6ܘܒܸܬ ܦܲܠܸܛ ܐܲܝܟ݂ ܒܲܗܪܵܐ ܙܲܕܝܼܩܘܼܬܘܼܟ݂، ܘܕܝܼܘܵܢܘܼ̈ܟ݂ ܐܲܝܟ݂ ܛܲܗܪܵܐ.
7ܫܠܝܼ ܩܲܕܡ ܡܵܪܝܵܐ، ܘܣܦܘܿܪ ܐܸܠܹܗ، ܠܵܐ ܥܵܒ݂ܕܹܬ ܚܣܵܡܵܐ ܒܡܲܢܬܝܼܵܢܵܐ ܒܐܘܼܪܚܹܗ، ܒܐܢܵܫܵܐ ܥܵܒ݂ܕܵܢܵܐ ܕܦܸܠܡܹ̈ܐ.
8ܪܦܝܼ ܡ̣ܢ ܟܲܪܒܵܐ ܘܫܒ݂ܘܿܩ ܚܸܡܬܵܐ، ܠܵܐ ܥܵܒ݂ܕܹܬ ܚܣܵܡܵܐ ܠܸܥܒ݂ܵܕܵܐ ܒܝܼܫܬܵܐ.
9ܣܵܒܵܒ ܒܝܼܫܹ̈ܐ ܒܸܬ ܦܵܝܫܝܼ ܩܛܝܼܥܹܐ، ܐܝܼܢܵܐ ܣܵܦܪ̈ܵܢܹܐ ܠܡܵܪܝܵܐ، ܐܵܢܝܼ ܒܸܬ ܝܵܪܬܝܼ ܐܲܪܥܵܐ.
10ܘܚܲܕܟ̰ܵܐ ܐܚܹܪܢܵܐ، ܘܠܲܝܬ ܪܲܫܝܼܥܵܐ، ܘܒܸܬ ܚܵܝܪܹܬ ܥܲܠܔ ܕܘܼܟܬܹܗ، ܐܝܼܢܵܐ ܠܲܝܬ ܗ̇ܘ.
11ܐܝܼܢܵܐ ܡܸܣܟܹܢܹ̈ܐ ܒܸܬ ܝܵܪܬܝܼ ܐܲܪܥܵܐ، ܘܒܸܬ ܥܵܒ݂ܕܝܼ ܒܘܼܣܵܡܵܐ ܒܦܸܪܝܘܼܬܵܐ ܕܫܠܵܡܵܐ.
12ܪܲܫܝܼܥܵܐ ܟܹܐ ܥܵܒܹܕ ܦܸܠܡܵܐ ܥܲܠܔ ܙܲܕܝܼܩܵܐ، ܘܟܹܐ ܚܲܪܚܸܟ̃ ܥܲܠܘܼܗܝ ܟܹܟܘܼ̈ܗܝ.
13ܐܝܼܢܵܐ ܡܵܪܝܵܐ ܟܹܐ ܓܵܚܹܟ ܒܝܼܹܗ، ܣܵܒܵܒ ܚܙܹܐ ܠܹܗ ܕܒܸܬ ܐܵܬܹܐ ܝܵܘܡܹܗ.
14ܣܲܝܦܵܐ ܓܪܝܼܫ ܠܗܘܿܢ ܪ̈ܲܫܝܼܥܹܐ، ܘܡܬܝܼܚ ܠܗܘܿܢ ܩܸܫܬܵܝܗܝ، ܠܡܲܢܦܘܼܠܹܐ ܡܸܣܟܹܢܵܐ ܘܣܢܝܼܩܵܐ، ܠܸܩܛܵܠܵܐ ܠܬܪ̈ܘܼܨܹܐ ܕܐܘܼܪܚܵܐ.
15ܣܲܝܦܵܝܗܝ ܒܸܬ ܥܵܒܹܪ ܒܠܸܒܵܝܗܝ، ܘܩܸܫܬܵܬܵܝ̈ܗܝ ܒܸܬ ܦܵܝܫܝܼ ܬܒ݂ܝܼܪܹܐ.
16ܡܸܢܕܝܼ ܩܲܠܝܼܠܔ ܕܙܲܕܝܼܩܵܐ ܒܘܼܫ ܨܦܵܝܝܼ ܝܠܹܗ ܡ̣ܢ ܥܘܼܬܪܵܐ ܕܪ̈ܲܫܝܼܥܹܐ ܪܵܒܵܐ.
17ܣܵܒܵܒ ܕܪ̈ܲܥܢܵܢܹܐ ܕܪ̈ܲܫܝܼܥܹܐ ܒܸܬ ܦܵܝܫܝܼ ܬܒ݂ܝܼܪܹܐ، ܐܝܼܢܵܐ ܟܹܐ ܣܵܢܹܕ ܠܙܲܕܝܼܩܹ̈ܐ ܡܵܪܝܵܐ.
18ܟܹܐ ܝܵܕܹܥ ܡܵܪܝܵܐ ܝܵܘܡܵܢܹ̈ܐ ܕܬܲܡܝܼܡܹ̈ܐ، ܝܵܪܬܘܼܬܵܝܗܝ ܠܥܵܠܲܡ ܒܸܬ ܗܵܘܝܵܐ.
19ܠܹܐ ܢܵܟ݂ܦܝܼ ܒܙܲܒ݂ܢܵܐ ܕܒܝܼܫܬܵܐ، ܘܒܝܵܘܡܵܢܹ̈ܐ ܕܟܸܦܢܵܐ ܒܸܬ ܣܵܒ݂ܥܝܼ.
20ܐܝܼܢܵܐ ܪ̈ܲܫܝܼܥܹܐ ܒܸܬ ܛܵܠܩܝܼ، ܘܕܸܫ̃ܡܸܢܹ̈ܐ ܕܡܵܪܝܵܐ ܐܲܝܟ݂ ܫܘܼܦܪܵܐ ܕܡܲܪ̈ܓܹܐ، ܒܸܬ ܬܵܝܡܝܼ، ܒܬܸܢܵܐ ܒܸܬ ܬܵܝܡܝܼ.
21ܟܹܐ ܡܲܕܝܸܢ ܪܲܫܝܼܥܵܐ ܘܠܹܐ ܦܵܪܹܥ، ܐܝܼܢܵܐ ܙܲܕܝܼܩܵܐ ܟܹܐ ܪܲܚܸܡ ܘܟܹܐ ܝܵܗܒܹܠܔ.
22ܣܵܒܵܒ ܡܒܘܼܪ̈ܟܹܐ ܕܡܵܪܝܵܐ ܒܸܬ ܝܵܪܬܝܼ ܐܲܪܥܵܐ، ܘܠܝܼܛܘܼ̈ܗܝ ܒܸܬ ܦܵܝܫܝܼ ܩܛܝܼܥܹܐ.
23ܡ̣ܢ ܡܵܪܝܵܐ ܟܹܐ ܦܵܝܫܝܼ ܡܘܼܩܘܝܼܹܐ ܦܵܣܘܿܥܝܵܬܹ̈ܐ ܕܐܢܵܫܵܐ، ܘܒܐܘܼܪܚܹܗ ܟܹܐ ܒܵܣܡܵܐ ܠܹܗ.
24ܐܵܦܸܢ ܢܵܦܹܠܔ، ܠܹܐ ܦܵܐܹܫ ܟ̰ܘܼܡܟ̰ܸܡܵܐ، ܣܵܒܵܒ ܡܵܪܝܵܐ ܟܹܐ ܣܵܢܹܕ ܐܝܼܕܹܗ.
25ܝܵܠܵܕ݇ܐ ܗܘܹܐ ܠܝܼ ܐܘܼܦ ܣܝܼܒ݂ ܠܝܼ، ܐܝܼܢܵܐ ܠܵܐ ܚܙܹܐ ܠܝܼ ܙܲܕܝܼܩܵܐ ܫܒ݂ܝܼܩܵܐ، ܝܲܢ ܙܲܪܥܹܗ ܛܵܥܹܐ ܠܲܚܡܵܐ.
26ܟܠܹܗ ܝܵܘܡܵܐ ܡܪܲܚܡܵܢܵܐ ܝܠܹܗ ܘܟܹܐ ܝܵܗܒܹܠܔ ܕܲܝܢܵܐ، ܘܠܒܘܼܪܟܬܵܐ ܝܢܵܐ ܙܲܪ̈ܥܘܼܗܝ.
27ܩܠܘܿܒ ܡ̣ܢ ܒܝܼܫܬܵܐ ܘܥܒ݂ܘܿܕ ܛܵܒ݂ܬܵܐ، ܘܥܡܘܿܪ ܠܥܵܠܲܡ.
28ܣܵܒܵܒ ܡܵܪܝܵܐ ܟܹܐ ܡܲܚܸܒ ܕܝܼܘܵܢ، ܘܠܹܐ ܫܵܒܹܩ ܠܛܵܒ݂ܘܼ̈ܗܝ، ܠܥܵܠܲܡ ܟܹܐ ܦܵܝܫܝܼ ܢܛܝܼܪܹܐ، ܐܝܼܢܵܐ ܙܲܪܥܵܐ ܕܪ̈ܲܫܝܼܥܹܐ ܒܸܬ ܦܵܐܹܫ ܩܛܝܼܥܵܐ.
29ܙܲܕܝܼܩܹ̈ܐ ܒܸܬ ܝܵܪܬܝܼ ܐܲܪܥܵܐ، ܘܒܸܬ ܫܵܪܝܼ ܠܥܵܠܲܡ ܥܲܠܘܼܗ̇.
30ܦܘܼܡܵܐ ܕܙܲܕܝܼܩܵܐ ܟܹܐ ܗܲܓܹܐ ܚܸܟ݂ܡܬܵܐ، ܘܠܸܫܵܢܹܗ ܟܹܐ ܗܲܡܙܸܡ ܕܝܼܘܵܢ.
31ܢܵܡܘܿܣܵܐ ܕܐܲܠܵܗܹܗ ܒܠܸܒܹܗ ܝܠܹܗ، ܠܹܐ ܫܵܥܫܝܼ ܦܵܣܘܿܥܝܵܬܘܼ̈ܗܝ.
32ܟܹܐ ܩܲܙܸܕ ܒܝܼܫܵܐ ܠܙܲܕܝܼܩܵܐ، ܘܟܹܐ ܛܵܥܹܐ ܠܡܲܡܝܘܼܬܹܗ.
33ܐܝܼܢܵܐ ܡܵܪܝܵܐ ܠܹܐ ܫܵܒܹܩ ܠܹܗ ܒܐܝܼܕܹܗ، ܘܠܹܐ ܥܵܒܹܕ ܠܹܗ ܚܲܝܵܒ݂ܵܐ ܐܝܼܡܲܢ ܕܦܵܐܹܫ ܕܝܼܢܵܐ.
34ܣܦܘܿܪ ܠܡܵܪܝܵܐ ܘܢܛܘܿܪ ܐܘܼܪܚܹܗ، ܘܒܸܬ ܡܲܪܸܡ ܠܘܼܟ݂ ܕܝܵܪܬܹܬ ܐܲܪܥܵܐ، ܐܝܼܡܲܢ ܕܦܵܝܫܝܼ ܩܛܝܼܥܹܐ ܪ̈ܲܫܝܼܥܹܐ ܒܸܬ ܚܵܙܹܝܬ.
35ܚܙܹܐ ܠܝܼ ܪܲܫܝܼܥܵܐ ܙܵܠܝܼܡ ܓܲܪܘܘܼܣܘܼܗ̇ ܓܵܢܹܗ ܐܲܝܟ݂ ܐܝܼܠܵܢܵܐ ܩܝܼܢܵܐ ܒܐܲܪܥܹܗ ܟܝܵܢܵܝܬܵܐ.
36ܘܫܘܼܢܹܐ ܠܹܗ، ܘܗܵܐ ܠܲܝܬ، ܘܛܥܹܐ ܠܝܼ ܒܵܬܪܹܗ، ܐܝܼܢܵܐ ܠܵܐ ܡܫ݇ܟ̰ܝܼܚ ܠܹܗ.
37ܓܲܫܸܩ ܠܬܲܡܝܼܡܵܐ ܘܚܙܝܼ ܠܬܪܘܼܨܵܐ، ܣܵܒܵܒ ܐܝܼܬ ܕܲܥܬܝܼܕ ܩܵܐ ܐܢܵܫܵܐ ܕܫܠܵܡܵܐ.
38ܐܝܼܢܵܐ ܥܵܘܵܠܹ̈ܐ ܒܸܬ ܛܵܠܩܝܼ ܥܲܡ ܚܕܵܕܹ̈ܐ، ܚܲܪܬܵܐ ܕܪ̈ܲܫܝܼܥܹܐ ܒܸܬ ܦܵܝܫܵܐ ܩܛܝܼܥܬܵܐ.
39ܘܦܘܼܪܩܵܢܵܐ ܕܙܲܕܝܼܩܹ̈ܐ ܡ̣ܢ ܡܵܪܝܵܐ ܝܠܹܗ، ܗ̇ܘ ܝܼܠܹܗ ܩܲܠܥܵܝܗܝ ܒܙܲܒ݂ܢܵܐ ܕܥܵܘܩܵܢܵܐ.
40ܘܟܹܐ ܗܲܝܸܪܗܘܿܢ ܡܵܪܝܵܐ ܘܟܹܐ ܦܲܨܹܐ ܠܗܘܿܢ، ܟܹܐ ܦܲܨܹܐ ܠܗܘܿܢ ܡ̣ܢ ܪ̈ܲܫܝܼܥܹܐ ܘܟܹܐ ܦܲܪܸܩ ܠܗܘܿܢ، ܣܵܒܵܒ ܟܹܐ ܫܵܩܠܝܼ ܓܵܘܣܵܐ ܒܝܼܹܗ.