5ܚܝܼܪܗܘܿܢ ܐܸܠܹܗ ܘܒܘܼܗܪܸܢܗܘܿܢ، ܘܦܵܬܘܵܬܵܝ̈ܗܝ ܠܹܐ ܦܵܝܫܝܼ ܢܟ݂ܝܼܦܹܐ.
6ܐܵܗܵܐ ܡܸܣܟܹܢܵܐ ܩܪܹܐ ܠܹܗ، ܘܡܵܪܝܵܐ ܫܡܝܼܥ ܠܹܗ، ܘܡ̣ܢ ܟܠܵܝܗܝ ܐܘܼܠܨܵܢܘܼ̈ܗܝ ܦܘܼܪܸܩ ܠܹܗ.
7ܟܹܐ ܡܵܚܹܐ ܡܲܫܪܝܼܬܵܐ ܡܲܠܲܐܟ݂ܵܐ ܕܡܵܪܝܵܐ ܚܵܕܸܪ̈ܘܵܢܹܐ ܕܙܕܝܼܥܘܼ̈ܗܝ، ܘܟܹܐ ܦܲܨܹܐ ܠܗܘܿܢ.
8ܛܥܘܿܡܘܼܢ ܘܚܙܹܝܡܘܼܢ ܕܛܵܒ݂ܵܐ ܝܠܹܗ ܡܵܪܝܵܐ، ܛܘܼܒ݂ܵܐ ܠܐܢܵܫܵܐ ܕܫܵܩܹܠܔ ܓܵܘܣܵܐ ܒܝܼܹܗ.
9ܙܕܹܥܡܘܼܢ ܡ̣ܢ ܡܵܪܝܵܐ، ܝܵܐ ܩܲܕܝܼܫܘܼ̈ܗܝ، ܣܵܒܵܒ ܠܲܝܬ ܚܘܼܣܪܵܢܵܐ ܠܙܕܝܼܥܘܼ̈ܗܝ.
10ܓܘܼܪ̈ܝܹܐ ܕܐܲܪܝܵܐ ܡܘܼܣܟܸܢܗܘܿܢ ܘܟܦܝܼܢܗܘܿܢ، ܐܝܼܢܵܐ ܐܵܢܝܼ ܕܛܵܥܝܼ ܠܡܵܪܝܵܐ ܠܹܐ ܚܵܣܪܝܼ ܟܠܔ ܛܵܒ݂ܬܵܐ.
11ܬܹܝܡܘܼܢ ܒܢܘܿܢܹ̈ܐ، ܫܡܹܥܡܘܼܢ ܐܸܠܝܼ، ܙܕܘܼܥܬܵܐ ܕܡܵܪܝܵܐ ܡܲܠܦܸܢܵܘܟ݂ܘܿܢ.
12ܡܵܢܝܼ ܝܠܹܗ ܐܢܵܫܵܐ ܕܒܵܣܡܝܼ ܠܹܗ ܚܲܝܹ̈ܐ، ܗ̇ܘ ܕܡܲܚܸܒ ܝܵܘܡܵܢܹ̈ܐ ܠܸܚܙܵܝܵܐ ܛܵܒ݂ܬܵܐ؟
13ܢܛܘܿܪ ܠܸܫܵܢܘܼܟ݂ ܡ̣ܢ ܒܝܼܫܬܵܐ، ܘܣܸܦܘܵܬܘܼ̈ܟ݂ ܡ̣ܢ ܗܲܡܙܘܼܡܹܐ ܦܸܠܡܵܐ.
14ܩܠܘܿܒ ܡ̣ܢ ܒܝܼܫܬܵܐ ܘܥܒ݂ܘܿܕ ܛܵܒ݂ܬܵܐ، ܛܥܝܼ ܫܠܵܡܵܐ ܘܢܦܘܿܠܔ ܒܵܬܪܹܗ.
15ܥܲܝ̈ܢܹܐ ܕܡܵܪܝܵܐ ܠܙܲܕܝܼܩܹ̈ܐ ܝܢܵܐ، ܘܢܵܬܝܵܬܘܼ̈ܗܝ ܠܓܥܵܝܬܵܝܗܝ،
16ܦܵܬܵܐ ܕܡܵܪܝܵܐ ܕܲܠܩܘܼܒ݂ܠܔ ܕܥܵܒ݂ܕܵܢܹ̈ܐ ܕܒܝܼܫܬܵܐ ܝܠܵܗ̇، ܠܸܩܛܵܥܵܐ ܡ̣ܢ ܐܲܪܥܵܐ ܕܟ݂ܵܪܵܝܗܝ.
17ܡܘܼܩܘܸܚ ܠܗܘܿܢ ܘܡܵܪܝܵܐ ܫܡܝܼܥ ܠܹܗ، ܘܡ̣ܢ ܟܠܵܝܗܝ ܐܘܼܠܨܵܢܵܝ̈ܗܝ ܦܘܼܨܝܵܝ ܠܹܗ.
18ܩܘܼܪܒܵܐ ܝܠܹܗ ܡܵܪܝܵܐ ܠܬܒ݂ܝܼܪܹ̈ܐ ܕܠܸܒܵܐ، ܘܠܡܲܟܝܼܟܹ̈ܐ ܒܪܘܼܚܵܐ ܟܹܐ ܦܲܪܸܩ.
19ܪܵܒܵܐ ܝܢܵܐ ܥܵܘܩܵܢܹ̈ܐ ܕܙܲܕܝܼܩܵܐ، ܘܡ̣ܢ ܟܠܵܝܗܝ ܟܹܐ ܦܲܨܹܐ ܠܹܗ ܡܵܪܝܵܐ.
20ܟܹܐ ܢܵܛܹܪ ܠܟܠܵܝܗܝ ܓܲܪ̈ܡܘܼܗܝ، ܐܘܼܦ ܚܲܕ ܠܵܐ ܦܝܼܫ ܠܹܗ ܬܒ݂ܝܼܪܵܐ.
21ܒܝܼܫܬܵܐ ܒܸܬ ܡܲܡܝܸܬܵܐ ܠܪܲܫܝܼܥܵܐ، ܘܣܵܢܝܵܢܹ̈ܐ ܕܙܲܕܝܼܩܵܐ ܒܸܬ ܗܵܘܝܼ ܚܲܝܵܒܹ̈ܐ.
22ܟܹܐ ܦܲܪܸܩ ܡܵܪܝܵܐ ܓܵܢܵܐ ܕܪܹ̈ܓܵܘܵܬܘܼܗܝ، ܘܠܹܐ ܗܵܘܝܼ ܚܲܝܵܒܹ̈ܐ ܟܠܵܝܗܝ ܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ.