لٍوِ سّرّشّدُبّ 26:22-29

²²ﭑ بُرُنيِ سُبٍيٍ رَقَمَ نّ وٌ شِلِ مَ. عٍ وٌ شَ دِيٍ قَشَمَ نّ، عٍ وٌ شَ شُرُ سٍيٍ عِبْو، عٍ وٌ سْنتْ هَن مِشِ حْن كِرَيٍ شْن مَ.»

²³«نَ بِرِن نَبَ شَنبِ وٌ رَ، شَ وٌ مُ تِن ﭑ مَ سّرِيّ رَ، شَ وٌ لُ ﭑ مَتَندِ رَ،

²⁴ﭑ قٍ شْرْشْي رَقَمَ نّ وٌ مَ، ﭑ وٌ حَشَنكَتَ هَن سَنمَيَ سٌلٌقٍرٍ وٌ شَ يُنُبِيٍ شَ قٍ رَ.

²⁵ﭑ فٍرٍ رَكٍلِمَ نّ وٌ مَ ﭑ مَ سَاتّ كَنَشِ شَ قٍ رَ. وٌ نَ وٌ نْشُن وٌ شَ تَا مَكَنتَشِيٍ كُي، ﭑ وٌ رَقُرَ مَ نّ قُرٍ حَاشِ رَ، وٌ قَ لُ وٌ يَشُييٍ سَفٌي.

²⁶ﭑ كَامّ رَدِنمَ وٌ مَ تّمُي نَشّ، فِنّ قُ تَامِ فَنمَ نّ تَامِ فَنسٍ كٍرٍن كُي. عٍ نَ عِتَشُن عَ شُنشُرِ رَ، عٍ عَ شَنِن وٌ شْن مَ وٌ عَ دٌن، كْنْ عَ مُ وٌ وَ سَمَ.»

²⁷«نَ بِرِن نَبَ شَنبِ وٌ رَ، شَ وٌ مُ وٌ تُلِ مَتِ ﭑ نَ، شَ وٌ تٌندِ ﭑ وَشْنقٍ سُشُدٍ،

²⁸ﭑ قٍ شْرْشْي رَقَمَ نّ وٌ مَ، ﭑ وٌ حَشَنكَتَ هَن سَنمَيَ سٌلٌقٍرٍ وٌ شَ يُنُبِيٍ شَ قٍ رَ.

²⁹وٌ قَمَ وٌ شَ دِيٍ سُبٍ يَتِ دٌندٍ.