كَوَندِلَ 3:1-16

¹تّمُي نَ قٍ بِرِن مَ، قٍ بِرِن دُنِحَ مَ، عَ شَ وَشَتِ نَ نَ.

²وَشَتِ ندٍ نَ دِ بَرِقٍ مَ، وَشَتِ ندٍ نَ قَشَقٍ مَ. وَشَتِ ندٍ نَ سَنسِ سِقٍ مَ، وَشَتِ ندٍ نَ سَنسِ شَبَقٍ مَ.

³وَشَتِ ندٍ نَ قَشّ تِقٍ مَ، وَشَتِ ندٍ نَ دَندَن تِقٍ مَ. وَشَتِ ندٍ نَ سٍ كَنَقٍ مَ، وَشَتِ ندٍ نَ سٍ يَءِلَنقٍ مَ.

⁴وَشَتِ ندٍ نَ وَقٍ مَ، وَشَتِ ندٍ نَ يٍلٍقٍ مَ. وَشَتِ ندٍ نَ يَيٍ رَ مِنِقٍ مَ، وَشَتِ ندٍ نَ قَرٍ بٌرٌنقٍ مَ.

⁵وَشَتِ ندٍ نَ فّمّيٍ رَيٍنسٍنقٍ مَ، وَشَتِ ندٍ نَ فّمّيٍ مَلَنقٍ مَ. وَشَتِ ندٍ نَ سُنبُ تِقٍ مَ، وَشَتِ ندٍ نَ عَ تِتَرٍيَ مَ.

⁶وَشَتِ ندٍ نَ سٍ قٍنقٍ مَ، وَشَتِ ندٍ نَ عَ لُقٍ مَ. وَشَتِ ندٍ نَ سٍ رَفَتَقٍ مَ، وَشَتِ ندٍ نَ عَ وْلّقٍ مَ.

⁷وَشَتِ ندٍ نَ سٍ عِبْوقٍ مَ، وَشَتِ ندٍ نَ عَ دّفّقٍ مَ. وَشَتِ ندٍ نَ وْيّنقٍ مَ، وَشَتِ ندٍ نَ دُندُقٍ مَ.

⁸وَشَتِ ندٍ نَ شَنُ تِقٍ مَ، وَشَتِ ندٍ نَ شْن تِقٍ مَ. وَشَتِ ندٍ نَ فٍرٍ سٌقٍ مَ، وَشَتِ ندٍ نَ سَاتَقٍ مَ.

⁹وَلِكّ فٍينِ مُندُن سْتْمَ عَ شَ كَتّ كُي؟

¹⁰ﭑ بَرَ كٌتٍ تٌ عَلَ نَشَن دْشْشِ عَدَ مَدِيٍ شُن.

¹¹عَ بَرَ سٍ بِرِن نَتٌقَن عَ وَشَتِ مَ. عَ بَرَ عَ نِيَ عَدَ مَدِ شَشِلِ شَ سِفَ عَبَدَن قٍ مَ، هَلِ عَ مُ نْ عَلَ شَ وَلِيٍ كٌلٌندٍ كٍلِ عَ قْلّ مَ هَن عَ رَحْنيِ.

¹²ﭑ عَ كٌلٌن قٍقٍ مُ نَ نَشَن قَن عَدَ مَدِ بّ، قٌ عَ سّيوَ، عَ قٍ قَنيِ رَبَ عَ شَ دُنِحّءِفِرِ كُي.

¹³مِشِ عَ دّفٍقٍ، عَ عَ مِن، عَ سّيوَ عَ شَ وَلِ كُي، نَ نَن قِندِشِ عَلَ شَ كِ رَ عَدَ مَدِ بّ.

¹⁴ﭑ عَ كٌلٌن عَلَ شَ وَلِ بِرِن بُمَ نّ عَبَدَن. سٍسٍ مُ سَمَ عَ شُن مَ، سٍسٍ مُ بَمَ عَ رَ. عَلَ قٍ رَبَمَ نّ عَلَكٌ عَدَ مَدِ شَ فَاشُ عَ يَ رَ.

¹⁵نَشَن نَ نَ، نَ حَن نُ نَ نُ. نَشَن قَمَ رَبَدٍ، نَ حَن نُ نَ نُ. عَدَ مَدِ نَشَن نَبَشِ، عَلَ قَمَ نّ نَ مَكِيتِدٍ.

¹⁶ﭑ بَرَ قٍ فبّتّ قَن تٌ يِ دُنِحَ مَ؛ نْندِ مَقِندِ مَ وُلٍ رَ، تِنشِنيِ مَقِندِ مَ تِنشِنتَرٍيَ رَ.