Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - كْنتِ تِقٍ - كْنتِ تِقٍ 13

كْنتِ تِقٍ 13:16-33

Help us?
Click on verse(s) to share them!
16شّمّيٍ شِلِيٍ نَن نَ كِ مُنسَ نَشٍيٍ شّي كَنَان بْشِ رَبّندٍ. مُنسَ نَشَ نُنُ شَ دِ شّمّ هٌسٍيَ شِلِ سَ يٌسُوٍ.
17مُنسَ تٌ عٍ شّي كَنَان بْشِ رَبّندٍ، عَ نَشَ عَ قَلَ عٍ بّ، «وٌ شَ مِنِ نٍفٍوِ فبٍنفبٍرٍنيِ بِرِ، هَن وٌ فٍيَيٍ يِرٍ لِ.
18وٌ شَ نَ بْشِ رَبّن، وٌ شَ عَ كٌلٌن شَ مّننِكَيٍ سّنبّ فبٌ، شَ عٍ سّنبّ مُ فبٌ، شَ عٍ وُيَ، شَ عٍ مُ وُيَ.
19وٌ شَ عَ مَتٌ شَ نَ بْشِ قَن. وٌ شَ عَ كٌلٌن شَ تّتّ نَ نَ تَايٍ رَبِلِنيِ مَ.
20وٌ شَ عَ مَتٌ شَ نَ بْشِ قَن سَنسِ بّ، شَ وُرِيٍ فبٌ نَا. وٌ كَتَ وٌ شَ قَ نَ سَنسِ بٌفِ ندٍيٍ رَ.» وّنِ بِلِيٍ بٌفِ سِنفٍ تّمُي نَن نُ عَ رَ.
21عٍ نَشَ سَ نَ بْشِ رَبّن، كٍلِقٍ سِنِ فبٍنفبٍرٍنيِ مَ، هَن رٍشٌبٌ، شَمَتَ مَبِرِ.
22عٍ نَشَ دَنفِ نٍفٍوِ فبٍنفبٍرٍنيِ رَ، عٍ سَ شٍبِرٌن لِ، عَنَكِ شَ دِيٍ عَشِمَن، سّسَيِ، نُن تَلَمَيِ نُ سَبَتِشِ دّننَشّ. شٍبِرٌن تَا نُ تِشِ حّ سٌلٌقٍرٍ بٍينُ سٌوَن تَا شَ تِ مِسِرَ.
23عٍ تٌ عٍسٍكٌلِ فُلُنبَ لِ، عٍ نَشَ وّنِ بِلِ سَلٌنيِ ندٍ رَ سّفّ، عَ تْنسْي نُ نَ نَشَن مَ. مِشِ قِرِن نَشَ نَ شَنِن وُرِ كُيٍ رَ. عٍ نَشَ شْرّ بٌفِ ندٍ قَن تٌنفٌ، عَ نُن بٌفِسٍ ندٍ نَشَن شِلِ فِرٍنَدِ، نَشَن مَنِيّ كْوبّ رَ.
24عٍ نَشَ نَ يِرٍ شِلِ سَ عٍسٍكٌلِ، نَ نَن نَ كِ «تْنسْي يِرٍ،» نَ وّنِ بٌفِ تْنسْي شَ قٍ رَ، عٍ نَشَن بَشِ.
25عٍ تٌ شِ تٌنفٌ نَانِ رَبَ نَا نَ بْشِ رَبّندٍ، عٍ نَشَ فبِلٍن
26مُنسَ، هَرُنَ، نُن عِسِرَيِلَ حَمَ يِرٍ. عٍ نُ نَ كَدٍ سِ، ثَرَن فبٍنفبٍرٍنيِ مَ. مّننِ عٍ نَشَ دّنتّفّ سَ، عٍ نَ بْشِ سَنسِ بٌفِيٍ مَسٍن عٍ بّ.
27عٍ نَشَ عَ قَلَ مُنسَ بّ، «مُشُ سٌ نّ بْشِ مَ، عِ مُشُ شّي دّننَشّ. بْشِ نَن عَ رَ، كُمِ نُن شِحّ شّلّمَ دّننَشّ. نَ بٌفِسٍ ندٍيٍ نَن يَ.
28كْنْ حَمَ نَشَن سَبَتِشِ نَ بْشِ مَ، عٍ سّنبّ فبٌ. تّتّ دْشْشِ تَا بِرِن نَ. تَا شُنفبٍ نَن عٍ رَ. مُشُ عَنَكِ بْنسْي يَتِ تٌشِ نّ نَا.
29عَمَلّكِكَيٍ سَبَتِشِ نٍفٍوِ فبٍنفبٍرٍنيِ نَن مَ. شِتِكَيٍ، يٍبُسُكَيٍ، نُن عَمٌرِكَيٍ، نٍيٍ نَن سَبَتِشِ فٍيَ يِرٍ. كَنَانكَيٍ تَن سَبَتِشِ بَا دّ نَن نَ، عَ نُن يُرُدّن شُرٍ دّ رَ.»
30كَلٍبِ نَشَ حَمَ مَسَبَرِ مُنسَ يَ شْرِ، عَ قَلَقٍ رَ، «وٌن شّي! وٌن شَ يِ بْشِ قِندِ وٌن فبٍ رَ. وٌن نْمَ نَ رَبَدٍ.»
31كْنْ بٌورٍ نَشٍيٍ سِفَ بْشِ رَبّندٍ، نٍيٍ نَشَ عَ قَلَ، «وٌن مُ نْمَ سِفَدٍ نَ حَمَ فٍرٍدٍ. عٍ سّنبّ فبٌ وٌن بّ!»
32نَ كُي عٍ نَشَ قٍ حَاشِ قَلَ نَ بْشِ شَ قٍ رَ عِسِرَيِلَ حَمَ بّ. عٍ نَشَ عَ قَلَ، «مُشُ بْشِ نَشَن نَبّنشِ، بْشِ نَن عَ رَ نَشَن مِشِ قَشَمَ. مِشِ فبَنفبَلَنيِيٍ سَبَتِشِ نَا.
33مُشُ عَنَبِيٌرٌي تٌ نّ نَشَن قَتَنشِ عَنَكِ بْنسْي رَ. مُشُ نُ لُشِ نّ عَلْ كَتٌي عٍ مَبِرِ. عٍ تَن يٌ، مُشُ تَن يٌ، عٍ بِرِن عَ تٌشِ نَ كِ نّ.»

Read كْنتِ تِقٍ 13كْنتِ تِقٍ 13
Compare كْنتِ تِقٍ 13:16-33كْنتِ تِقٍ 13:16-33