21مُنسَ نَشَ عَ مَسٍن عَلَتَلَ بّ، «عِ عَ قَلَمَ عِ سُبٍ قِمَ يِ حَمَ مَ كِكٍ كٍرٍن بُن مَ؟ ﭑ نَ شّمّ وُلُ كّمّ سٍننِ نَن يَ مَ.
22شُرُ سٍ فْورّ مُ نْمَ عٍ رَلِدٍ سُبٍ رَ. هَلِ يّشّ نَشٍيٍ نَ بَا مَ، عٍ مُ نْمَ عٍ رَلِدٍ.»
23عَلَتَلَ نَشَ عَ يَابِ، «ﭑ سّنبّ شُرُن نَ رَبَدٍ؟ عِ قَمَ عَ كٌلٌندٍ شَ ﭑ مَ وْيّنيِ قِندِشِ نْندِ نَن نَ.»
24مُنسَ نَشَ سِفَ عَلَتَلَ شَ مَسٍنيِ دّنتّفّدٍ حَمَ بّ. عَ نَشَ حَمَ قٌرِيٍ مِشِ تٌنفٌ سٌلٌقٍرٍ مَلَن عَلَ شَ هْرْ مْلِنفِرَ رَبِلِنيِ.
25عَلَتَلَ نَشَ فٌرٌ نُشُي كُي، عَ مَسٍنيِ تِ مُنسَ بّ. عَ نَشَ عَ يّتّ شَشِلِ سّنِيّنشِ ندٍ تٌنفٌ نَشَن نُ نَ مُنسَ مَ، عَ عَ سَ نَ قٌرِ مِشِ تٌنفٌ سٌلٌقٍرٍ مَ. نَ شَشِلِ سّنِيّنشِ تٌ فٌرٌ عٍ مَ، عٍ نَشَ سٌ مَسٍنيِ تِقٍ عَلَ شِلِ رَ، كْنْ عٍ مُ عَ عِكُيَ.