كَوَندِلَ 1:11-17

¹¹حَمَ مُ رَتُمَ قٍ دَنفِشِ مَ، قٍ نَشَن سَ قَمَ رَبَدٍ، حَمَ نّيمُمَ نّ نَ قَن نَ.

¹²ﭑ تَن كَوَندِلَ، ﭑ بَرَ قِندِ مَنفّ رَ عِسِرَيِلَ بْشِ مَ دَرِ سَلَمُ.

¹³ﭑ نَتّ تٌنفٌشِ نّ، قٍ نَشٍيٍ بِرِن نَبَقٍ يِ دُنِحَ مَ، ﭑ شَ عٍ مَتٌ عَ قَنيِ رَ. نَ كُي ﭑ عَ تٌ نّ عَ عَلَ كٌتٍ شْرْشْي نَن سَشِ عَدَ مَدِيٍ قَرِ.

¹⁴ﭑ بَرَ وَلِ بِرِن مَتٌ نَشَن نَبَمَ يِ دُنِحَ مَ. قُقَقُ نَ عَ بِرِن نَ! بِرَقٍ نَ وَلِ قْشْ رَ، عَ لُشِ نّ عَلْ مِشِ نَ بِرَقٍ قٌيٍ نَن قْشْ رَ.

¹⁵نَشَن كُنتِنشِ، نَ مُ نْمَ مَتِنشِندٍ، نَشَن لُشِ، نَ مُ نْمَ كَمَلِدٍ.

¹⁶ﭑ نَشَ عَ مَحْشُن ﭑ يّتّ مَ، عَ ﭑ تَن بَرَ لْننِ قٍن دَنفِ دَرِ سَلَمُ مَنفّ بِرِن نَ، نَشٍيٍ سِنفٍ قَ ﭑ تَن يَرَ. ﭑ بَرَ لْننِ نُن قٍ كٌلٌنيِ فبٍفبٍ سْتْ دُنِحَ شَ قٍ مَ.

¹⁷ﭑ نَشَ نَتّ تٌنفٌ ﭑ شَ شَشِلِمَيَ نُن شَشِلِتَرٍحَ قَن مَتٌ. كْنْ ﭑ بَرَ عَ تٌ نَ قَن لُشِ عَلْ بِرَقٍ قٌيٍ نَن قْشْ رَ.