كْنتِ تِقٍ 11:13-34

¹³ﭑ سُبٍ سْتْمَ مِندٍن يِ حَمَ بِرِن بّ؟ عٍ عٍ مَوَ مَ عٍ وَ مَ سُبٍ شْن.

¹⁴ﭑ كٍرٍن مُ نْمَ يِ حَمَ بِرِن شَ كٌتٍ رَ، عَ بِنيَ ﭑ بّ.

¹⁵قَشّ نَن قِسَ نَ كٌتٍ بّ. شَ ﭑ مَ قٍ رَقَن عِ مَ، عِ نَشَ ﭑ شُن نَكَنَ.»

¹⁶عَلَتَلَ نَشَ عَ مَسٍن مُنسَ بّ، «عِسِرَيِلَ قٌرِ تٌنفٌ سٌلٌقٍرٍ مَلَن ﭑ بّ، عِ نَشٍيٍ كٌلٌن تَا يَرٍرَتِيٍ نُن كُنتِفِيٍ رَ. عٍ شَ عٍ مَلَن هْرْ مْلِنفِرَ دّ رَ عِ سّيتِ مَ.

¹⁷ﭑ قَمَ فٌرٌدٍ عِ يِرٍ، وٌن شَ وْيّن. ﭑ شَشِلِ سّنِيّنشِ نَشَن قِشِ عِ مَ، ﭑ نَ ندٍ بَمَ عِ مَ، ﭑ شَ نَ سَ عٍ قَن مَ، عَلَكٌ عِ كٍرٍن نَشَ يِ حَمَ شَ كٌتٍ شَنِن سْنْن. وٌ نُن نَ كُنتِفِيٍ نَن عَ شَنِنمَ قَ.»

¹⁸«عَ قَلَ حَمَ بّ، ‹وٌ شَ وٌ يّتّ رَ سّنِيّن، بَرِ مَ تِنَ وٌ سُبٍ دٌنمَ نّ. عَلَتَلَ بَرَ وٌ وَ شُي مّ، عَ قَلَقٍ رَ، «مُشُ وَ مَ سُبٍ نَن شْن مَ. لُقٍ مِسِرَ نَن قِسَ.» عَلَتَلَ قَمَ سُبٍ قِدٍ وٌ مَ وٌ نَشَن دٌنمَ.

¹⁹كْنْ وٌ مُ عَ دٌنمَ شّ شِ كٍرٍن، شَ نَ مُ شِ قِرِن، شَ نَ مُ شِ سُولِ، شَ نَ مُ شِ قُ، شَ نَ مُ شِ مْشْحّن.

²⁰وٌ عَ دٌنمَ نّ هَن كِكٍ كٍرٍن، هَن عَ مِنِ وٌ حْي كُي، هَن عَ رَحَاشُ وٌ مَ، بَرِ مَ وٌ بَرَ عَلَتَلَ رَبّحِن، نَشَن نَ وٌ يَ مَ. وٌ بَرَ وٌ مَوَ عَ قَلَقٍ رَ، «مُنقٍ رَ مُشُ مِنِشِ مِسِرَ؟»›»

²¹مُنسَ نَشَ عَ مَسٍن عَلَتَلَ بّ، «عِ عَ قَلَمَ عِ سُبٍ قِمَ يِ حَمَ مَ كِكٍ كٍرٍن بُن مَ؟ ﭑ نَ شّمّ وُلُ كّمّ سٍننِ نَن يَ مَ.

²²شُرُ سٍ فْورّ مُ نْمَ عٍ رَلِدٍ سُبٍ رَ. هَلِ يّشّ نَشٍيٍ نَ بَا مَ، عٍ مُ نْمَ عٍ رَلِدٍ.»

²³عَلَتَلَ نَشَ عَ يَابِ، «ﭑ سّنبّ شُرُن نَ رَبَدٍ؟ عِ قَمَ عَ كٌلٌندٍ شَ ﭑ مَ وْيّنيِ قِندِشِ نْندِ نَن نَ.»

²⁴مُنسَ نَشَ سِفَ عَلَتَلَ شَ مَسٍنيِ دّنتّفّدٍ حَمَ بّ. عَ نَشَ حَمَ قٌرِيٍ مِشِ تٌنفٌ سٌلٌقٍرٍ مَلَن عَلَ شَ هْرْ مْلِنفِرَ رَبِلِنيِ.

²⁵عَلَتَلَ نَشَ فٌرٌ نُشُي كُي، عَ مَسٍنيِ تِ مُنسَ بّ. عَ نَشَ عَ يّتّ شَشِلِ سّنِيّنشِ ندٍ تٌنفٌ نَشَن نُ نَ مُنسَ مَ، عَ عَ سَ نَ قٌرِ مِشِ تٌنفٌ سٌلٌقٍرٍ مَ. نَ شَشِلِ سّنِيّنشِ تٌ فٌرٌ عٍ مَ، عٍ نَشَ سٌ مَسٍنيِ تِقٍ عَلَ شِلِ رَ، كْنْ عٍ مُ عَ عِكُيَ.

²⁶كْنْ شّمّ قِرِن نُ نَ نَ قٌرِ تٌنفٌ سٌلٌقٍرٍ يَ مَ نَشٍيٍ مُ سِفَ مَلَنيِ. عٍ مُ سِفَ هْرْ مْلِنفِرَ يِرٍ، عٍ نَشَ لُ يٌنكِندٍ كُي. كْنْ عَلَ شَشِلِ سّنِيّنشِ نَشَ فٌرٌ عٍ قَن مَ، عٍ قَ مَسٍنيِ تِ عَلَ شِلِ رَ حَمَ تَفِ.

²⁷قٌنِكٍ ندٍ نَشَ عَ فِ، عَ سَ عَ قَلَ مُنسَ بّ، «عٍلٍدَدٍ نُن مٍدَدِ نَ مَسٍنيِ تِقٍ عَلَ شِلِ رَ حَمَ تَفِ.»

²⁸نُنُ شَ دِ شّمّ يٌسُوٍ، نَشَن نُ مُنسَ مَلِمَ كَقِ عَ قٌنِكٍ تّمُي، عَ نَشَ عَ قَلَ مُنسَ بّ، «ﭑ مَرِفِ، عِ شَ نَ قٍ دَن.»

²⁹مُنسَ نَشَ عَ يَابِ، «عِ تْونّ تِقٍ ﭑ تَن نَن مَ قٍ رَ؟ عَ شْلِ ﭑ مَ عَلَتَلَ شَ حَمَ بِرِن قِندِ نَمِحْنمّيٍ رَ نَشٍيٍ بَرَ عَلَ شَشِلِ سّنِيّنشِ سْتْ!»

³⁰نَ تّمُي، مُنسَ نُن عِسِرَيِلَ كُنتِفِيٍ نَشَ فبِلٍن حَمَ يَ مَ.

³¹عَلَتَلَ نَشَ قٌيٍ شُنفبٍ رَ مِنِ كٍلِقٍ بَا مَ، نَشَن شْنِ فبٍفبٍ رَدِن حَمَ يٌنكِندٍ رَبِلِنيِ، هَن كٍلِقٍ يٌنكِندٍ تَفِ، عَ سَ دْشْ قّيحّن كٍرٍن حّرّ رَ.

³²حَمَ نَشَ قّيحّن نَ شْنِيٍ مَتٌنفٌ رَ، هَن نَ كُيٍ عِبَ. عٍ مَن نَشَ قّيحّن شْنِيٍ مَتٌنفٌ رَ، هَن كَنكَن نَشَ ثَانِ يَ قُ سْتْ، لِتِرِ كّمّ سَشَن تٌنفٌ سُولِ سَمَ ثَانِ نَشَن كُي. عٍ نَشَ عٍ رَقٍن عٍ شَ يٌنكِندٍ رَبِلِنيِ.

³³كْنْ بٍينُ عِسِرَيِلَكَيٍ شَ فّ نَ سُبٍ دٌندٍ، عَلَتَلَ نَشَ شْنْ عٍ مَ، عَ عٍ حَشَنكَتَ عَ شْرْشْي رَ.

³⁴عٍ نَشَ نَ يِرٍ شِلِ سَ كِبِرٌتِ هَتَاوَ، نَ نَن نَ كِ «مِلَنتٍ فَبُرِ،» بَرِ مَ مِلَنتٍ فَلِ نَن نَفَتَ مّننِ.