لٍوِ سّرّشّدُبّ 15:15-25

¹⁵سّرّشّدُبّ شَ شْنِ كٍرٍن بَ يُنُبِ شَقَرِ سّرّشّ رَ، بٌورٍ سّرّشّ فَن دَاشِ. نَ كُي، كْرْ سِلَ كَنيِ بَرَ عَ شُن سَرَ ﭑ تَن عَلَتَلَ يَ عِ.»

¹⁶«شَ شّمّ ندٍ عَ شَ وَنتَنيِ نْشْ، عَ شَ عَ قَتٍ بِرِن مَشَ. عَ قِندِ مَ مِشِ سّنِيّنتَرٍ نَن نَ هَن نُنمَرٍ رَ.

¹⁷دُفِ نُن كِرِ نَشَن بِرِن نْشْ، عٍ شَ مَشَ يٍ رَ، عٍ قَن قِندِ مَ نّ سٍ سّنِيّنتَرٍ هَن نُنمَرٍ رَ.

¹⁸شَ شّمّ نُن فِنّ كَقُ عٍ بٌورٍ رَ، عٍ شَ عٍ قَتٍ مَشَ. عٍ قِندِ مَ مِشِ سّنِيّنتَرٍيٍ نَن نَ هَن نُنمَرٍ رَ.»

¹⁹«فِنّ نَشَن نَ عَ شَ كِكٍ وَلِ كُي، عَ قِندِ مَ مِشِ سّنِيّنتَرٍ نَن نَ لْشُن كٍرٍن بُن مَ. نَشَن نَ دِن عَ رَ، عَ قَن قِندِ مَ مِشِ سّنِيّنتَرٍ رَ هَن نُنمَرٍ رَ.

²⁰فِنّ نَشَن نَ عَ شَ كِكٍ وَلِ كُي، عَ سَمَ سَدٍ نَشَن مَ، سٍ سّنِيّنتَرٍ نَ عَ رَ. عَ دْشْ سٍسٍ نَشَن مَ، نَ قَن سٍ سّنِيّنتَرٍ نَ عَ رَ.

²¹نَشَن يٌ نَ دِن عَ شَ سَدٍ رَ، نَ كَنيِ شَ عَ شَ دُفِيٍ شَ، عَ شَ عَ يّتّ مَشَ يٍ رَ. عَ قِندِ مَ مِشِ سّنِيّنتَرٍ نَن نَ هَن نُنمَرٍ رَ.

²²نَشَن يٌ نَ دْشْ عَ شَ فٌنيِ مَ، نَ كَنيِ شَ عَ شَ دُفِيٍ شَ، عَ شَ عَ يّتّ مَشَ يٍ رَ. عَ قِندِ مَ مِشِ سّنِيّنتَرٍ نَن نَ هَن نُنمَرٍ رَ.

²³شَ سٍ ندٍ سَشِ نَ سَدٍ مَ، شَ نَ مُ عَ رَ نَ فٌنيِ مَ عَ نُ دْشْشِ نَشَن مَ، نَشَن دِنمَ نَ سٍ رَ عَ قِندِ مَ مِشِ سّنِيّنتَرٍ نَن نَ هَن نُنمَرٍ رَ.

²⁴شَ شّمّ ندٍ نُن نَ فِنّ كَقُ، عَ شَ كِكٍ وَلِ وُلِ قَ سَ عَ قَتٍ مَ، عَ قَن قِندِ مَ مِشِ سّنِيّنتَرٍ نَن نَ لْشْشُن كٍرٍن بُن مَ. عَ نَ سَ سَدٍ يٌ مَ، نَ قَن قِندِ مَ سٍ سّنِيّنتَرٍ نَن نَ.»

²⁵«شَ وُلِ لُ مِنِ رَ فِنّ مَ، نَشَن مُ قِندِشِ عَ شَ كِكٍ وَلِ وُلِ رَ، شَ نَ مُ عَ رَ عَ شَ كِكٍ وَلِ تّمُي شْن نَشَ كُيَ، عَ قِندِ مَ مِشِ سّنِيّنتَرٍ نَن نَ عَلْ فِنّ نَشَن نَ عَ شَ كِكٍ وَلِ كُي.