لٍوِ سّرّشّدُبّ 5:2-10

²شَ مِشِ دِن سٍ سّنِيّنتَرٍ رَ عَ مُ عَ كٌلٌن، عَلْ سُبٍ رَهَرَ مُشِ بِنبِ، شَ نَ مُ عَ رَ شُرُ سٍ سّنِيّنتَرٍ بِنبِ، شَ نَ مُ عَ رَ بُبُسٍ سّنِيّنتَرٍ بِنبِ، نَ مِشِ قَن قِندِ مَ نّ مِشِ سّنِيّنتَرٍ رَ، عَ يُنُبِ سْتْ نَ كُي.

³شَ مِشِ ندٍ سَ دِن سٍ سّنِيّنتَرٍ رَ نَشَن كٍلِشِ عَدَ مَدِ قَتٍ مَ، عَ قَ لِ عَ مُ عَ كٌلٌن نَ تّمُي، شَ عَ سَ عَ كٌلٌن تّمُي نَشّ، عَ قِندِ مَ سّنِيّنتَرٍ رَ، عَ يُنُبِ سْتْمَ نَ كُي.

⁴شَ مِشِ ندٍ سَ عَ كَلِ قُقَقُ، قٍ قَنيِ شَ نَ مُ عَ رَ قٍ حَاشِ رَ، عَ قَ نّيمُ نَ مَ، عَ نَ رَتُ نَ قٍ مَ تّمُي نَشّ، عَ قِندِ مَ سّنِيّنتَرٍ رَ، عَ يُنُبِ سْتْ نَ كُي.»

⁵«نَشَن نَ يُنُبِ مْولِ رَبَمَ، عَ لَنمَ عَ شَ عَ تِ نَ رَ.

⁶عَ شَ يّشّي فِنّ، شَ نَ مُ عَ رَ سِ فِنّ بَ يّتّ رَفبِلٍن سّرّشّ رَ ﭑ تَن عَلَتَلَ بّ. نَ كُي سّرّشّدُبّ يُنُبِ شَقَرِ سّرّشّ بَمَ عَ بّ، عَلَكٌ عَ شَ يُنُبِ شَ شَقَرِ.»

⁷«شَ قّيرّ مُ نَ عَ يِ رَ نَ سّرّشّ شَ قٍ رَ، عَ شَ كٌلٌكٌندٍ قِرِن شَ نَ مُ عَ رَ فَنبّ قِرِن بَ سّرّشّ رَ ﭑ تَن عَلَتَلَ بّ. كٍرٍن شَ قِندِ يُنُبِ شَقَرِ سّرّشّ رَ، بٌورٍ شَ قِندِ سّرّشّ فَن دَاشِ رَ.

⁸عَ شَ عٍ شَنِن سّرّشّدُبّ شْن، سّرّشّدُبّ شَ يُنُبِ شَقَرِ سّرّشّ نَن سِنفٍ بَ. عَ شَ عَ كْنيِ فِرَ، كْنْ عَ نَشَ عَ شُنيِ بَ عَ دّ عِ.

⁹عَ عَ وُلِ ندٍ كَسَنمَ سّرّشّبَدٍ سّيتِ مَ، وُلِ نَشَن لُشِ، عَ نَ عِقِلِمَ سّرّشّبَدٍ لَنبَنيِ. يُنُبِ شَقَرِ سّرّشّ نَ عَ رَ.

¹⁰سّرّشّدُبّ شَ نَ شْنِ قِرِن ندٍ بَ سّرّشّ فَن دَاشِ رَ عَ رَبَ كِ مَ. نَ كُي، سّرّشّدُبّ شُنسَرٍ سّرّشّ بَمَ عَ بّ عَ شَ يُنُبِ رَبَشِ شَ قٍ رَ، عَلَكٌ عَ شَ شَقَرِ.»