ܡܙܡܘܪ̈ܐ 139:12-17

¹²ܐܘܼܦ ܚܸܫܟܵܐ ܠܹܐ ܝܠܹܗ ܚܸܫܟܵܢܵܐ ܐܸܠܘܼܟ݂، ܘܠܲܝܠܹܐ ܐܲܝܟ݂ ܐܝܼܡܵܡܵܐ ܟܹܐ ܒܲܗܪܸܢ، ܐܲܝܟ݂ ܚܸܫܟܵܐ، ܗܵܕܟ݂ܵܐ ܒܲܗܪܵܐ.

¹³ܒܗ̇ܝ ܕܐܲܢ݇ܬ ܒܪܹܐ ܠܘܼܟ݂ ܠܪܸܥܝܵܢܝܼ، ܩܵܡ ܙܵܩܪܹܬ ܠܝܼ ܒܒܲܛܢܵܐ ܕܝܸܡܝܼ.

¹⁴ܒܸܬ ܫܲܟܪܸܢܘܼܟ݂ ܒܗ̇ܝ ܕܣܲܗܡܵܢܵܐ ܘܥܓ̰ܝܼܒܵܐ ܦܝܼܫ ܠܝܼ ܥܒ݂ܝܼܕܵܐ، ܥܓ̰ܝܼܒܹ̈ܐ ܝܢܵܐ ܦܘܼܠܚܵܢܘܼ̈ܟ݂، ܘܓܵܢܝܼ ܨܦܵܝܝܼ ܟܹܐ ܝܵܕܥܵܐ.

¹⁵ܠܵܐ ܦܝܼܫ ܠܗܘܿܢ ܛܸܫܝܹܐ ܓܲܪ̈ܡܝܼ ܡܸܢܘܼܟ݂، ܟܲܕ ܦܝܼܫ ܠܝܼ ܥܒ݂ܝܼܕܵܐ ܒܣܸܬܵܪܵܐ، ܦܝܼܫ ܠܝܼ ܙܩܝܼܪܵܐ ܓܵܘ ܬܲܚ̈ܬܵܝܵܬܹ‌ܐ ܕܐܲܪܥܵܐ.

¹⁶ܚܙܹܐ ܠܗܘܿܢ ܥܲܝ̈ܢܘܼܟ݂ ܓܒ݂ܝܼܠܬ‌ܝܼ، ܘܓܵܘ ܟܬܵܒ݂ܘܼܟ݂ ܟܠܵܝܗ‌ܝ ܝܵܘܡܵܢܝܼ̈ ܦܝܼܫ ܠܗܘܿܢ ܟܬܝܼܒܹܐ، ܦܝܼܫ ܠܗܘܿܢ ܪܫܝܼܡܹܐ، ܟܲܕ ܠܲܝܬ ܗܘܵܐ ܐܘܼܦ ܚܲܕ ܡܸܢܵܝܗ‌ܝ.

¹⁷ܘܐܸܠܝܼ ܟܡܵܐ ܡܝܘܼܩܪܹ̈ܐ ܝܢܵܐ ܚܘܼܫܵܒ݂ܘܼ̈ܟ݂، ܝܵܐ ܐܲܠܵܗܵܐ، ܟܡܵܐ ܪܵܒܵܐ ܝܢܵܐ ܡܸܢܝܵܢܵܝ̈ܗ‌ܝ.