ܡܙܡܘܪ̈ܐ 37:13-40

¹³ܐܝܼܢܵܐ ܡܵܪܝܵܐ ܟܹܐ ܓܵܚܹܟ ܒܝܼܹܗ، ܣܵܒܵܒ ܚܙܹܐ ܠܹܗ ܕܒܸܬ ܐܵܬܹ‌ܐ ܝܵܘܡܹܗ.

¹⁴ܣܲܝܦܵܐ ܓܪܝܼܫ ܠܗܘܿܢ ܪ̈ܲܫܝܼܥܹܐ، ܘܡܬܝܼܚ ܠܗܘܿܢ ܩܸܫܬܵܝܗ‌ܝ، ܠܡܲܢܦܘܼܠܹܐ ܡܸܣܟܹܢܵܐ ܘܣܢܝܼܩܵܐ، ܠܸܩܛܵܠܵܐ ܠܬܪ̈ܘܼܨܹܐ ܕܐܘܼܪܚܵܐ.

¹⁵ܣܲܝܦܵܝܗ‌ܝ ܒܸܬ ܥܵܒܹܪ ܒܠܸܒܵܝܗ‌ܝ، ܘܩܸܫܬܵܬܵܝ̈ܗ‌ܝ ܒܸܬ ܦܵܝܫܝܼ ܬܒ݂ܝܼܪܹܐ.

¹⁶ܡܸܢܕܝܼ ܩܲܠܝܼܠܔ ܕܙܲܕܝܼܩܵܐ ܒܘܼܫ ܨܦܵܝܝܼ ܝܠܹܗ ܡ̣ܢ ܥܘܼܬܪܵܐ ܕܪ̈ܲܫܝܼܥܹܐ ܪܵܒܵܐ.

¹⁷ܣܵܒܵܒ ܕܪ̈ܲܥܢܵܢܹܐ ܕܪ̈ܲܫܝܼܥܹܐ ܒܸܬ ܦܵܝܫܝܼ ܬܒ݂ܝܼܪܹܐ، ܐܝܼܢܵܐ ܟܹܐ ܣܵܢܹܕ ܠܙܲܕܝܼܩܹ̈ܐ ܡܵܪܝܵܐ.

¹⁸ܟܹܐ ܝܵܕܹܥ ܡܵܪܝܵܐ ܝܵܘܡܵܢܹ̈ܐ ܕܬܲܡܝܼܡܹ̈ܐ، ܝܵܪܬܘܼܬܵܝܗ‌ܝ ܠܥܵܠܲܡ ܒܸܬ ܗܵܘܝܵܐ.

¹⁹ܠܹܐ ܢܵܟ݂ܦܝܼ ܒܙܲܒ݂ܢܵܐ ܕܒܝܼܫܬܵ‌ܐ، ܘܒܝܵܘܡܵܢܹ̈ܐ ܕܟܸܦܢܵܐ ܒܸܬ ܣܵܒ݂ܥܝܼ.

²⁰ܐܝܼܢܵܐ ܪ̈ܲܫܝܼܥܹܐ ܒܸܬ ܛܵܠܩܝܼ، ܘܕܸܫ̃ܡܸܢܹ̈ܐ ܕܡܵܪܝܵܐ ܐܲܝܟ݂ ܫܘܼܦܪܵܐ ܕܡܲܪ̈ܓܹܐ، ܒܸܬ ܬܵܝܡܝܼ، ܒܬܸܢܵܐ ܒܸܬ ܬܵܝܡܝܼ.

²¹ܟܹܐ ܡܲܕܝܸܢ ܪܲܫܝܼܥܵܐ ܘܠܹܐ ܦܵܪܹܥ، ܐܝܼܢܵܐ ܙܲܕܝܼܩܵܐ ܟܹܐ ܪܲܚܸܡ ܘܟܹܐ ܝܵܗܒܹܠܔ.

²²ܣܵܒܵܒ ܡܒܘܼܪ̈ܟܹܐ ܕܡܵܪܝܵܐ ܒܸܬ ܝܵܪܬ‌ܝܼ ܐܲܪܥܵܐ، ܘܠܝܼܛܘܼ̈ܗ‌ܝ ܒܸܬ ܦܵܝܫܝܼ ܩܛܝܼܥܹܐ.

²³ܡ̣ܢ ܡܵܪܝܵܐ ܟܹܐ ܦܵܝܫܝܼ ܡܘܼܩܘܝܼܹܐ ܦܵܣܘܿܥܝܵܬܹ̈‌ܐ ܕܐܢܵܫܵܐ، ܘܒܐܘܼܪܚܹܗ ܟܹܐ ܒܵܣܡܵܐ ܠܹܗ.

²⁴ܐܵܦܸܢ ܢܵܦܹܠܔ، ܠܹܐ ܦܵܐܹܫ ܟ̰ܘܼܡܟ̰ܸܡܵܐ، ܣܵܒܵܒ ܡܵܪܝܵܐ ܟܹܐ ܣܵܢܹܕ ܐܝܼܕܹܗ.

²⁵ܝܵܠܵܕ݇ܐ ܗܘܹܐ ܠܝܼ ܐܘܼܦ ܣܝܼܒ݂ ܠܝܼ، ܐܝܼܢܵܐ ܠܵܐ ܚܙܹܐ ܠܝܼ ܙܲܕܝܼܩܵܐ ܫܒ݂ܝܼܩܵܐ، ܝܲܢ ܙܲܪܥܹܗ ܛܵܥܹܐ ܠܲܚܡܵܐ.

²⁶ܟܠܹܗ ܝܵܘܡܵܐ ܡܪܲܚܡܵܢܵܐ ܝܠܹܗ ܘܟܹܐ ܝܵܗܒܹܠܔ ܕܲܝܢܵܐ، ܘܠܒܘܼܪܟܬܵ‌ܐ ܝܢܵܐ ܙܲܪ̈ܥܘܼܗ‌ܝ.

²⁷ܩܠܘܿܒ ܡ̣ܢ ܒܝܼܫܬܵ‌ܐ ܘܥܒ݂ܘܿܕ ܛܵܒ݂ܬܵ‌ܐ، ܘܥܡܘܿܪ ܠܥܵܠܲܡ.

²⁸ܣܵܒܵܒ ܡܵܪܝܵܐ ܟܹܐ ܡܲܚܸܒ ܕܝܼܘܵܢ، ܘܠܹܐ ܫܵܒܹܩ ܠܛܵܒ݂ܘܼ̈ܗ‌ܝ، ܠܥܵܠܲܡ ܟܹܐ ܦܵܝܫܝܼ ܢܛܝܼܪܹܐ، ܐܝܼܢܵܐ ܙܲܪܥܵܐ ܕܪ̈ܲܫܝܼܥܹܐ ܒܸܬ ܦܵܐܹܫ ܩܛܝܼܥܵܐ.

²⁹ܙܲܕܝܼܩܹ̈ܐ ܒܸܬ ܝܵܪܬ‌ܝܼ ܐܲܪܥܵܐ، ܘܒܸܬ ܫܵܪܝܼ ܠܥܵܠܲܡ ܥܲܠܘܼܗ̇.

³⁰ܦܘܼܡܵܐ ܕܙܲܕܝܼܩܵܐ ܟܹܐ ܗܲܓܹܐ ܚܸܟ݂ܡܬܵ‌ܐ، ܘܠܸܫܵܢܹܗ ܟܹܐ ܗܲܡܙܸܡ ܕܝܼܘܵܢ.

³¹ܢܵܡܘܿܣܵܐ ܕܐܲܠܵܗܹܗ ܒܠܸܒܹܗ ܝܠܹܗ، ܠܹܐ ܫܵܥܫܝܼ ܦܵܣܘܿܥܝܵܬܘܼ̈ܗ‌ܝ.

³²ܟܹܐ ܩܲܙܸܕ ܒܝܼܫܵܐ ܠܙܲܕܝܼܩܵܐ، ܘܟܹܐ ܛܵܥܹܐ ܠܡܲܡܝܘܼܬܹܗ.

³³ܐܝܼܢܵܐ ܡܵܪܝܵܐ ܠܹܐ ܫܵܒܹܩ ܠܹܗ ܒܐܝܼܕܹܗ، ܘܠܹܐ ܥܵܒܹܕ ܠܹܗ ܚܲܝܵܒ݂ܵܐ ܐܝܼܡܲܢ ܕܦܵܐܹܫ ܕܝܼܢܵܐ.

³⁴ܣܦܘܿܪ ܠܡܵܪܝܵܐ ܘܢܛܘܿܪ ܐܘܼܪܚܹܗ، ܘܒܸܬ ܡܲܪܸܡ ܠܘܼܟ݂ ܕܝܵܪܬܹܬ ܐܲܪܥܵܐ، ܐܝܼܡܲܢ ܕܦܵܝܫܝܼ ܩܛܝܼܥܹܐ ܪ̈ܲܫܝܼܥܹܐ ܒܸܬ ܚܵܙܹܝܬ.

³⁵ܚܙܹܐ ܠܝܼ ܪܲܫܝܼܥܵܐ ܙܵܠܝܼܡ ܓܲܪܘܘܼܣܘܼܗ̇ ܓܵܢܹܗ ܐܲܝܟ݂ ܐܝܼܠܵܢܵܐ ܩܝܼܢܵܐ ܒܐܲܪܥܹܗ ܟܝܵܢܵܝܬܵ‌ܐ.

³⁶ܘܫܘܼܢܹܐ ܠܹܗ، ܘܗܵܐ ܠܲܝܬ، ܘܛܥܹܐ ܠܝܼ ܒܵܬܪܹܗ، ܐܝܼܢܵܐ ܠܵܐ ܡܫ݇ܟ̰ܝܼܚ ܠܹܗ.

³⁷ܓܲܫܸܩ ܠܬܲܡܝܼܡܵܐ ܘܚܙܝܼ ܠܬܪܘܼܨܵܐ، ܣܵܒܵܒ ܐܝܼܬ ܕܲܥܬܝܼܕ ܩܵܐ ܐܢܵܫܵܐ ܕܫܠܵܡܵܐ.

³⁸ܐܝܼܢܵܐ ܥܵܘܵܠܹ̈ܐ ܒܸܬ ܛܵܠܩܝܼ ܥܲܡ ܚܕܵܕܹ̈ܐ، ܚܲܪܬܵ‌ܐ ܕܪ̈ܲܫܝܼܥܹܐ ܒܸܬ ܦܵܝܫܵܐ ܩܛܝܼܥܬܵ‌ܐ.

³⁹ܘܦܘܼܪܩܵܢܵܐ ܕܙܲܕܝܼܩܹ̈ܐ ܡ̣ܢ ܡܵܪܝܵܐ ܝܠܹܗ، ܗ̇ܘ ܝܼܠܹܗ ܩܲܠܥܵܝܗ‌ܝ ܒܙܲܒ݂ܢܵܐ ܕܥܵܘܩܵܢܵܐ.

⁴⁰ܘܟܹܐ ܗܲܝܸܪܗܘܿܢ ܡܵܪܝܵܐ ܘܟܹܐ ܦܲܨܹܐ ܠܗܘܿܢ، ܟܹܐ ܦܲܨܹܐ ܠܗܘܿܢ ܡ̣ܢ ܪ̈ܲܫܝܼܥܹܐ ܘܟܹܐ ܦܲܪܸܩ ܠܗܘܿܢ، ܣܵܒܵܒ ܟܹܐ ܫܵܩܠܝܼ ܓܵܘܣܵܐ ܒܝܼܹܗ.