يَكِ 3

1

2

3

4

5

¹ﭑ نفَشَكٍرٍنيِيٍ، عَ مُ لَنمَ مِشِ وُيَشِ شَ قِندِ كَرَ مْشْ رَ وٌ يَ مَ، بَرِ مَ كَرَ مْشْيٍ قَمَ مَكِيتِدٍ نّ عَ شْرْشْي رَ دَنفِ مِشِ فبّتّيٍ رَ.

²وٌن بِرِن تَنتَنمَ قٍ وُيَشِ مَ. شَ مِشِ ندٍ مُ تَنتَنمَ عَ شَ وْيّنيِ كُي، عَ مُ تَنتَنمَ دّدّ. نَ كَنيِ نْمَ عَ يّتّ بِرِن سُشُدٍ تِنشِنيِ كُي.

³مِشِ نَ وَ سٌي شَ عَ وَشْنقٍ رَبَ، عَ كَرَقٌي نَن نَسٌمَ عَ دّ عِ. نَ نَن نْمَ عَ قَتٍ بِرِن نَحّرٍدٍ.

⁴كُنكُي قَن نَ نَ كِ نّ. هَلِ كُنكُي بٍلٍبٍلٍ، قٌيٍ شُنفبٍ نَشَن تُتُنمَ، مِشِ عَ رَحّرّ مَ قٍيَ شُرُدِ نَن نَ، عَ عَ رَفِ عَ نَ وَ سِفَقٍ دّننَشّ.

⁵نّنيِ قَن شُرُن، كْنْ عَ قٍ عِفبٌمَ. وٌ عَ مَتٌ، تّ دٌندٌرٌنتِ دِ نْمَ وٌندِ بٍلٍبٍلٍ فَندٍ.

⁶تّ نَن نَ نّنيِ قَن نَ، نَشَن قِندِشِ دُنِحَ قٍ كٌبِ رَ. قَتٍ بِرِن نْشْمَ قٍ حَاشِ رَ عَ شَ وَلِ سَابُي نَن نَ. مِشِ نّنيِ نْمَ تّ سٌدٍ عَ شَ دُنِحّءِفِرِ بِرِن نَ، بَرِ مَ تّ نَن نَ نّنيِ رَ، تّ نَشَن كٍلِمَ يَهَننَمَ.

⁷عَدَ مَدِ نْمَ دَالِسٍ مْولِ بِرِن شُرُدٍ. سُبٍ شَاحّيٍ، شْنِيٍ، بُبُسٍيٍ، نُن بَا مَ يّشّيٍ، عَدَ مَدِ بَرَ عٍ بِرِن شُرُ،

⁸كْنْ مِشِ يٌ مُ نْمَ عَدَ مَدِ نّنيِ شُرُدٍ. شْنّ نَ عَ رَ نَشَن مَ لِنتَنيِ مُ دَنمَ، نَشَن شَ كَسَرّ مُ حْنمَ.

⁹وٌن وٌن بَبَ، وٌن مَرِفِ، بَتُمَ نّنيِ كٍرٍنيِ نَشَن نَ، وٌن مَن عَدَ مَدِ دَنكَمَ عَ تَن نَن نَ، عَلَ نَشَن دَاشِ عَ يّتّ مِسَالِ رَ.

¹⁰ﭑ نفَشَكٍرٍنيِيٍ، دُبّ نُن دَنكّ مِنِقٍ دّ كٍرٍن نَ، عَ مُ قَن.

¹¹يٍ شْنّ نُن يٍ بّشِ نْمَ مِنِدٍ دُلٌنيِ كٍرٍن نَ؟

¹²ﭑ نفَشَكٍرٍنيِيٍ، شْرّ بِلِ نْمَ تُفِ بٌفِ رَ مِنِدٍ؟ مَنفٌي بِلِ نْمَ شْرّ بٌفِ رَ مِنِدٍ؟ قْشّ يٍ مِنِمَ دُلٌنيِ نَشَن نَ، يٍ بّشِ مُ مِنِمَ مّننِ رَ.

¹³ندٍ قِندِشِ قَهَامُلَ نُن شَشِلِمَ رَ وٌ يَ مَ؟ عَ شَ نَ مَسٍن عَ حّرّ كِ قَنيِ نُن عَ شَ كّوَلِيٍ رَ، عَ نَشٍيٍ رَبَمَ بْحّ بّشِ كُي، نَشَن قَتَنشِ قَهَامُي رَ.

¹⁴شَ تْونّ حَاشِ نُن مِلّ نَ وٌ بْحّ كُي، وٌ نَشَ وٌ يّتّ عِفبٌ نَ قٍيٍ كُي، وٌ نَشَ نْندِ مَسَرَ وُلٍ رَ.

¹⁵نَ شَشِلِ مْولِ مُ كٍلِشِ كٌورٍ شّ. عَ كٍلِشِ دُنِحَ نّ، عَلَ كٌلٌنتَرٍيَ، نُن عِبُلِسَ مَ.

¹⁶تْونّ نُن مِلّ نَ دّننَشّ، يَ عِسٌي نُن قٍ كٌبِ مْولِ بِرِن تٌمَ نَ نّ.

¹⁷كْنْ قَهَامُي نَشَن كٍلِشِ كٌورٍ مَ، عَ سّنِيّن، عَ مِشِ بْحّ سَمَ، عَ دِحّمَ، عَ كِنِكِنِمَ، عَ كّوَلِ قَنيِ رَ مِنِمَ، عَ مُ مِشِ رَقِسَمَ عَ بٌورٍ بّ، عَ مُ قِلَنكَقُيحَ رَبَمَ.

¹⁸مَالٍ بٌفِ مِنِمَ عَ فَرَنسَنمَ بّ كِ نَشّ، تِنشِنيِ قَن مِنِمَ مِشِ بّ نَ كِ نّ نَشَن بِرَ مَ لَنيِ نُن بْحّسَ قْشْ رَ.