40ܗܵܐ، ܪܘܼܚܪܸܚ ܠܝܼ ܠܦܘܼܩܵܕܘܼ̈ܟ݂، ܒܙܲܕܝܼܩܘܼܬܘܼܟ݂ ܡܲܚܝܼ ܠܝܼ.
41ܘܐܵܬܝܵܐ ܥܲܠܝܼ ܛܲܝܒܘܼܬܘܼܟ݂، ܝܵܐ ܡܵܪܝܵܐ، ܘܦܘܼܪܩܵܢܘܼܟ݂، ܐܲܝܟ݂ ܩܵܘܠܘܼܟ݂،
42ܗܵܕܟ݂ܵܐ ܕܝܵܗܒܹܢ ܓ̰ܘܼܘܵܒ ܠܠܵܝܡܵܢܝܼ، ܒܗ̇ܝ ܕܣܒܝܼܪܝܼ ܒܚܲܒܪܘܼܟ݂.
43ܘܠܵܐ ܫܵܩܠܹܬ ܡ̣ܢ ܦܘܼܡܝܼ ܗܹܡܸܙܡܵܢ ܕܫܪܵܪܵܐ، ܣܵܒܵܒ ܠܕܝܼܘܵܢܘܼ̈ܟ݂ ܣܦܝܼܪܝܼ،
44ܘܒܸܬ ܢܵܛܪܹܢ ܢܵܡܘܿܣܘܼܟ݂ ܐܲܡܝܼܢܵܐܝܼܬ، ܠܥܵܠܲܡ ܥܵܠܡܝܼܢ،
45ܘܒܸܬ ܚܵܕܪܹܢ ܒܪܘܵܚܵܢܝܼ، ܒܗ̇ܝ ܕܠܦܘܼܩܵܕܘܼ̈ܟ݂ ܛܥܹܐ ܠܝܼ،
46ܘܒܸܬ ܗܲܡܙܸܡܸܢ ܒܘܼܬ ܣܵܗܕܘܵܬܘܼ̈ܟ݂ ܩܲܕܡ ܡܲܠܟܹ̈ܐ، ܘܠܹܐ ܢܵܟ݂ܦܹܢ.
47ܘܒܸܬ ܩܲܒܠܸܢ ܒܘܼܣܵܡܵܐ ܒܦܘܼܩܕܵܢܘܼ̈ܟ݂ ܕܡܘܼܚܸܒܵܝ ܠܝܼ،
48ܘܒܸܬ ܡܲܪܡܸܢ ܐܝܼܕܵܬܝܼ̈ ܠܦܘܼܩܕܵܢܘܼ̈ܟ݂ ܕܡܘܼܚܸܒܵܝ ܠܝܼ، ܘܒܸܬ ܗܲܓܹܝܢ ܩܵܢܘܿܢܘܼ̈ܟ݂.
49ܕܟ݂ܘܿܪܹܗ ܚܲܒܪܘܼܟ݂ ܠܪܹܓܘܼܟ݂، ܗ̇ܘ ܕܒܝܼܹܗ ܩܵܡ ܥܵܒ݂ܕܹܬ ܕܣܵܒܪܹܢ.
50ܐܵܗܵܐ ܝܠܵܗ̇ ܝܵܗܒ݂ܵܠܬܵܐ ܕܠܸܒܵܐ ܐܸܠܝܼ ܓܵܘ ܐܘܼܠܨܵܢܝܼ، ܣܵܒܵܒ ܗܹܡܸܙܡܵܢܘܼܟ݂ ܩܵܡ ܡܲܚܝܼܵܐ ܠܝܼ.
51ܚܵܬܪ̈ܵܢܹܐ ܡܘܼܣܚܸܪܗܘܿܢ ܟ̰ܸܡ ܪܵܒܵܐ ܒܝܼܝܼ، ܘܡ̣ܢ ܢܵܡܘܿܣܘܼܟ݂ ܠܵܐ ܩܠܝܼܒ ܠܝܼ.
52ܕܟ݂ܝܼܪܝܼ ܕܝܼܘܵܢܘܼ̈ܟ݂ ܡ̣ܢ ܥܵܠܲܡ، ܝܵܐ ܡܵܪܝܵܐ، ܘܦܝܼܫ ܠܝܼ ܝܘܼܗܒ݂ܵܐ ܠܸܒܵܐ.
53ܚܸܡܬܵܐ ܩܵܡ ܕܵܒ݂ܩܵܐ ܠܝܼ ܡ̣ܢ ܥܸܠܬܵܐ ܕܪ̈ܲܫܝܼܥܹܐ ܫܵܒ݂ܩܵܢܹ̈ܐ ܕܢܵܡܘܿܣܘܼܟ݂.
ܡܙܡܘܪ̈ܐ 119
ܡܙܡܘܪ̈ܐ 119:40-53