7ܟܹܐ ܓ̰ܲܡܸܥ ܐܲܝܟ݂ ܩܘܼܚܵܐ ܡ̈ܝܼܵܐ ܕܝܵܡܵܐ، ܟܹܐ ܡܲܬܸܒ݂ ܒܐܲܢܒܵܪܹ̈ܐ ܬܗܘܿܡܹ̈ܐ.
8ܙܵܕܥܵܐ ܡ̣ܢ ܡܵܪܝܵܐ ܟܠܵܗ̇ ܐܲܪܥܵܐ، ܡܸܢܹܗ ܪܲܬܪܸܬܝܼ ܟܠܵܝܗܝ ܥܵܡܪ̈ܵܢܹܐ ܕܒܪܝܼܬܵܐ.
9ܣܵܒܵܒ ܗ̇ܘ ܐܡܝܼܪܹܗ ܘܗܘܹܐ ܠܵܗ̇، ܗ̇ܘ ܦܩܝܼܕ ܠܹܗ ܘܟܠܹܐ ܠܵܗ̇.
10ܡܵܪܝܵܐ ܟܹܐ ܫܵܡܹܛ ܡܸܠܟܵܐ ܕܐܸܡܘܵܬܹ̈ܐ، ܟܹܐ ܒܲܛܸܠܔ ܚܘܼܫܵܒܹ̈ܐ ܕܥܲܡܡܹ̈ܐ.
11ܡܸܠܟܵܐ ܕܡܵܪܝܵܐ ܠܥܵܠܲܡ ܒܸܬ ܟܵܠܹܐ، ܚܘܼܫܵܒܹ̈ܐ ܕܠܸܒܹܗ ܠܕܵܪܵܐ ܘܕܵܪܵܐ.
12ܛܘܼܒ݂ܵܐ ܠܐܘܼܡܬܵܐ ܕܡܵܪܝܵܐ ܝܠܹܗ ܐܲܠܵܗܘܼܗ̇، ܥܲܡܵܐ ܕܓܘܼܒܹܐ ܠܹܗ ܠܝܵܪܬܘܼܬܵܐ ܐܸܠܹܗ،
13ܡ̣ܢ ܫܡܲܝܵܐ ܓܘܼܫܸܩ ܠܹܗ ܡܵܪܝܵܐ، ܚܙܹܐ ܠܹܗ ܠܟܠܵܝܗܝ ܒܢܲܝ̈ܢܵܫܵܐ،
14ܡ̣ܢ ܕܘܼܟܵܐ ܕܝܬܵܒ݂ܬܹܗ ܚܝܼܪܹܗ ܥܲܠܔ ܟܠܵܝܗܝ ܥܵܡܪ̈ܵܢܹܐ ܕܐܲܪܥܵܐ،
15ܓܵܒ݂ܠܵܢܵܐ ܕܠܸܒܵܐ ܕܟܠܵܝܗܝ، ܗ̇ܘ ܕܦܲܪܡܹܐ ܟܠܵܝܗܝ ܥܒ݂ܵܕܵܝ̈ܗܝ.
16ܠܲܝܬ ܡܲܠܟܵܐ ܕܦܝܼܫ ܠܹܗ ܦܘܼܪܩܵܐ ܒܓܘܼܪܘܼܬܵܐ ܕܚܲܝܠܵܘܵܬܹ̈ܐ، ܓܲܒܵܪܵܐ ܠܹܐ ܦܵܐܹܫ ܦܘܼܨܝܵܐ ܒܓܘܼܪܘܼܬܵܐ ܕܚܲܝܠܹܗ.
17ܕܘܼܓܠܵܐ ܝܠܹܗ ܣܘܼܣܵܐ ܩܵܐ ܦܲܪܲܩܬܵܐ، ܘܒܓܘܼܪܘܼܬܵܐ ܕܚܲܝܠܹܗ ܠܹܐ ܡܵܨܹܐ ܚܲܠܸܨ.
18ܗܵܐ، ܥܲܝܢܵܐ ܕܡܵܪܝܵܐ ܠܙܕܝܼܥܘܼ̈ܗܝ ܝܠܵܗ̇، ܠܐܵܢܝܼ ܕܣܵܦܪܝܼ ܠܛܲܝܒܘܼܬܹܗ.
19ܠܦܲܨܘܼܝܹܐ ܡ̣ܢ ܡܵܘܬܵܐ ܓܵܢܵܬܵܝ̈ܗܝ، ܘܠܡܲܚܘܼܝܵܝ ܒܙܲܒ݂ܢܵܐ ܕܟܸܦܢܵܐ.
20ܓܵܢܲܢ ܣܦܝܼܪܵܗ̇ ܠܡܵܪܝܵܐ، ܗܲܝܲܪܬܲܢ ܘܡܵܛܵܠܲܢ ܗ̇ܘ ܝܼܠܹܗ.
21ܣܵܒܵܒ ܒܝܼܹܗ ܒܸܬ ܚܵܕܹܐ ܠܸܒܲܢ، ܣܵܒܵܒ ܒܫܸܡܵܐ ܕܩܘܼܕܫܹܗ ܣܒܝܼܪܲܢ.
ܡܙܡܘܪ̈ܐ 33
ܡܙܡܘܪ̈ܐ 33:7-21