1ﭑ مُ نُ نْمَ وْيّندٍ وٌ بّ عَلْ ﭑ نُ وَ مَ عَ شْن مَ كِ نَشّ، بَرِ مَ وٌ مُ لُشِ عَلْ عَلَ شَشِلِ كَنيِيٍ. وٌ لُشِ نّ عَلْ دُنِحَ مِشِيٍ، نَشٍيٍ شَ دَنشَنِيَ مُ فّشِ كَمَلِدٍ سِندٍن.
2ﭑ نُ بَرَ وٌ شَرَن قٍ سِنفٍيٍ رَ، عَلْ دِنفّ شِحّ قِمَ عَ شَ دِيْرّ مَ كِ نَشّ. ﭑ مُ وٌ شَرَن قٍ شْرْشْي رَ، بَرِ مَ وٌ مُ نُ نْمَ نَ قَهَامُدٍ. دِنفّ قَن مُ سُبٍ قِمَ دِيْرّ مَ. هَن يَ وٌ مُ نْمَ شَرَنيِ شْرْشْي كٌلٌندٍ، بَرِ مَ وٌ نَ بِرَقٍ دُنِحَ قٍيٍ نَن قْشْ رَ.
3تْونّ نُن لَنتَرٍيَ تٌ فبٌ وٌ يَ مَ، نَ مُ عَ مَسٍنمَ شّ عَ دُنِحَ مِشِيٍ نَن وٌ رَ، نَشٍيٍ نَ بِرَقٍ عَدَ مَدِ وَشْنقٍ قْشْ رَ؟
4مِشِ ندٍ تٌ عَ قَلَمَ وٌ يَ مَ، «ﭑ بِرَشِ ثْلُ نَن قْشْ رَ،» مِشِ فبّتّ قَن عَ قَلَ، «ﭑ تَن بِرَشِ عَثٌلٌسِ نَن قْشْ رَ،» نَ مُ عَ مَسٍنمَ شّ عَ وٌ لُشِ نّ عَلْ دُنِحَ مِشِيٍ؟
5ندٍ نَ عَثٌلٌسِ رَ؟ ندٍ نَ ثْلُ رَ؟ مُشُ قِندِشِ عَلَ شَ وَلِكّيٍ نَن تُن نَ عَلَ نَشٍيٍ شّيشِ عَلَكٌ وٌ شَ دَنشَنِيَ. عَلَ وَلِ نَشَن سٌشِ مُشُ يِ رَ، مُشُ بَرَ نَ رَبَ.
6ﭑ تَن بَرَ سَنسِ شْرِ سِ، عَثٌلٌسِ بَرَ يٍ سَ عَ مَ، كْنْ عَلَ نَن عَ نِيَ عَ شَ بُلَ، عَ شَ مْ.
7مِشِ نَشَن سَنسِ شْرِ سِمَ، عَ نُن مِشِ نَشَن يٍ سَمَ عَ مَ، عٍ تِدٍ مُ فبٌ. عَلَ نَن تِدٍ فبٌ، بَرِ مَ عَ تَن نَن عَ نِيَ سَنسِ شَ مْ.
8نَشَن سَنسِ شْرِ سِمَ، نُن نَشَن يٍ سَمَ عَ مَ، عٍ بِرِن لَن، عٍ بِرِن قَمَ نّ عٍ شَ وَلِ سَرٍ سْتْدٍ.
9مُشُ تَن قِندِشِ عَلَ شَ وَلِكّيٍ نَن نَ. وٌ تَن لُشِ نّ عَلْ عَلَ شَ شّ، شَ نَ مُ عَ رَ عَ شَ بَنشِ.
10عَلَ بَرَ عَ حَنِفٍ عَ شَ هِننّ كُي، ﭑ شَ وَلِ سُشُ عَ بّ. نَ مِسَالِشِ بَنشِ تِ وَلِ نَن نَ. ﭑ بَرَ لُ عَلْ بَنشِتِ. ﭑ تَن نَن بَنشِ كْورِنمَ، بٌورٍ بِرِكِ دْشْ. كْنْ كَنكَن شَ مّينِ عَ وَلِ كِ مَ.
11مِشِ يٌ مُ نْمَ قٍ فبّتّ قِندِدٍ نَ بَنشِ بُنيِ رَ، بَقٍ عَلَ شَ مِشِ سُفَندِشِ عِسَ رَ.
12مِشِ نَشٍيٍ بَنشِ تِمَ نَ بُنيِ قَرِ شّيمَ رَ، شَ نَ مُ عَ رَ فبٍتِ، شَ نَ مُ عَ رَ فّمّ تٌقَنيِ، شَ نَ مُ عَ رَ وُرِ، شَ نَ مُ عَ رَ سّشّ قَنيِ، شَ نَ مُ عَ رَ سّشّ قٌرِ رَ. كَنكَن شَ وَلِ مَتٌمَ نّ.
13كِيتِ لْشْي نَ وَلِ بِرِن مَكّنّنمَ نّ. نَ كِيتِ لُمَ نّ عَلْ تّ نَشَن قَمَ كَنكَن شَ وَلِ مَكّنّندٍ.
14شَ بَنشِتِ شَ وَلِ سَ نَ تّ عِمِنِ، عَ قَمَ نّ وَلِ سَرٍ سْتْدٍ.
15كْنْ شَ عَ سَ لِ عَ شَ وَلِ نَشَ فَن نَ تّ رَ، عَ تْورْ مَ نّ. عَ قَمَ نّ كِسِدٍ عَلْ مِشِ نَشَن نَتَنفَشِ تّ مَ.
16وٌ مُ عَ كٌلٌن وٌ قِندِشِ عَلَ شَ هْرْ مْبَنشِ نَن نَ؟ عَلَ شَشِلِ سَبَتِشِ وٌ بْحّ عِ.
17شَ مِشِ ندٍ عَلَ شَ هْرْ مْبَنشِ كَنَ، عَلَ نَ كَنيِ قَن كَنَمَ نّ، بَرِ مَ عَ شَ هْرْ مْبَنشِ سّنِيّن. وٌ تَن نَن قِندِشِ نَ هْرْ مْبَنشِ رَ.
18وٌ نَشَ وٌ يّتّ مَدَشُ. شَ مِشِ ندٍ عَ يّتّ قِندِشِ لْننِلَ رَ دُنِحَ كِ مَ، عَ شَ عَ يّتّ مَفٌرٌ عَلَكٌ عَ شَ لْننِ يَتِ كٌلٌن.
19يِ دُنِحَ مِشِيٍ شَ لْننِ قِندِشِ دَشُحَ نَن نَ عَلَ بّ. عَ سّبّشِ كِتَابُي كُي، «عَلَ فَنتَنيِ تٍمَ نّ لْننِلَيٍ بّ عٍ يّتّ شَ لْننِ نَن نَ.»
20عَ مَن سّبّشِ، «مَرِفِ عَ كٌلٌن دُنِحَ مِشِيٍ شَ لْننِ قِندِشِ قٍ قُقَقُ نَن نَ.»
21وٌ نَشَ وٌ شَشِلِ تِ مِشِ يٌ رَ، بَرِ مَ عٍ قِندِشِ وٌ مَلِمَ نَن نَ.
22ثْلُ يٌ، عَثٌلٌسِ يٌ، كٍقَسِ يٌ، عٍ بِرِن قِندِشِ وٌ مَلِمَ نَن نَ. قٍ نَشَن بِرِن نَ دُنِحَ، قٍ نَشَن بِرِن نَ وٌ شَ دُنِحّءِفِرِ كُي، قٍ نَشَن بِرِن نَ نَ، عَ نُن قٍ نَشَن بِرِن سَ قَمَ، هَلِ قَشّ، نَ بِرِن نَ نَ وٌ تَن نَن مَلِقٍ رَ.
23وٌ تَن نَ عَلَ شَ مِشِ سُفَندِشِ نَن بّ، عَلَ شَ مِشِ سُفَندِشِ قَن نَ عَلَ نَن بّ.
