لٍوِ سّرّشّدُبّ 26:34-45

³⁴«نَ وَشَتِ بُن مَ وٌ شَ بْشِ مَلَبُمَ نّ. وٌ نَ وٌ يَشُييٍ يِرٍ تّمُي نَشّ، وٌ شَ بْشِ قَنمَ نّ مَلَبُي سَابُي رَ.

³⁵وٌ شَ بْشِ مَلَبُي سْتْمَ نَ وَشَتِ نَن كُي عَ مُ نَشَن سْتْ وٌ نُ نَ مّننِ تّمُي نَشّ.

³⁶نَشٍيٍ مُ قَشَمَ نَ فٍرٍيٍ كُي، نٍيٍ لُمَ نّ فَاشُي كُي عٍ يَشُييٍ يِرٍ، هَلِ وُرِ بُرّشّ نَن دِن عٍ رَ، قٌ عٍ عٍ فِ. عٍ عٍ فِمَ نّ، عٍ بِرَ هَلِ سَنتِدّفّمَ كَنيِ يٌ مُ نَ عٍ قْشْ رَ.

³⁷عٍ بِرَ مَ نّ عٍ بٌورٍ قَرِ، عَلْ سَنتِدّفّمَ كَنيِ نَن عٍ قْشْ رَ، عَ قَ لِ مِشِ يٌ مُ نَ عٍ قْشْ رَ. وٌ مُ نْمَ تِدٍ وٌ يَشُييٍ يَ رَ.

³⁸وٌ سْنتْمَ نّ سِ فبّتّيٍ تَفِ، وٌ يَشُييٍ نْمَ نّ وٌ رَ.

³⁹نَشٍيٍ مُ قَشَمَ فٍرٍ كُي وٌ يَ مَ، نٍيٍ قَمَ نّ قَشَدٍ عٍ يَشُييٍ شَ بْشِ مَ عٍ شَ يُنُبِيٍ نُن عٍ بٍنبَيٍ شَ يُنُبِيٍ شَ قٍ رَ.»

⁴⁰«عٍ قَمَ عٍ شَ يُنُبِيٍ نُن عٍ بٍنبَيٍ شَ يُنُبِيٍ مَسٍندٍ ﭑ بّ، عَ نُن عٍ نَشَن نَبَشِ ﭑ نَ مَتَندِ كُي.

⁴¹ﭑ قَن عٍ تْورْ مَ نّ عٍ يَشُييٍ شَ بْشِ كُي، عَلَكٌ مِشِ نَشٍيٍ عٍ يّتّ قِشِ ﭑ مَ، عٍ شَ مَفٌرٌ. عٍ شَ عٍ شَ يُنُبِيٍ سَرٍ قِ.

⁴²نَ تّمُي ﭑ نَن ﭑ حْشْ سَمَ نّ ﭑ مَ سَاتّ شْن مَ نَشَن نَ ﭑ تَن، نُن يَشُبَ، عِسِيَفَ، نُن عِبُرَهِمَ تَفِ. ﭑ مُ نّيمُمَ نَ بْشِ مَ.

⁴³بْشِ قَمَ نّ مَلَبُدٍ نَ تّمُي، بَرِ مَ عِسِرَيِلَكَيٍ بَرَ سِفَ ثٌن عٍ شَ يُنُبِ سَرٍ قِدٍ. عٍ بَرَ ﭑ مَ سّرِيّ بّحِن، عٍ بَرَ يٌ ﭑ مَ يَامَرِيٍ مَ.»

⁴⁴«كْنْ، ﭑ نَ عٍ كٍرِ سِفَقٍ رَ عٍ يَشُييٍ يِرٍ تّمُي نَشّ، ﭑ مُ عٍ رَبّحِنمَ هَن عٍ شَ سْنتْ. ﭑ مُ ﭑ مَ سَاتّ كَنَمَ عٍ تَن مَ قٍ رَ، بَرِ مَ عَلَتَلَ نَن ﭑ نَ، عٍ مَرِفِ عَلَ.

⁴⁵ﭑ نَن ﭑ حْشْ سَمَ نّ ﭑ مَ سَاتّ سِنفٍ شْن مَ، ﭑ عٍ رَ مِنِ مِسِرَ بْشِ رَ سِيٍ يَ شْرِ تّمُي نَشّ، عَلَكٌ ﭑ شَ قِندِ عٍ مَرِفِ عَلَ رَ. عَلَتَلَ نَن ﭑ نَ.»