كَوَندِلَ 7:8-26

⁸قٍ رَحْنيِ قِسَ عَ قْلّ بّ. مِشِ سَبَرِشِ قِسَ يّتّ عِفبٌي بّ.

⁹عِ بْحّ نَشَ فبَتَ تٍدٍ، بَرِ مَ شَشِلِتَرٍيٍ بْحّ نَن تٍمَ.

¹⁰عِ نَشَ لُ عَ قَلَ رَ، «سِنفٍ دَنفِ يَكْسِ رَ.» شَشِلِمَيَ وْيّنيِ مُ نَ نَ رَ.

¹¹شَشِلِمَيَ لُشِ نّ عَلْ كّ، عَ مُنَقَنيِ نَ دُنِحَ مِشِ بِرِن بّ.

¹²شَشِلِمَيَ قِندِشِ مِشِ شَ كَنتَرِ نَن نَ، كْبِرِ قَن قِندِشِ مِشِ شَ كَنتَرِ نَن نَ، كْنْ شَشِلِمَيَ نَن قِسَ، بَرِ مَ عَ شَشِلِمَ رَكِسِمَ.

¹³عَلَ شَ وَلِ مَتٌ. عَ نَشَن مَدَلِن، ندٍ نْمَ نَ مَتِنشِندٍ؟

¹⁴عِ شَ سّيوَ هّيرِ تّمُي. تْورّ تّمُي نَ عَ لِ، عِ شَ رَتُ عَ مَ، عَ عَلَ نَن نَ قِرِنيِ بِرِن دَاشِ. نَ كُي عَدَ مَدِ مُ نْمَ عَ شَ تِنَ كٌلٌندٍ.

¹⁵ﭑ مَ سِمَيَ قُقَقُ كُي، ﭑ عَ تٌشِ نّ تِنشِنتْي ندٍ قَشَ سِمَيَ دُنكٍ كُي هَلِ عَ تٌ تِنشِنشِ، تِنشِنتَرٍ ندٍ بُ دُنِحَ هَلِ عَ تٌ مُ تِنشِن.

¹⁶عِ نَشَ عِ يّتّ قِندِ تِنشِنتْي رَ، عِ نَشَ عِ يّتّ قِندِ لْننِلَ رَ، شَ نَ مُ عَ رَ عِ عِ يّتّ كَنَمَ نّ.

¹⁷عِ نَشَ قِندِ تِنشِنتَرٍ رَ، شَ نَ مُ عَ رَ عِ قَشَمَ نّ بٍينُ عِ شَ وَشَتِ شَ عَ لِ.

¹⁸عَ لَنمَ عِ شَ عِ حْشْ سَ نَ مَرَ سِ قِرِنيِ شْن مَ. عَلَ شَ يَرَفَاشُي شَ قٍ سْونّيَمَ نّ نَ بِرِن كُي.

¹⁹شَشِلِمَ شَ شَشِلِمَيَ عَ سّنبّ فبٌمَ نّ دَنفِ تَا مَنفّ قُ رَ.

²⁰تِنشِنتْي مُ نَ يِ دُنِحَ مَ، نَشَن قٍ قَنيِ تُن نَبَمَ، عَ مُ يُنُبِ يٌ رَبَ.

²¹عِ نَشَ عِ تُلِ مَتِ مِشِ شَ وْيّنيِ بِرِن نَ، شَ نَ مُ عَ رَ عِ قَمَ عِ شَ كٌنيِ شُي مّدٍ عَ عِ دَنكَمَ،

²²عَلْ عِ تَن يَتِ بَرَ عَ رَبَ سَنيَ وُيَشِ مِشِيٍ رَ.

²³ﭑ نَ بِرِن عِفبّشِ نّ شَشِلِمَيَ رَ. ﭑ نَشَ عَ قَلَ، «ﭑ شَ قِندِ شَشِلِمَ رَ،» كْنْ ﭑ مُ نْ.

²⁴شَشِلِمَيَ تَن تِلِن، عَ مَكُيَ وٌن نَ، ندٍ نْمَ عَ قَهَامُدٍ؟

²⁵نَ كُي ﭑ نَشَ كَتَ نَ كٌلٌندٍ، ﭑ شَ سٌ شَشِلِمَيَ كُي، ﭑ شَ قَهَامُي سْتْ، ﭑ شَ عَ كٌلٌن تِنشِنتَرٍيَ قِندِشِ شَشِلِتَرٍحَ نَن نَ، شَشِلِتَرٍحَ قَن قِندِشِ دَشُحَ نَن نَ.

²⁶ﭑ بَرَ قٍ ندٍ تٌ نَشَن شْنْ دَنفِ قَشّ رَ. فِنّ نَ عَ رَ نَشَن قِندِشِ يّلّ رَ، نَشَن بْحّ قِندِشِ فَنتَنيِ رَ، نَشَن بّلّشّيٍ لُشِ عَلْ لُوتِ بَلَنشِ. مِشِ نَشَن نَقَن عَلَ مَ، عَ كٍلِمَ نّ نَ فِنّ شُن مَ، كْنْ نَ فِنّ يُنُبِتْي نَن مَسْتْمَ.