ܡܙܡܘܪ̈ܐ 143:6-12

⁶ܦܘܼܫܸܛ ܠܝܼ ܐܝܼܕܵܬ‌ܝܼ̈ ܠܟܸܣܠܘܼܟ݂، ܓܵܢܝܼ ܨܗܝܼܬܵ‌ܐ ܝܠܵܗ̇ ܐܸܠܘܼܟ݂ ܐܲܝܟ݂ ܐܲܪܥܵܐ ܒܪܝܼܙܬܵ‌ܐ. ܣܹܠܵܗ

⁷ܡܲܠܝܸܙ ܓ̰ܲܘܸܒ ܠܝܼ، ܝܵܐ ܡܵܪܝܵܐ، ܬܝܼܡ ܠܵܗ̇ ܪܘܼܚܝܼ، ܠܵܐ ܛܲܫܹܝܬ ܦܵܬܘܼܟ݂ ܡܸܢܝܼ، ܐܸܠܵܐ ܒܸܬ ܗܵܘܹܝܢ ܕܘܼܡܝܵܐ ܠܨܵܠܝܵܢܹ̈ܐ ܕܓܘܼܒܵܐ.

⁸ܡܲܫܡܸܥ ܠܝܼ ܒܨܲܦܪܵܐ ܛܲܝܒܘܼܬܘܼܟ݂، ܣܵܒܵܒ ܒܝܼܘܼܟ݂ ܦܝܼܫ ܠܝܼ ܒܣܲܒ݂ܪܵܐ، ܡܲܕܸܥ ܠܝܼ ܐܘܼܪܚܵܐ ܕܐܵܙܹܠ݇ܢ، ܒܗ̇ܝ ܕܐܸܠܘܼܟ݂ ܡܘܼܪܡܵܐ ܠܝܼ ܓܵܢܝܼ.

⁹ܦܲܨܝܼ ܠܝܼ ܡ̣ܢ ܕܸܫ̃ܡܸܢܝܼ̈، ܝܵܐ ܡܵܪܝܵܐ، ܠܟܸܣܠܘܼܟ݂ ܛܘܼܫܝܘܼܗ̇ ܝܘܸܢ ܓܵܢܝܼ.

¹⁰ܡܲܠܸܦ ܠܝܼ ܠܸܥܒ݂ܵܕܵܐ ܨܸܒ݂ܝܵܢܘܼܟ݂، ܒܗ̇ܝ ܕܐܲܢ݇ܬ ܝܼܘܸܬ ܐܲܠܵܗ‌ܝܼ، ܪܘܼܚܘܼܟ݂ ܛܵܒ݂ܵܐ ܡܗܲܕܹܐ ܠܝܼ ܒܐܲܪܥܵܐ ܬܪܘܼܨܬܵ‌ܐ.

¹¹ܒܘܼܬ ܫܸܡܘܼܟ݂ ܡܲܚܹܝܬ ܠܝܼ، ܝܵܐ ܡܵܪܝܵܐ، ܒܙܲܕܝܼܩܘܼܬܘܼܟ݂ ܦܲܠܛܸܬ ܓܵܢܝܼ ܡ̣ܢ ܐܘܼܠܨܵܢܵܐ.

¹²ܘܒܛܲܝܒܘܼܬܘܼܟ݂ ܡܲܫܬܸܩܸܬ ܠܕܸܫ̃ܡܸܢܝܼ̈، ܘܛܲܠܩܸܬ ܠܟܠܵܝܗ‌ܝ ܡܲܠܝܸܨܵܢܹ̈ܐ ܕܓܵܢܝܼ، ܒܗ̇ܝ ܕܪܹܓܘܼܟ݂ ܝܼܘܸܢ ܐܵܢܵܐ.