1ﭑ نفَشَكٍرٍنيِيٍ، عَ شْلِ ﭑ مَ وٌ شَ قَهَامُي سْتْ قٍيٍ رَ عَلَ شَشِلِ سّنِيّنشِ وٌ كِمَ نَشٍيٍ رَ.
2وٌ تٌ نُ نَ كَاقِرِحَ كُي، قٍ ندٍ نَشَ عَ نِيَ وٌ شَ بِرَ كُيٍ دُندُشِيٍ قْشْ رَ.
3نَ نَ عَ رَ، ﭑ شَ عَ قَلَ وٌ بّ، مِشِ نَشَن وْيّنمَ عَلَ شَشِلِ سّنِيّنشِ سَابُي رَ، عَ مُ نْمَ عَ قَلَدٍ، «عِسَ دَنكَشِ.» مِشِ يٌ قَن مُ نْمَ عَ قَلَدٍ، «عِسَ قِندِشِ مَرِفِ نَن نَ،» شَ عَلَ شَشِلِ سّنِيّنشِ سَابُي شَ مُ عَ رَ.
4عَلَ شَ كِ دْشْي وُيَ، كْنْ عَ بِرِن قَتَنشِ عَلَ شَشِلِ كٍرٍن نَن نَ.
5عَلَ شَ وَلِ دْشْي وُيَ، كْنْ عَ بِرِن قَتَنشِ مَرِفِ كٍرٍن نَن نَ.
6عَلَ شَ قٍ رَبَشِ دْشْي وُيَ، كْنْ عَ بِرِن قَتَنشِ عَلَ كٍرٍن نَن نَ. عَلَ كٍرٍن نَن عَ رَفِرِ مَ وٌ شَ نْ نَ قٍيٍ رَبَدٍ.
7عَلَ شَشِلِ عَ يّتّ مَسٍنمَ كَنكَن بّ حَمَ شَ مُنَقَنيِ شَ قٍ رَ.
8عَلَ شَشِلِ ندٍيٍ كِمَ شَشِلِمَيَ مَسٍنيِ رَ، عَ ندٍيٍ كِمَ قٍ كٌلٌنيِ مَسٍنيِ رَ،
9عَ ندٍيٍ كِمَ سّنبّ رَ نَشَن قَتَنشِ دَنشَنِيَ رَ، عَ ندٍيٍ كِمَ سّنبّ رَ نَشَن عَ نِيَمَ عٍ شَ نْ مِشِ رَيَلَندٍ،
10عَ ندٍيٍ كِمَ سّنبّ رَ نَشَن قِندِ مَ كَابَنَكٌي رَبَقٍ رَ، عَ ندٍيٍ كِمَ مَسٍنيِ رَ عٍ شَ وْيّن عَلَ شِلِ رَ، عَ ندٍيٍ كِمَ كٌلٌنيِ رَ عَلَكٌ عٍ شَ قَتَ عَلَ شَ قٍ نُن سٍنتَنّ شَ قٍ تَفِ رَ سَدٍ، عَ ندٍيٍ كِمَ سّنبّ رَ عٍ شَ نْ شُي فبّتّيٍ قَلَدٍ، عَ ندٍيٍ كِمَ نَ شُييٍ مَدَنفِقٍ رَ.
11عَلَ شَشِلِ كٍرٍن نَن نَ وَلِ مْولِ بِرِن نَبَمَ. عَ كَنكَن كِمَ عَلْ عَ عَ حَنِفٍشِ كِ نَشّ.
12مِشِ سَلٌنسٍيٍ وُيَ، كْنْ عٍ قِندِشِ قَتٍ فُندِ كٍرٍن نَن نَ. عٍ بِرِن نَدْشْشِ عٍ بٌرٍ رَ، عٍ قِندِ كٍرٍن نَ. وٌن نُن عَلَ شَ مِشِ سُفَندِشِ نَ نَ كِ نّ.
13وٌن تَن دَنشَنِيَتْي بِرِن بَرَ عَلَ شَشِلِ كٍرٍنيِ سْتْ. وٌن بِرِن بَرَ قِندِ قَتٍ كٍرٍن نَ. يُوِقِ يٌ، فِرّكِ يٌ، كٌنيِ يٌ، لَسِرِ يٌ، وٌن بِرِن بَلٌمَ شَشِلِ كٍرٍن نَن سَابُي رَ.
14قَتٍ مُ قِندِشِ سَلٌنسٍ كٍرٍن فبَنسَن شَ رَ، عٍ وُيَ.
15شَ عَ سَ لِ عِ سَنيِ عَ قَلَ، «ﭑ مُ نَ عِ قَتٍ مَ، بَرِ مَ ﭑ مُ قِندِشِ بّلّشّ رَ،» نَ مُ عَ نِيَمَ عَ شَ بَ عِ قَتٍ مَ.
16شَ عَ سَ لِ عِ تُلِ عَ قَلَ، «ﭑ مُ نَ عِ قَتٍ مَ، بَرِ مَ ﭑ مُ قِندِشِ يَ رَ،» نَ مُ عَ نِيَمَ عَ شَ بَ عِ قَتٍ مَ.
17شَ قَتٍ بِرِن سَ قِندِشِ يَ نَن نَ، مِشِ قٍ مّمَ دِ؟ شَ قَتٍ بِرِن سَ قِندِشِ تُلِ نَن نَ، مِشِ سٍ شِرِ مّمَ دِ؟
18عَلَ بَرَ سَلٌنسٍ بِرِن دْشْ مِشِ قَتٍ مَ، عَلْ عَ وَ مَ عَ شْن مَ كِ نَشّ.
19شَ نَ بِرِن قِندِ سَلٌنسٍ كٍرٍن نَ، قَتٍ قَ قِندِ مَ عَ رَ دِ؟
20سَلٌنسٍيٍ وُيَ، كْنْ قَتٍ فُندِ كٍرٍن نَ عَ رَ.
21عِ يَ مُ نْمَ عَ قَلَدٍ عِ بّلّشّ بّ، «ﭑ هَيِ مُ نَ عِ مَ.» عِ شُنيِ مُ نْمَ عَ قَلَدٍ عِ سَنيِ بّ، «ﭑ هَيِ مُ نَ عِ مَ.»
22نَ مُ نْمَ رَبَدٍ قٍوٌ! هَلِ قَتٍ سَلٌنسٍ نَشٍيٍ سّنبّ مُ فبٌ، قَتٍ هَيِ نَ عٍ مَ.
23وٌن وٌن قَتٍ سَلٌنسٍ نَشٍيٍ مَحْشُنشِ عَ عٍ تِدٍ شُرُن، وٌن مّينِشِ نٍيٍ مَ دَنفِ بٌورٍيٍ رَ. وٌن وٌن قَتٍ سَلٌنسٍ نَشٍيٍ سُتُرَشِ، وٌن مّينِشِ نٍيٍ مَ دَنفِ بٌورٍيٍ رَ.
24سَلٌنسٍ نَشٍيٍ مُ سُتُرَشِ، عٍ هَيِ مُ نَ عَ مَ مِشِ شَ مّننِ عٍ مَ عَ فبٍ رَ. عَلَ نَشَ مِشِ قَتٍ يَءِلَن عَلَكٌ سَلٌنسٍ نَشٍيٍ مَحْشُنشِ عَ عٍ تِدٍ شُرُن، عٍ تِدٍ شَ دَنفِ بٌورٍيٍ رَ.
25عَ مُ وَ مَ وٌن شَ قَتٍ سَلٌنسٍ ندٍ رَقِسَ عَ بٌورٍ بّ. عَ وَ مَ نّ وٌن شَ مّينِ عٍ بِرِن مَ.
26شَ عَ سَ لِ سَلٌنسٍ كٍرٍن تْورْ، سَلٌنسٍ بٌورٍيٍ قَن تْورْ مَ نّ. شَ عَ سَ لِ سَلٌنسٍ كٍرٍن بَرَ تِدٍ سْتْ، سَلٌنسٍ بِرِن سّيوَ مَ نّ نَ كُي.
27وٌ قِندِشِ عَلَ شَ مِشِ سُفَندِشِ قَتٍ نَن نَ. وٌ بِرِن بَرَ قِندِ سَلٌنسٍيٍ رَ نَ قَتٍ كٍرٍنيِ مَ. كَنكَن شَ وَلِ نَ نَ.
28عَ قْلّ، عَلَ بَرَ ندٍيٍ تِ عِسَ شَ شّيرَيٍ رَ دَنشَنِيَتْي حَمَ يَ مَ. نَ دَنفِ شَنبِ، عَ بَرَ ندٍيٍ تِ نَمِحْنمّيٍ رَ. عَ سَشَن ندٍ، عَ بَرَ ندٍيٍ تِ كَرَ مْشْيٍ رَ. عَ مَن بَرَ عَ نِيَ ندٍيٍ شَ نْ كَابَنَكٌ رَبَدٍ، ندٍيٍ شَ نْ مِشِ رَيَلَندٍ، ندٍيٍ شَ نْ عٍ بٌورٍيٍ مَلِدٍ كِ فبّتّ. عَ بَرَ ندٍيٍ تِ يَرٍرَتِيٍ رَ، عَ بَرَ ندٍيٍ كِ عَلَكٌ عٍ شَ نْ شُي فبّتّيٍ قَلَدٍ.
29نٍيٍ بِرِن قِندِشِ شّيرَيٍ نَن نَ؟ نٍيٍ بِرِن قِندِشِ نَمِحْنمّيٍ نَن نَ؟ نٍيٍ بِرِن قِندِشِ كَرَ مْشْيٍ نَن نَ؟ نٍيٍ بِرِن نْمَ كَابَنَكٌ رَبَدٍ؟
30نٍيٍ بِرِن قَتَ مِشِ رَيَلَندٍ؟ نٍيٍ بِرِن نْمَ شُي فبّتّيٍ قَلَدٍ؟ نٍيٍ بِرِن نْمَ نَ شُييٍ مَدَنفِدٍ عٍ بٌورٍيٍ بّ؟
31وٌ شَ قٍ بِرِن نَبَ عَلَكٌ عَلَ شَ وٌ كِ قٍيٍ رَ نَشٍيٍ دَنفِ قٍ بِرِن نَ. يَكْسِ ﭑ شَ كِرَ قِسَمَنتٍ مَسٍن وٌ بّ.
