ܡܙܡܘܪ̈ܐ 139:16-23

¹⁶ܚܙܹܐ ܠܗܘܿܢ ܥܲܝ̈ܢܘܼܟ݂ ܓܒ݂ܝܼܠܬ‌ܝܼ، ܘܓܵܘ ܟܬܵܒ݂ܘܼܟ݂ ܟܠܵܝܗ‌ܝ ܝܵܘܡܵܢܝܼ̈ ܦܝܼܫ ܠܗܘܿܢ ܟܬܝܼܒܹܐ، ܦܝܼܫ ܠܗܘܿܢ ܪܫܝܼܡܹܐ، ܟܲܕ ܠܲܝܬ ܗܘܵܐ ܐܘܼܦ ܚܲܕ ܡܸܢܵܝܗ‌ܝ.

¹⁷ܘܐܸܠܝܼ ܟܡܵܐ ܡܝܘܼܩܪܹ̈ܐ ܝܢܵܐ ܚܘܼܫܵܒ݂ܘܼ̈ܟ݂، ܝܵܐ ܐܲܠܵܗܵܐ، ܟܡܵܐ ܪܵܒܵܐ ܝܢܵܐ ܡܸܢܝܵܢܵܝ̈ܗ‌ܝ.

¹⁸ܐܸܢ ܡܵܢܹܢܗܘܿܢ ܒܘܼܫ ܒܸܬ ܙܵܝܕܝܼ ܡ̣ܢ ܣܹܠܵܐ، ܟܹܐ ܪܵܥܫܹܢ ܘܗܸܫ ܐܵܢܵܐ ܥܲܡܘܼܟ݂ ܝܼܘܸܢ.

¹⁹ܛܘܼܒ݂ܵܐ ܕܩܵܛܠܹܬ ܠܪ̈ܲܫܝܼܥܹܐ، ܝܵܐ ܐܲܠܵܗܵܐ، ܪܚܘܿܩܘܼܢ ܡܸܢܝܼ، ܝܵܐ ܫܲܦܟ݂ܵܢܹ̈ܐ ܕܕܸܡܹ̈ܐ.

²⁰ܟܹܐ ܗܲܡܙܸܡܝܼ ܒܘܼܬ ܕܝܼܘܼܟ݂ ܒܥܵܘܠܵܐ، ܕܸܫ̃ܡܸܢܘܼ̈ܟ݂ ܟܹܐ ܫܵܩܠܝܼ ܫܸܡܘܼܟ݂ ܒܣܪܝܼܩܘܼܬܵ‌ܐ.

²¹ܗܵܐ، ܠܹܐ ܣܵܢܹܝܢ ܠܣܵܢܝܵܢܘܼ̈ܟ݂، ܝܵܐ ܡܵܪܝܵܐ، ܘܠܹܐ ܓܲܢܓܸܙܸܢ ܡ̣ܢ ܩܵܝܡܵܢܹ̈ܐ ܕܕܲܠܩܘܼܒ݂ܠܘܼܟ݂؟

²²ܣܢܵܝܬܵ‌ܐ ܓܡܝܼܪܬܵ‌ܐ ܟܹܐ ܣܵܢܹܢܗܘܿܢ، ܗܘܹܐ ܠܗܘܿܢ ܐܸܠܝܼ ܕܸܫ̃ܡܸܢܹ̈ܐ.

²³ܨܲܚܨܝܼ ܠܝܼ، ܝܵܐ ܐܲܠܵܗܵܐ، ܘܝܕܹܥ ܠܸܒܝܼ، ܬܲܦ̮ܬܸܫ ܠܝܼ ܘܝܕܹܥ ܚܲܡܝܼ̈.