ܡܙܡܘܪ̈ܐ 31:11-24

¹¹ܗܘܹܐ ܠܝܼ ܠܵܘܡܵܐ ܒܥܸܠܬܵ‌ܐ ܕܟܠܵܝܗ‌ܝ ܕܸܫ̃ܡܸܢܝܼ̈، ܘܠܟܸܣ ܫܒ݂ܵܒ݂ܝܼ̈ ܟܠܵܢܵܐܝܼܬ، ܘܗܘܹܐ ܠܝܼ ܙܕܘܼܥܬܵ‌ܐ ܠܝܵܕܥܵܢܝܼ̈، ܚܵܙܝܵܢܝܼ̈ ܒܥܵܠܘܿܠܵܐ ܥܪܝܼܩ ܠܗܘܿܢ ܡܸܢܝܼ.

¹²ܦܝܼܫ ܠܝܼ ܢܸܫܝܵܐ ܡ̣ܢ ܠܸܒܵܐ ܐܲܝܟ݂ ܡܝܼܬܵ‌ܐ، ܗܘܹܐ ܠܝܼ ܐܲܝܟ݂ ܡܵܐܢܵܐ ܡܪܘܼܦܝܵܐ.

¹³ܒܗ̇ܝ ܕܫܡܝܼܥ ܠܝܼ ܒܘܼܚܬܵܢ ܡ̣ܢ ܪܵܒܵܐ، ܐܝܼܬ ܙܕܘܼܥܬܵܐ ܡ̣ܢ ܚܵܕܸܪ̈ܘܵܢܝܼ، ܟܲܕ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ ܥܲܠܝܼ، ܬܘܼܚܡܸܢܗܘܿܢ ܠܸܫܩܵܠܵܐ ܓܵܢܝܼ.

¹⁴ܘܐܵܢܵܐ ܒܝܼܘܼܟ݂ ܣܒܝܼܪܝܼ، ܝܵܐ ܡܵܪܝܵܐ، ܐܡܝܼܪܝܼ: ”ܐܲܠܵܗ‌ܝܼ ܝܘܸܬ ܐܲܢ݇ܬ.“

¹⁵ܒܐܝܼܕܘܼܟ݂ ܝܼܢܵܐ ܚܲܝܝܼ̈، ܦܲܨܝܼ ܠܝܼ ܡ̣ܢ ܐܝܼܕܵܐ ܕܕܸܫ̃ܡܸܢܝܼ̈، ܘܡ̣ܢ ܢܵܦܠܵܢܹ̈ܐ ܕܒܵܬܪܝܼ.

¹⁶ܒܲܗܪܸܢ ܦܵܬܘܼܟ݂ ܥܲܠܔ ܪܹܓܘܼܟ݂، ܦܲܪܸܩ ܠܝܼ ܒܛܲܝܒܘܼܬܘܼܟ݂.

¹⁷ܝܵܐ ܡܵܪܝܵܐ، ܠܵܐ ܫܵܒ݂ܩܹܬ ܢܵܟ݂ܦܹܢ ܒܗ̇ܝ ܕܩܪܹܐ ܠܝܼ ܐܸܠܘܼܟ݂، ܫܒ݂ܘܿܩ ܢܵܟ݂ܦܝܼ ܪ̈ܲܫܝܼܥܹܐ ܘܫܵܬܩܝܼ ܒܫܝܘܿܠܔ.

¹⁸ܦܵܝܫܝܼ ܐܟ̰ܝܼܡܹܐ ܣܸܦܘܵܬܹ̈‌ܐ ܕܲܓܵܠܹ̈ܐ، ܕܒܫܘܼܒ݂ܗܵܪܵܐ ܟܹܐ ܗܲܡܙܸܡܝܼ ܥܲܠܔ ܙܲܕܝܼܩܵܐ، ܒܚܬܝܼܪܘܼܬܵ‌ܐ ܘܡܲܣܠܲܝܬܵ‌ܐ.

¹⁹ܟܡܵܐ ܓܘܼܪܬܵ‌ܐ ܝܠܵܗ̇ ܛܵܒ݂ܬܘܼܟ݂ ܕܚܘܼܡܝܘܼܗ̇ ܝܘܸܬ ܩܵܐ ܙܕܝܼܥܘܼ̈ܟ݂، ܕܗܘܼܕܪܘܼܗ̇ ܝܘܸܬ ܩܲܕܡ ܒܢܲܝ̈ܢܵܫܵܐ ܩܵܐ ܣܵܒܪ̈ܵܢܹܐ ܕܒܝܼܘܼܟ݂.

²⁰ܟܹܐ ܟܲܣܹܝܬ ܠܗܘܿܢ ܒܣܸܬܵܪܵܐ ܕܦܵܬܘܼܟ݂ ܡ̣ܢ ܦܸܬܢܵܐ ܕܐܢܵܫܹ̈ܐ، ܟܹܐ ܛܲܫܹܝܬ ܠܗܘܿܢ ܒܡܛܲܠܠܵܐ ܡ̣ܢ ܡܲܩܪܲܨܬܵ‌ܐ ܕܠܸܫܵܢܹ̈ܐ.

²¹ܒܪܝܼܟ݂ܵܐ ܝܠܹܗ ܡܵܪܝܵܐ، ܣܵܒܵܒ ܥܒ݂ܝܼܕܵܐ ܠܹܗ ܥܓ̰ܝܼܒܬܵ‌ܐ ܛܲܝܒܘܼܬܹܗ ܩܵܬ‌ܝܼ ܒܡܕܝܼܢ݇ܬܵ‌ܐ ܡܗܘܼܨܸܪܬܵ‌ܐ.

²²ܘܐܵܢܵܐ ܐܡܝܼܪܝܼ ܓܵܘ ܬܸܫܘܸܫܬ‌ܝܼ: ”ܦܝܼܫ ܠܝܼ ܩܛܝܼܥܵܐ ܡ̣ܢ ܩܲܕܡ ܥܲܝ̈ܢܘܼܟ݂،“ ܐܝܼܢܵܐ ܫܡܝܼܥ ܠܘܼܟ݂ ܩܵܠܵܐ ܕܦܲܪܦܲܠܬ‌ܝܼ ܐܝܼܡܲܢ ܕܡܘܼܩܘܸܚ ܠܝܼ ܐܸܠܘܼܟ݂.

²³ܡܲܚܸܒܘܼܢ ܠܡܵܪܝܵܐ ܟܠܵܝܗ‌ܝ ܙܲܕܝܼܩܘܼ̈ܗ‌ܝ. ܠܡܗܘܼܡܢܹ̈ܐ ܟܹܐ ܢܵܛܹܪ ܡܵܪܝܵܐ، ܐܝܼܢܵܐ ܡܸܠܝܵܐܝܼܬ ܟܹܐ ܦܵܪܹܥ ܠܚܵܬܪ̈ܵܢܹܐ ܐܲܝܟ݂ ܥܒ݂ܵܕܵܝ̈ܗ‌ܝ.

²⁴ܚܲܠܸܢܘܼܢ ܘܗܵܘܹܐ ܙܲܪܒܵܢܵܐ ܠܸܒܵܘܟ݂ܘܿܢ ܟܠܵܝܗ‌ܝ ܣܵܦܪ̈ܵܢܹܐ ܠܡܵܪܝܵܐ.