܬ ܓܵܘܣܝܼ.

¹⁰ܐܲܠܵܗܵܐ ܕܛܲܝܒܘܼܬ‌ܝܼ ܒܸܬ ܬܵܦܹܩ ܒܝܼܝܼ، ܐܲܠܵܗܵܐ ܒܸܬ ܡܲܚܙܹܐ ܠܝܼ ܙܵܟ݂ܘܼܬܵ‌ܐ ܠܕܸܫ̃ܡܸܢܝܼ̈.