لٍوِ سّرّشّدُبّ 27:10-16

¹⁰شُرُ سٍ فبّتّ مُ قِمَ عَ مَسَرٍ رَ، عَ قَن بَ، عَ مُ قَن بَ. شَ وٌ نَ رَبَمَ، عٍ قِرِنيِ بَرَ قِندِ سٍ سّنِيّنشِ رَ.

¹¹شَ سُبٍ رَهَرَ مُشِ نَ عَ رَ، نَشَن مُ بَمَ سّرّشّ رَ ﭑ تَن عَلَتَلَ بّ، عَ شَ شَنِن سّرّشّدُبّ شْن.

¹²سّرّشّدُبّ شَ شُنسَرٍ ندٍ قَلَ سُبٍ كّحَ مَ. نَ شَ قِندِ عَ سَرٍ رَ.

¹³شَ عَ كَنيِ وَ مَ نَ سُبٍ شُن سَرَقٍ، عَ شَ نَ سَرٍ قِ، عَ مَن شَ كْبِرِ ندٍ سَ نَ قَرِ. نَ قِندِ مَ كْبِرِ نَشَن نَ، عَ نَ سٍ سَرٍ نَن عِتَشُنمَ دْشْ سُولِ رَ، عَ قَ دْشْ كٍرٍن بَ عَ رَ، عَ نَ قِ شُنسَرٍ رَ.»

¹⁴«شَ مِشِ ندٍ عَ شَ بَنشِ قِ ﭑ تَن عَلَتَلَ مَ، سّرّشّدُبّ شَ نَ سَرٍ قَلَ بَنشِ كّحَ مَ. نَ شَ قِندِ عَ سَرٍ رَ.

¹⁵شَ عَ كَنيِ وَ مَ عَ شُن سَرَقٍ، عَ شَ نَ سَرٍ قِ، عَ مَن شَ كْبِرِ ندٍ سَ نَ قَرِ. نَ قِندِ مَ كْبِرِ نَشَن نَ، عَ نَ بَنشِ سَرٍ نَن عِتَشُنمَ دْشْ سُولِ رَ، عَ قَ دْشْ كٍرٍن بَ عَ رَ، عَ نَ قِ شُنسَرٍ رَ. نَ تّمُي بَنشِ شَ فبِلٍن عَ كَنيِ مَ.»

¹⁶«شَ مِشِ ندٍ عَ شَ شّ قِ ﭑ تَن عَلَتَلَ مَ، عَ سَرٍ قَتَنمَ سَنسِ شْرِ شَسَبِ نَن نَ نَشَن نْمَ فَرَنسَندٍ نَا. فبٍتِ كٌلٍ تٌنفٌ سُولِ شَ قِ قُندٍنيِ مَنِيّ بُسَلِ نَانِ شَسَبِ رَ.