يَكِ 4

1

2

3

4

5

¹وٌ سْنشْمَ، وٌ فٍرٍ مَ. نَ رَكٍلِمَ مُن مَ؟ عَ مُ كٍلِمَ وٌ وَشْنقٍ كٌبِيٍ شَ مَ نَشٍيٍ عٍ بٌورٍ فٍرٍ مَ وٌ بْحّ كُي؟

²وٌ وَ مَ سٍ ندٍ شْن، كْنْ وٌ مُ عَ سْتْمَ. وٌ قَشّ تِمَ، وٌ مِلَ وٌ بٌورٍ شَ سٍ مَ، كْنْ وٌ مُ نْمَ وٌ وَشْنقٍ سْتْدٍ. وٌ سْنشْمَ، وٌ فٍرٍ مَ، كْنْ نَ بِرِن، وٌ مُ سٍسٍ سْتْمَ بَرِ مَ وٌ مُ عَلَ مَشَندِ مَ.

³وٌ نَ عَلَ مَشَندِ قَن، وٌ مَن مُ سٍسٍ سْتْمَ، بَرِ مَ وٌ شَ مَشَندِ مُ قَن. وٌ مَشَندِ تِمَ عَلَكٌ وٌ نَ نَشَن يٌ سْتْ وٌ شَ عَ رَوَلِ وٌ وَشْنقٍ كٌبِيٍ كُي.

⁴وٌ تَن دَنشَنِيَتَرٍيٍ، وٌ مُ عَ كٌلٌن نَشَن دُنِحَ مَشَنُمَ نَ بَرَ عَلَ قِندِ عَ يَشُي رَ؟ دُنِحَ شَنُنتٍنيِ قِندِشِ مِشِ نَن نَ نَشَن عَلَ شْنشِ.

⁵وٌ مُ عَلَ شَ كِتَابُي شَ مَسٍنيِ كٌلٌن؟ عَلَ وَ مَ نّ وٌن شَشِلِ، عَ بَرَ نَشَن قِ وٌن مَ، عَ شَ بِرَ عَ تَن كٍرٍن نَن قْشْ رَ.

⁶كْنْ نَ بِرِن كُي، عَلَ شَ هِننّ فبٌ دَنفِ قٍ بِرِن نَ. كِتَابُي عَ مَسٍنمَ، «عَلَ مُ تِنمَ يّتّ عِفبٌي رَ، كْنْ عَ هِننّمَ يّتّ مَفٌرٍ رَ.»

⁷نَ كُي، وٌ شَ وٌ يّتّ مَفٌرٌ عَلَ بّ. وٌ تٌندِ عِبُلِسَ بّ، عَ قَن عَ فِمَ نّ وٌ يَ رَ.

⁸وٌ وٌ مَسٌ عَلَ رَ، عَ قَن عَ مَسٌمَ نّ وٌ رَ. يُنُبِتْييٍ، وٌ وٌ يّتّ رَ سّنِيّن. قِلَنكَقُييٍ، وٌ وٌ بْحّ رَقِيشّ.

⁹وٌ وَ، وٌ سُننُن، وٌ نِمِسَ. وٌ شَ يٍلٍ شَ قِندِ وٌ بّ وَ رَ، وٌ شَ سّيوّ شَ قِندِ سُننُنيِ رَ.

¹⁰وٌ وٌ مَفٌرٌ مَرِفِ بّ، عَ قَن وٌ شَ قٍ عِتٍمَ نّ.

¹¹ﭑ نفَشَكٍرٍنيِيٍ، وٌ نَشَ قٍ كٌبِ قَلَ وٌ بٌرٍ شَ قٍ رَ. مِشِ نَشَن قٍ كٌبِ قَلَمَ عَ نفَشَكٍرٍنيِ شَ قٍ رَ، عَ عَ يّتّ رَقِسَ عَ بّ، نَ كَنيِ بَرَ عَلَ شَ سّرِيّ مَتَندِ. عَ عَ يّتّ رَقِسَشِ عَلَ شَ سّرِيّ نَن بّ نَ كِ. شَ عِ بَرَ نَ رَبَ، عِ مُ نَ عَلَ شَ سّرِيّ رَبَتُقٍ شّ، عِ نَ عَ مَتَندِقٍ نّ.

¹²سّرِيّسَ كٍرٍن ثٍتِ نَ عَ رَ، كِيتِسَ قَن كٍرٍن ثٍتِ نَ عَ رَ. عَ تَن نَن نْمَ مِشِ رَكِسِدٍ، عَ تَن نَن نْمَ مِشِ رَلْيدٍ. كْنْ عِ تَن، ندٍ نَ عِ رَ، عِ تٌ عِ يّتّ قِندِشِ عِ بٌورٍ مَكِيتِمَ رَ؟

¹³وٌ وٌ تُلِ مَتِ، وٌ تَن نَشٍيٍ عَ قَلَمَ، «تٌ، شَ نَ مُ تِنَ، مُشُ سِفَمَ نّ تَا ندٍ، مُشُ حّ كٍرٍن تِ نَ يُلّيَ رَبَ كُي، مُشُ فٍينِ سْتْ.»

¹⁴وٌ نَ قٍ مْولِ قَلَمَ كْنْ وٌ حَن مُ عَ كٌلٌن نَشَن قَمَ رَبَدٍ تِنَ. وٌ شَ دُنِحّءِفِرِ قِندِشِ مُنسٍ رَ؟ وٌ لُشِ نّ عَلْ وُيّنفَ نَشَن تٌمَ دٌندٌرٌنتِ، عَ قَ لْي.

¹⁵عَ لَنمَ نّ وٌ شَ يِ نَن قَلَ، «شَ عَلَ تِن، مُشُ تِنَ تٌمَ نّ، مُشُ يِ نُن يِ رَبَ.»

¹⁶كْنْ يّتّ عِفبٌي نَن نَ وٌ رَ. نَ مُ قَن.

¹⁷نَ كُي، شَ مِشِ قٍ قَنيِ كٌلٌن عَ لَنمَ عَ شَ نَشَن نَبَ كْنْ عَ مُ عَ رَبَمَ، نَ بَرَ قِندِ نَ كَنيِ بّ يُنُبِ رَ.